လံာ်ယဃ့းစက့လး 46:9 - Sgaw Karen Common Bible

⁹ ဖဲပှၤဂီၢ်မုၢ်ဟဲဒ်သိးကဘူၣ်ထီၣ်ဘါထီၣ်ယွၤလၢမူးတခါဂ့ၤတခါဂ့ၤ န့ၣ်, ပှၤတဖၣ်လၢအဟဲနုာ်လၢကလံၤစိးအတြဲၤဖးဒိၣ်န့ၣ်ကဘၣ် ဟးထီၣ်လၢကလံၤထံးအတြဲၤဖးဒိၣ်တခီ, ဖဲအဝဲသ့ၣ်ဘူၣ်ထီၣ်ဘါ ထီၣ်တၢ်ဝံၤ, ဒီးပှၤတဖၣ်လၢအဟဲနုာ်လၢကလံၤထံးအတြဲၤ ဖးဒိၣ်န့ၣ်ကဘၣ်ဟးထီၣ်လၢကလံၤစိးအတြဲၤဖးဒိၣ်န့ၣ်လီၤ. ပှၤတဘၣ်ဟးထီၣ်လၢကျဲတဘိဃီလၢအဟဲနုာ်တ့ၢ်ဝဲန့ၣ်နီတဂၤဘၣ်. မ့မ့ၢ်ကဘၣ်ဟးထီၣ်လၢတြဲၤဖးဒိၣ်လၢ အအိၣ်ကွၢ်ဆၢၣ်မဲာ်လိာ်အသးတခီန့ၣ်လီၤ.

လံာ်ယဃ့းစက့လး 46:9 Iomraidhean Croise

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

လံာ်တၢ်ဟးထီၣ်ကွံာ် 34:23

သုပှၤပိာ်ခွါတဖၣ်ကဘၣ်ဟဲဘူၣ်ထီၣ်ဘါထီၣ်ယၤ, ယွၤ, ကီၢ်အံၣ်စရ့လးအကစၢ်ယွၤ, တနံၣ်သၢဘျီန့ၣ်လီၤ.

လံာ်ယဃ့းစက့လး 1:12

တၢ်ဘၣ်တ့တဂၤစုာ်စုာ်န့ၣ်ကွၢ်ဆၢညါတၢ်ဆူတၢ်အကျိၤလွံၢ်ကပၤ လိာ်, သတးဒီးပှၤတကရူၢ်န့ၣ်လဲၤဝဲဖဲအအဲၣ်ဒိးလဲၤဝဲသ့, ဒီးတလိၣ်အဃၣ်အသးဘၣ်လီၤ.

လံာ်ယဃ့းစက့လး 1:17

ဒ်သိးလ့ၣ်ဖံဘၣ်တဖၣ်သုးအသးဆူတၢ်အကျိၤလွံၢ်ကပၤအကျါ တကျိၤကျိၤကသ့ဝဲအဂီၢ်န့ၣ်လီၤ.

လံာ်ယဃ့းစက့လး 36:38

အန့ၣ်တစုဝ့ၢ်တဖၣ်လၢခဲအံၤအိၣ်လၢတၢ်ဟးဂီၤတဖၣ်အပူၤ, ကပှဲၤက့ၤကဒီးဝဲလၢပှၤဂီၢ်မုၢ်ဒ်တဘျီဝ့ၢ်ယရူၤၡလ့ၣ်ပှဲၤ ဝဲဒီးသိတဖၣ်လၢအဘၣ်တၢ်လုၢ်ထီၣ်အီၤဒ်တၢ်လုၢ်တၢ်ပာ်တ ဖၣ်အသိးလၢဘူၣ်တဘူၣ်အကတီၢ်အဂီၢ်န့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 40:24

မၤကဒီးတစု, ပှၤတဂၤန့ၣ်ဆှၢကဒီးယၤဆူကလံၤထံးတကပၤဒီး ဖဲန့ၣ်ပထံၣ်ဘၣ်ကျဲစၢၤကျိၤထံးအဂၤတခါန့ၣ်လီၤ. အဝဲထိၣ် ကျဲစၢၤကျိၤထံးန့ၣ်အတၢ်ဒူၣ်တဖၣ်လၢတၢ်အိပူၤတကပၤဒီး အကျဲစၢၤထံးအဒၢး, ဒီးအဝဲသ့ၣ်မ့ၢ်တၢ်ဒ်သိးလိာ်အသးဒီး တၢ်အိၣ်လၢအဂၤတကပၤန့ၣ်လီၤ.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်ယဃ့းစက့လး 8:14

လၢတၢ်န့ၣ်အဃိ, အဝဲလဲၤဆှၢယၤဆူယွၤအတၢ်လုၢ်ဟံၣ်ကလံၤစိး အတြဲၤဒီးဒုးနဲၣ်ယၤပိာ်မုၣ်တဖၣ်ဟီၣ်တၢ်ယၢၤတၢ်လၢကစၢၢ်တးမူး အတၢ်သံအဃိန့ၣ်လီၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.