လံာ်ယဃ့းစက့လး 46:18 - Sgaw Karen Common Bible

¹⁸ စီၤပၤဖိခွါလၢအပၢတၢ်တဘၣ်ဟံးန့ၢ်ကွံာ်အပှၤဂီၢ်မုၢ်အတၢ် စုလီၢ်ခီၣ်ခိၣ်တမံၤမံၤလၢအဝဲသ့ၣ်အအိၣ်ဘၣ်. တၢ်လီၢ်တၢ်ကျဲ တတီၤတီၤလၢအဘၣ်ဟ့ၣ်လီၤအဖိခွါတဖၣ်န့ၣ်ကဘၣ်မ့ၢ်တၢ်လီၢ် လၢတၢ်ဟ့ၣ်နီၤတ့ၢ်ဃာ်ပာ်အီၤအကျါ, ဒ်သိးအဝဲသုတမၤနး ယပှၤဂီၢ်မုၢ်နီတဂၤခီဖျိတၢ်ဟံးန့ၢ်ကွံာ်အဝဲသ့ၣ်အတၢ်လီၢ်တၢ်ကျဲ တဂ့ၤအဂီၢ်န့ၣ်လီၤ.’

လံာ်ယဃ့းစက့လး 46:18 Iomraidhean Croise

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:3

စီၤနၤဘိးစံးဆၢဝဲ, “ယန့ၢ်သါဘၣ်စပံးလီၢ်အံၤလၢယမိၢ်ပၢ် ဖံဖုလၢပျၢၤတဖၣ်အအိၣ်န့ၣ်လီၤ. မ်ယွၤတြီယၤလၢယကပျဲနမၤန့ၢ်အီၤန့ၣ်တက့ၢ်.”

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

စံးထီၣ်ပတြၢၤ 78:72

ဒီးစီၤဒၤဝံးကွၢ်ထွဲအဝဲသ့ၣ်လၢအသးဒီဖျၢၣ်ညါ ဒီးဆှၢအဝဲသ့ၣ်လၢတၢ်ကူၣ်ဘၣ်ကူၣ်သ့အပူၤလီၤ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်ယဃ့းစက့လး 45:8

တၢ်ကဝီၤအံၤကမ့ၢ်တၢ်နီၤဖးလၢစီၤပၤဖိခွါလၢအပၢတၢ်ကမၤန့ၢ် အီၤလၢကီၢ်အံၣ်စရ့လးအပူၤ, ဒ်သိးအဝဲသုတမၤနးမၤဖှီၣ် လၢၤပှၤဂီၢ်မုၢ်လၢၤတဂ့ၤ, မ့မ့ၢ်ကပျဲတၢ်လီၢ်လၢအဂၤလၢအအိၣ် လီၤတဲာ်လၢထံကီၢ်အပူၤခဲလၢာ်ဘၣ်ဃးဒီးပှၤအံၣ်စရ့လးဖိအဒူၣ် တဖၣ်အဂီၢ်န့ၣ်လီၤ.

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

အ့းဖ့းစူး 4:8

ဒ်တၢ်ကွဲးအသးစံးဝဲအသိး, “ဖဲအဝဲလဲၤထီၣ်ဆူတၢ်လီၢ်အထီကတၢၢ်န့ၣ်, စိာ်မၢကဲကုၢ်ဃုာ်ဒီးအီၤ, ပှၤအါဒံအါဂၤလီၤ. အဝဲဟ့ၣ်ပှၤဟီၣ်ခိၣ်ဖိလၢအတၢ်ဟ့ၣ်တဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:14

အဝဲကဟံးန့ၢ်ကွံာ်သုစံာ်ဧိၤပှဲၤဧိၤ, စပံးလီၢ်လၢအဂ့ၤကတၢၢ်, သ့ၣ်စၤယံးအထံးတဖၣ်ဒီးဟ့ၣ်အီၤဆူ အပှၤခိၣ်ပှၤနၢ်တဖၣ်အအိၣ်လီၤ.