လံာ်ယဃ့းစက့လး 47:12 - Sgaw Karen Common Bible

¹² လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်ယဃ့းစက့လး 47:12 Iomraidhean Croise

လံာ်တၢ်ကဲထီၣ်အခီၣ်ထံး 2:9

ဒီးအဝဲဒုးမဲထီၣ်ကယဲၢ်သ့ၣ်အဃံအလၤအကလုာ်ကလုာ်ဒီးဒုးသၣ်ထီၣ် တၤသၣ်အဂ့ၤန့ၣ်လီၤ. လၢတၤသၣ်လီၢ်အခၢၣ်သးန့ၣ်အိၣ်ဒီးသ့ၣ်လၢအဟ့ၣ်တၢ်မူတထူၣ်, ဒီးသ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢတထူၣ်န့ၣ်လီၤ.

လံာ်စီၤယိၤဘး 8:16

ပှၤတတီတလိၤတဖၣ်မဲထီၣ်ဒ်နီၣ်ဧိၤမံၤဧိၤအသိးလၢမုၢ်ဆါဒီး ရၤလီၤအသးလၢတၤသၣ်အလီၢ်အပူၤဒ်နီၣ်ဧိၤမံၤဧိၤန့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်ယၡါယၤ 1:6

စးထီၣ်လၢခိၣ်ဒီးတုၤလၢခီၣ်န့ၣ်, လၢသုနီၢ်ခိအဖီခိၣ်တၢ်အ မုာ်အဂ့ၤတအိၣ်နီတတီၤလၢၤဘၣ်. သုဘၣ်တၢ်ကးဘၢသုဒီး တၢ်ဘၣ်တီၢ်အလီၢ်, တၢ်ပူၤလီၢ်ပူၤကျဲ, ဒီးတၢ်ဘၣ်ဒိဘၣ်ထံးသ့ၣ်မုၢ်သ့ၣ် ဖးတဖၣ်လီၤ. သုပူၤလီၢ်ပူၤကျဲတဖၣ်တဘၣ်တၢ်မၤကဆှဲ ကဆှီအီၤဒီးဘိၣ်ဘံၣ်ဘၢအီၤဘၣ်. တဘၣ်တၢ်ဖူ အီၤလၢကသံၣ်ဖူစ့ၢ်ကီးဘၣ်.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 17:8

အဝဲဒၣ်လီၤဂာ်ဒ်သ့ၣ်တထူၣ်လၢအမဲထီၣ်လၢထံကျိဖိအကပၤအသိး လၢအစဲၤလီၤအဂံၢ်တဖၣ်ဆူထံကျါန့ၣ်လီၤ. ဖဲတၢ်ကိၢ်အကတီၢ်ဟဲဝဲန့ၣ်အဝဲတပျံၤတၢ်ဘၣ်. အဂ့ၢ်ဒ်အံၤ, အလၣ်တဖၣ်အိၣ်လါဟ့ဝဲထီဘိန့ၣ်လီၤ. တၢ်မ့ၢ်တဟဲစူၤဘၣ်ဆၣ်ဒီးအတၢ်ကိၢ်တၢ်ဂီၤတအိၣ်ဘၣ်, ဒီးသၣ်ထီၣ်ဒၣ်ဆူညါကွ့ၢ်ကွ့ၢ်န့ၣ်လီၤ.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်ယဃ့းစက့လး 47:7

ဒီးဖဲယဟဲတုၤဖဲန့ၣ်န့ၣ်ဒီးယထံၣ်ဘၣ်လၢသ့ၣ်တဖၣ်အိၣ်ဝဲအါအါ ဂီၢ်ဂီၢ်လၢထံကျိကၢၢ်ပၤနံၤခံခီလိာ်န့ၣ်လီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.