လံာ်ယဃ့းစက့လး 46:4 - Sgaw Karen Common Bible

⁴ လၢမုၢ်အိၣ်ဘှံးအနံၤန့ၣ်, စီၤပၤဖိခွါကဘၣ်ဟဲစိာ်သိဖိအလၢ အပှဲၤဃုဒုဒီးသိဖါတဒုဒ်တၢ်လုၢ်တၢ်ပာ်တဖၣ်အသိး, လၢတၢ်ကဆိၣ်ကဲၤအီၤဒီတဒု, ဆူယွၤအအိၣ်န့ၣ်လီၤ.

လံာ်ယဃ့းစက့လး 46:4 Iomraidhean Croise

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်ယဃ့းစက့လး 45:22

လၢမူးအခီၣ်ထံးတသီအနံၤန့ၣ်စီၤပၤဖိခွါလၢအပၢတၢ်ကဘၣ် လုၢ်ထီၣ်ဂီၤဖံးဖါဖိတဒုဒ်တၢ်လုၢ်တၢ်ပာ်တမံၤအသိးလၢအဝဲ အတၢ်ဒဲးဘးတဖၣ်အဂီၢ်ဒီးလၢကယဲၢ်ပှၤဂီၢ်မုၢ်တဖၣ်အတၢ်ဒဲးဘး တဖၣ်အဂီၢ်န့ၣ်လီၤ.

လံာ်တၢ်ဂံၢ် 28:14

တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.