လံာ်ယဃ့းစက့လး 47:1 - Sgaw Karen Common Bible

¹ ပှၤတဂၤန့ၣ်ဆှၢကဒါက့ၤယၤဆူယွၤ အတၢ်လုၢ်ဟံၣ်အကျဲစၢၤဟဲနုာ်လီၤန့ၣ်လီၤ. ထံဟဲထီၣ်လၢကျဲစၢၤဟဲနုာ်လီၤအဖီလာ်ဒီး ယွၤလီၤဝဲဆူမုၢ်ထီၣ်လၢယွၤအတၢ်လုၢ်ဟံၣ်အမဲာ်ကွၢ်တၢ်တခီန့ၣ်လီၤ. ထံအံၤဟဲယွၤလီၤလၢတၢ်လုၢ်ဟံၣ်အကလံၤထံးအဖီလာ်တ ကပၤတခီဒီးလဲၤခီဂာ်တၢ်လုၢ်လီၢ်အကလံၤထံးတကပၤန့ၣ်လီၤ.

လံာ်ယဃ့းစက့လး 47:1 Iomraidhean Croise

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 87:7

အဝဲသ့ၣ် ဂဲၤကလံာ်ဒီး သူၣ်ဝံၣ်သးဆၢ တၢ်စံးဝဲ, “ပတၢ်ဆိၣ်ဂ့ၤခဲလၢာ်အဂံၢ်ထံးန့ၣ် ဟဲလၢစံယိၣ်အပူၤလီၤ.”

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယဃ့းစက့လး 40:6

အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.

လံာ်ယဃ့းစက့လး 41:2

ဒီးအလဲၢ်န့ၣ်အိၣ်ဝဲအပျၢ်တဆံအိၣ်ဒီးတၢ်အဒူၣ်တဖၣ်လၢအဒီၣ်ဃီၤ အိၣ်ဝဲယဲၢ်ပျၢ်စုာ်စုာ်တခီတကပၤန့ၣ်လီၤ. အဝဲထိၣ်ဝဲဒၢးန့ၣ်လီၤ. အထီအိၣ်ဝဲအပျၢ်လွံၢ်ဆံဒီးအလဲၢ်မ့ၢ်ဝဲအပျၢ်ခံဆံန့ၣ်လီၤ.

လံာ်ယဃ့းစက့လး 46:24

ပှၤတဂၤန့ၣ်စံးဘၣ်ယၤ, “အအံၤမ့ၢ်ဖၣ်ကပူၤဖဲယွၤအတၢ်လုၢ်ဟံၣ် အခ့အပှၤတဖၣ်ကချီတၢ်လုၢ်တၢ်ပာ်တဖၣ်လၢပှၤဂီၢ်မုၢ်လုၢ်ထီၣ်ဝဲန့ၣ်လီၤ.”

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်ယဃ့းစက့လး 47:2

အန့ၣ်ဝံၤဒီးပှၤကညီန့ၣ်ဆှၢထီၣ်ကွံာ်ယၤလၢတၢ်လုၢ်ဟံၣ်အလီၢ် ကဝီၤအပူၤခီဖျိကျဲလၢကလံၤစိးအတြဲၤဖးဒိၣ်တခီလၢအကွၢ်ဃီၤ တၢ်ဆူမုၢ်ထီၣ်တကပၤန့ၣ်လီၤ. ထံကျိအဆံးဖိတဘိဟဲယွၤလီၤ ဝဲဖဲတြဲၤဖးဒိၣ်အကလံၤထံးတကပၤန့ၣ်လီၤ.

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.