လံာ်ယဃ့းစက့လး 46:2 - Sgaw Karen Common Bible

² စီၤပၤဖိခွါလၢအပၢတၢ်ကလဲၤတၢ်လၢတၢ်လုၢ်ဟံၣ်အဂၢၤလၢ တၢ်ပျီပူၤဒီးလဲၤနုာ်ဆူကျဲစၢၤထံးအဒၢးပူၤခီဖျိကျဲစၢၤကျိၤထံး ဒီးဆၢထၢၣ်ဖဲတြဲၤဖးဒိၣ်အထူၣ်တဖၣ်အကပၤဖဲပှၤလုၢ်တၢ်အခိၣ် တဖၣ်ဆိၣ်ကဲၤထီၣ်အဝဲအတၢ်လုၢ်တၢ်ပာ်တဖၣ်ဒီတဒုညါဒီးလုၢ်ထီၣ် အဝဲအတၢ်လုၢ်မၤဃူမၤဖိးတဖၣ်အခါန့ၣ်လီၤ. ဖဲတြဲၤဖးဒိၣ် န့ၣ်အဝဲကဘူၣ်ထီၣ်ဘါထီၣ်တၢ်ဝံၤဒီးဟးထီၣ်ကွံာ်ကဒါက့ၤဆူ တၢ်ချၢန့ၣ်လီၤ. တချုးလၢမုၢ်ဟါလီၤဒံးဘၣ်န့ၣ်တၢ်တဘၣ် ကးတံာ်ဃာ်တြဲၤဖးဒိၣ်ဘၣ်.

လံာ်ယဃ့းစက့လး 46:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 17:16

တုၤနုၤတစုစီၤပၤစီၤဒၤဝံးလဲၤနုာ်ဆူဒဲစီဆှံလၢယွၤ အိၣ်ဝဲအပူၤ, ဆ့ၣ်နီၤဝဲဒီးဘါထုကဖၣ်တၢ်, “ယွၤ, ကစၢ်ယွၤဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤပတကြၢးဘၣ်ဒီးတၢ်လၢနမၤဘၣ်တ့ၢ်ပှၤန့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 9:18

တုၤဃီၤလၢအဆၢကတီၢ်အဝဲန့ၣ်, အဝဲသ့ၣ်အဒူၣ်ထၢတဖၣ်, အဟံၣ်ဖိဃီဖိဘၣ်တၢ်ပာ်လီၤအီၤဖဲတၢ်လုၢ်ဟံၣ်အတြဲၤမုၢ်ထီၣ်, ဖဲစီၤပၤတဖၣ်လဲၤနုာ်ဝဲ, အကျဲစၢၤန့ၣ်လီၤ. လၢညါန့ၣ်အဝဲသ့ၣ်ဆၢထၢၣ်ပၢၤတၢ်ဖဲတြဲၤတဖၣ်လၢပှၤလဲၤနုာ်ဆူ ပှၤလ့ၤဝံဖိတဖၣ်အသူၣ်ဒဲအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:29

အန့ၣ်ဒီးစီၤပၤဃံးစကံယၤဒီးကယဲၢ်ပှၤဂီၢ်မုၢ်ခဲလၢာ်တီၤ လီၤကဒွံကျိာ်ဒီးဘူၣ်ထီၣ်ဘါထီၣ်ကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:13

(စီၤၡလိၤမိၤမၤထီၣ်တ့ၢ်စိၤမိၤတိၢ်ဘီတခါ, ဒီးပာ်အီၤလၢဂၢၢ်အသးကံၢ်ပူၤန့ၣ်လီၤ. စိၤမိၤန့ၣ်အထီအိၣ် ဝဲယဲၢ်ပျၢ်, အဒီၣ်ဃီၤအိၣ်ယဲၢ်ပျၢ်ဒီးအကစီၤထီၣ်အိၣ်သၢပျၢ်န့ၣ်လီၤ. အဝဲလဲၤထီၣ်ဆူစိၤမိၤအံၤအဖီခိၣ်, ချံးလီၤအခီၣ်ဖဲပှၤကိးဂၤဒဲးထံၣ်အီၤသ့, ဒီးယူာ်ထီၣ်အစုဆူ မူခိၣ်န့ၣ်လီၤ.)

လံာ်ယဃ့းစက့လး 40:19

လၢတၢ်လီၢ်လၢအထီၣ်ထီတပတီၢ်န့ၣ်ကျဲစၢၤကျိၤထံးအိၣ်ဝဲတကျိၤလၢ အလဲၤနုာ်လီၤဆူဂၢၤလၢတၢ်အိပူၤန့ၣ်လီၤ. ပှၤတဂၤ န့ၣ်ထိၣ်တၢ်ဒ့ၣ်စၢၤလၢကျဲစၢၤကျိၤထံးအ ဘၢၣ်စၢၤဒီးအိၣ်ဝဲအပျၢ်တကယၤန့ၣ်လီၤ.

လံာ်ယဃ့းစက့လး 40:39

လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်ယဃ့းစက့လး 45:19

ပှၤလုၢ်တၢ်အခိၣ်ကဟံးန့ၢ်တၢ်လုၢ်တၢ်ပျၢ်တၢ်ဒဲးဘးအံၤ အသွံၣ်တနီၤဒီးပာ်ထီၣ်အီၤလၢယွၤအတၢ်လုၢ်ဟံၣ်အတြဲၤအထူၣ် တဖၣ်အလိၤ, လၢတၢ်လုၢ်အသနၢၣ်လွံၢ်သနၢၣ်အလိၤ, ဒီးလၢ ကျဲစၢၤကျိၤထံးလၢအလဲၤနုာ်ဆူတၢ်လုၢ်ဟံၣ်အဂၢၤလၢ တၢ်အိပူၤ, အပဲတြီအထူၣ်တဖၣ်အလိၤန့ၣ်လီၤ.

လံာ်ယဃ့းစက့လး 46:12

ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်ယဃ့းစက့လး 46:8

စီၤပၤဖိခွါကဘၣ်ဟးထီၣ်လၢကျဲစၢၤထံးအဒၢးဒီးဟးထီၣ် ဆူတၢ်ချၢခီဖျိကျဲစၢၤကျိၤထံးတခါဃီလၢအဝဲဟဲနုာ်တ့ၢ်ဝဲ န့ၣ်လီၤ.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.