လံာ်ယဃ့းစက့လး 47:18 - Sgaw Karen Common Bible

¹⁸ မုၢ်ထီၣ်အကီၢ်ဆၢန့ၣ်လဲၤဝဲဆူကလံၤထံးတကပၤစးထီၣ်လၢ တၢ်လီၢ်တတီၤလၢအအိၣ်လၢဒၤမ့ၤစ့းအလီၢ်ကဝီၤဒီးဝ့ၢ်ဃၤရၣ် အဘၢၣ်စၢၤအိၣ်ဒီးထံကျိယၢ်ဒ့ၣ်ဒ်ကီၢ်အဆၢ, လၢအံၣ်စရ့လးအကီၢ်မုၢ်နုာ်တခီ, ဒီးကီၢ်ကံးလဧးလၢမုၢ်ထီၣ်တခီယံၤဝဲ တုၤလီၤလၢဝ့ၢ်တၤမၣ်လၢပီၣ်လဲၣ်သံအနံၤန့ၣ်လီၤ.

လံာ်ယဃ့းစက့လး 47:18 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 13:11

မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 31:23

စီၤလၤဘၣ်ကိးဃုာ်အပှၤဒီးလူၤဖီၣ်စီၤယၤကိာ်နွံသီဒီးချုး န့ၢ်အီၤဖဲ ကီၢ်အိၣ်ဒီးတၢ်လူၢ်တၢ်တြီၤဖဲကီၢ်ကံးလဧးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:47

စီၤလၤဘၣ်ကိးထူၣ်န့ၣ်အမံၤဝဲလၢယကၢ်စဃၤဒူသၤဒီးစီၤယၤ ကိာ်ကိးန့ၢ်ဝဲလၢကံးလဧးလီၤ.

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်စီၤယိၤဘး 40:23

ထံကျိယွၤလီၤဆူၣ်ဆူၣ်န့ၣ်တပျံၤဝဲဘၣ်. ထံကျိယၢ်ဒ့ၣ်မ့ၢ် ဟဲသဖှိဆူအမဲာ်ဒၣ်လဲာ်အိၣ်ဂၢၢ်တပၢၢ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ယဃ့းစက့လး 47:16

ဆူဘ့ၤရိသးအလီၢ်ကဝီၤအဝ့ၢ်တဖၣ်ဒီးစံးဘြံၣ် (ဝ့ၢ်တဖၣ်အံၤအိၣ်သူၣ်လီၤအသး လၢဒၤမ့ၤစ့းအဘီအမုၢ်အလီၢ်ကဝီၤဒီးဃမါသး အဘီအမုၢ်အလီၢ်ကဝီၤအဘၢၣ်စၢၤ) ဒီးဆူဝ့ၢ်ကံဘိၣ် (အိၣ်သူၣ်လီၤအသးလၢဃၤရၣ်အကီၢ်ဆၣ် အကီၢ်ဆၢန့ၣ်လီၤ.)

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 34:10

ကီၢ်ဆၢလၢမုၢ်ထီၣ်တခီကပိာ်ထီၣ်တၢ်ကျိၤတကျိၤစးထီၣ်လၢဃစၢ် ဧ့နၣ်တုၤဆူၡဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:8

လၢတဆံဃိးနံၣ်အတီၢ်ပူၤန့ၣ်အဝဲသ့ၣ်ဆီၣ်ဘံၣ်ဆီၣ်ဘၢ ဒီးမၤနးမၤဖှီၣ်ကယဲၢ်ပှၤအံၣ်စရ့လးဖိတဖၣ်လၢအအိၣ်လၢ ပှၤအမိၢ်ဖိတဖၣ်အကီၢ်ပူၤဖဲထံကျိယၢ်ဒ့ၣ်အမုၢ်ထီၣ်လၢအဘၣ်ဃးဒီးကီၢ်ကံးလဧး အပူၤန့ၣ်လီၤ.