လံာ်ယဃ့းစက့လး 46:5 - Sgaw Karen Common Bible

⁵ ဃုာ်ဒီးသိဖါတဒုစုာ်စုာ်န့ၣ်, အဝဲကဘၣ်ဟဲစိာ်တၢ်လုၢ်မၤဘူၣ် တမံၤလၢအမ့ၢ်ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ် န့ၣ်အဝဲကဘၣ်ဟဲစိာ်တၢ်တမံၤလၢ်လၢ်လၢအအဲၣ်ဒိးဟ့ၣ် ဝဲန့ၣ်လီၤ. လၢတၢ်လုၢ်မၤဘူၣ်ဘုဧိၤဟုဧိၤဒ်န့ၣ်အသိးတ ခါစုာ်စုာ်အဂီၢ်န့ၣ်အဝဲကဘၣ်ဟဲစိာ်သ့ၣ်စၤယံးအသိတအ့ဖးန့ၣ်လီၤ.

လံာ်ယဃ့းစက့လး 46:5 Iomraidhean Croise

လံာ်ယဃ့းစက့လး 45:24

လၢဂီၤဖံးဖါတဒုစုာ်စုာ်, ဒီးသိဖါတစုစုာ်စုာ်လၢတၢ်လုၢ် ထီၣ်အီၤအဂီၢ်န့ၣ်, တၢ်လုၢ်မၤဘူၣ်တမံၤလၢဘုဧိၤ ဟုဧိၤတအ့ဖးဒီးသ့ၣ်စၤယံးအသိတအ့ဖးကဘၣ် တၢ်ဟ့ၣ်ထီၣ်စ့ၢ်ကီးအီၤန့ၣ်လီၤ.

လံာ်ယဃ့းစက့လး 46:7

ဃုာ်ဒီးဂီၤဖံးဖါတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ်ဝဲ ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ် တၢ်တမံၤလၢ်လၢ်လၢစီၤပၤဖိခွါအဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံး အသိတအ့ဖးန့ၣ်ကဘၣ်တၢ်မၤဘူၣ်အီၤဃုာ်ဒီးတၢ်လုၢ်မၤဘူၣ် ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:21

ဒီးပှၤတဂၤန့ၣ်မ့မ့ၢ်ပှၤအဖှီၣ်ဒီးမၤဝဲမ့ၢ်တန့ၢ် ဘၣ်န့ၣ်ကဘၣ်ဟဲစိာ်ဝဲလၢတၢ်မၤကဆှီထီၣ်က့ၤအီၤအဂီၢ်ထဲသိဖါ ဖိတဒုဧိၤဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်အဂီၢ်, ဒီးတၢ်ဟ့ၣ်လီၤဆီတမံၤဆူယွၤအအိၣ်လၢပှၤလုၢ်တၢ်အခိၣ်အဂီၢ် န့ၣ်လီၤ. ဒီးကဘၣ်ဟဲစိာ်ဝဲကိၣ်ကမူၣ်အဃၢလီၤတယၢၢ် တအ့စရိၣ်လၢ အဃါဃုာ်အသးဒီးသ့ၣ်စၤယံးအသိလၢတၢ်လုၢ်မၤဘူၣ်ဘုဧိၤဟုဧိၤအဂီၢ် ဒီးသ့ၣ်စၤယံးအသိတလိာ်န့ၣ်လီၤ.

လံာ်တၢ်ဂံၢ် 28:12

ဒ်တၢ်လုၢ်ဘုဧိၤဟုဧိၤတမံၤအသိးန့ၣ်လုၢ်ထီၣ်ကိၣ်ကမူၣ် ဃါဃုာ်အသးဒီးသ့ၣ်စၤယံးအသိဃုာ်ဒီးကျီၢ်ဖါတဒုစုာ်စုာ်န့ၣ်, ကိၣ်ကမူၣ်အဃၢလီၤတယၢၢ်သၢအ့စရိၣ်, ဃုာ်ဒီးသိဖါတဒုစုာ်စုာ်န့ၣ်ကိၣ်ကမူၣ်အဃၢလီၤတယၢၢ်ခံအ့စရိၣ်,

လံာ်တၢ်ဂံၢ် 6:21

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးပှၤနစၤရံဖိ န့ၣ်လီၤ. ဘၣ်ဆၣ်ဒီးပှၤနစၤရံဖိတဂၤမ့ၢ်အၢၣ်လီၤအါထီၣ်တၢ်လုၢ်တမံၤလၢ တၢ်မၤလိာ်ဘၣ်ဃးဒီးအဝဲအတၢ်ဆိၣ်ဃ့ဝဲလၢကဘၣ်ဟ့ၣ်ဝဲဒီး, အဝဲကဘၣ်မၤပှဲၤတၢ်လၢအအၢၣ်လီၤတ့ၢ်ဝဲသပှၢ်ကတၢၢ်န့ၣ်လီၤ.

လံာ်သိၣ်လီၤသီလီၤတၢ် 16:17

ပှၤတဂၤဘၣ်တဂၤစုာ်စုာ်ကဘၣ်ဟဲစိာ်တၢ်ဟ့ၣ်တမံၤ, ဒ်အဝဲမၤသ့အသိး, ကၢကီၣ်သဃီၤဒီးတၢ်ဆိၣ်ဂ့ၤလၢယွၤသုကစၢ် ယွၤဟ့ၣ်လီၤအီၤန့ၣ်လီၤ.