လံာ်ယဃ့းစက့လး 47:20 - Sgaw Karen Common Bible

²⁰ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်မ့ၢ်မုၢ်နုာ်ကီၢ်ဆၢဒီးလဲၤဝဲဆူကလံၤစိး တကပၤတုၤဆူတၢ်လီၢ်တတီၤလၢအအိၣ်လၢဝ့ၢ်ဃမါသးအကျဲ မုၢ်နုာ်တကပၤန့ၣ်လီၤ.

လံာ်ယဃ့းစက့လး 47:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 7:8

စီၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်မၤမူးမၤပွဲ လၢဘူၣ်ဒဲအဂီၢ်နွံသီန့ၣ်လီၤ. ဖဲန့ၣ်ပှၤကမျၢၢ်ဂီၢ်မုၢ်ဖးဒိၣ်တဖၣ်အိၣ်ဝဲ, လၢအဟဲဝဲလၢကလံၤစိးတခီယံၤဝဲပၢၢ်လၢဝ့ၢ်ဃမါသးအတၢ်လဲၤ နုာ်အကျဲဒီးလၢကလံၤထံးတခီန့ၣ်ယံၤဝဲပၢၢ်လၢကီၢ်အဲၤကူပတူး အကီၢ်အဆၢန့ၣ်လီၤ.

လံာ်ယဃ့းစက့လး 47:16

ဆူဘ့ၤရိသးအလီၢ်ကဝီၤအဝ့ၢ်တဖၣ်ဒီးစံးဘြံၣ် (ဝ့ၢ်တဖၣ်အံၤအိၣ်သူၣ်လီၤအသး လၢဒၤမ့ၤစ့းအဘီအမုၢ်အလီၢ်ကဝီၤဒီးဃမါသး အဘီအမုၢ်အလီၢ်ကဝီၤအဘၢၣ်စၢၤ) ဒီးဆူဝ့ၢ်ကံဘိၣ် (အိၣ်သူၣ်လီၤအသးလၢဃၤရၣ်အကီၢ်ဆၣ် အကီၢ်ဆၢန့ၣ်လီၤ.)

လံာ်ယဃ့းစက့လး 47:21

နီၤလီၤကီၢ်အံၤလၢသုဒူၣ်တဖၣ်အကျါတက့ၢ်.

လံာ်ယဃ့းစက့လး 48:1

ကီၢ်အဆၢလၢကလံၤစိးတကပၤန့ၣ်, လၢမုၢ်ထီၣ်တခီစးထီၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်တုၤလၢဝ့ၢ်ဃ့သလိၣ်, ဆူဝ့ၢ်ဃမါသးအကျဲ, ဆူဝ့ၢ်ဃစၢ်ဧ့နၣ်, ဆူကီၢ်ဆၢလၢဒၤမ့ၤ စ့းအဘီအမုၢ်အလီၢ်ကဝီၤတဖၣ်ဒီးဝ့ၢ်ဃမါသး အဘၢၣ်စၢၤန့ၣ်မ့ၢ်လၢဒၣ်အဒူၣ်အဂီၢ်န့ၣ်လီၤ. ဒူၣ်အဂၤအတဒူၣ် စုာ်စုာ်ကဘၣ်ဒိးန့ၢ်တၢ်နီၤဖးတတီၤလၢကီၢ်ပူၤ စးထီၣ်လၢမုၢ်ထီၣ်ကီၢ်ဆၢဆူမုၢ်နုာ်တုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်တကျိၤဒ်တၢ်ရဲၣ်တၢ်ကျဲၤလၢ လာ်အံၤအသိးစးထီၣ်လၢကလံၤစိးတုၤလၢကလံၤထံးန့ၣ်လီၤ.

လံာ်ဧၤမိၣ် 6:14

ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်တၢ်ဂံၢ် 34:6

မုၢ်နုာ်အထံဆၢကီၢ်ဆၢန့ၣ်ကမ့ၢ်ဝဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.