လံာ်ယဃ့းစက့လး 47:13 - Sgaw Karen Common Bible

¹³ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “အအံၤမ့ၢ်ကီၢ်အဆၢတဖၣ် လၢကဘၣ်တၢ်နီၤဖးလီၤဆူပှၤတဆံခံဒူၣ်အကျါအိၣ်ဒီးစီၤယိၤသး အဒူၣ်လၢအမၤန့ၢ်တၢ်နီၤဖးခံတီၤန့ၣ်လီၤ.

လံာ်ယဃ့းစက့လး 47:13 Iomraidhean Croise

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 49:26

တၢ်ဆိၣ်ဂ့ၤတဖၣ်လၢဘုဧိၤဟုဧိၤဒီးဖီတဖၣ်, တၢ်ဆိၣ်ဂ့ၤတဖၣ်ဟဲလၢကစၢၢ်ကလိလၢပျၢၤတဖၣ်, တၢ်လၢအဘၣ်သူၣ်ဘၣ်သးပှၤတဖၣ်လၢအဟဲလၢတၢ်လူၢ် အထူအယိာ်တဖၣ်န့ၣ်လီၤ. မ်တၢ်ဆိၣ်ဂ့ၤတဖၣ်အံၤလီၤဘၣ်လၢစီၤယိၤသး, ပှၤတဂၤလၢအဘၣ်တၢ်ပာ်လီၤဆီအီၤဒီးအဒီပုၢ်ဝဲၢ်ခွါတဖၣ်, အခိၣ်ဖီခိၣ်အမဲာ်တူၢ်ခိၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယဃ့းစက့လး 48:1

ကီၢ်အဆၢလၢကလံၤစိးတကပၤန့ၣ်, လၢမုၢ်ထီၣ်တခီစးထီၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်တုၤလၢဝ့ၢ်ဃ့သလိၣ်, ဆူဝ့ၢ်ဃမါသးအကျဲ, ဆူဝ့ၢ်ဃစၢ်ဧ့နၣ်, ဆူကီၢ်ဆၢလၢဒၤမ့ၤ စ့းအဘီအမုၢ်အလီၢ်ကဝီၤတဖၣ်ဒီးဝ့ၢ်ဃမါသး အဘၢၣ်စၢၤန့ၣ်မ့ၢ်လၢဒၣ်အဒူၣ်အဂီၢ်န့ၣ်လီၤ. ဒူၣ်အဂၤအတဒူၣ် စုာ်စုာ်ကဘၣ်ဒိးန့ၢ်တၢ်နီၤဖးတတီၤလၢကီၢ်ပူၤ စးထီၣ်လၢမုၢ်ထီၣ်ကီၢ်ဆၢဆူမုၢ်နုာ်တုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်တကျိၤဒ်တၢ်ရဲၣ်တၢ်ကျဲၤလၢ လာ်အံၤအသိးစးထီၣ်လၢကလံၤစိးတုၤလၢကလံၤထံးန့ၣ်လီၤ.

လံာ်ယဃ့းစက့လး 48:29

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, တၢ်န့ၣ်မ့ၢ်ကျဲလၢကီၢ် ကဘၣ်တၢ်နီၤလီၤအီၤဆူတၢ်နီၤဖးတဖၣ်လၢကီၢ်အံၣ်စရ့လး ဒူၣ်တဖၣ်ကဒိးန့ၢ်အီၤအဂီၢ်န့ၣ်လီၤ.

လံာ်တၢ်ဂံၢ် 34:1

ယွၤဟ့ၣ်လီၤစီၤမိၤၡ့လၢ, တၢ်သိၣ်လိနဲၣ်ယုၤတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်ဒ် လၢလာ်အံၤအသိးန့ၣ်လီၤ. “တုၤသုနုာ်လီၤဆူကီၢ်ကနၤဧၣ်, ကီၢ်လၢယဟ့ၣ်လီၤသုအပူၤန့ၣ်ဒီး, သုလီၢ်ကဝီၤအထံဆၢကီၢ်ဆၢတဖၣ်ကမ့ၢ်ဒ်လၢလာ်အသိး အံၤန့ၣ်လီၤ.

လံာ်စီၤယိၤၡူ 16:4

စီၤယိၤသးအစၢၤအသွဲၣ်တဖၣ်လၢအမ့ၢ်အ့ဖရဲၣ် အဒူၣ်ဒီးမုၢ်နုာ်မနၤၡ့ၤအဒူၣ်န့ၣ်ဒိးန့ၢ်ဘၣ်ကီၢ်အံၤဒ် အတၢ်န့ၢ်သါလီၤ.

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.