လံာ်ယဃ့းစက့လး 46:16 - Sgaw Karen Common Bible

¹⁶ ယွၤပၢဘၣ်တၢ်ခဲလၢာ်ကစၢ်မၤလိာ်ဝဲဒၣ်န့ၣ်လီၤ. “စီၤပၤဖိခွါလၢအပၢတၢ်တဂၤမ့ၢ် ဟ့ၣ်လီၤတၢ်လီၢ်လၢအမ့ၢ်အဝဲအတၢ်ဒၣ်ဝဲတတီၤတီၤ, ဆူအဝဲအဖိခွါတဖၣ်အကျါတဂၤဒ်တၢ်ဟ့ၣ်ကနၢၤတခါအသိးန့ၣ်, တၢ်လီၢ်အဝဲန့ၣ်ကဘၣ်ထွဲက့ၤဆူဖိခွါအဝဲန့ၣ် ဒ်အဝဲအဟံၣ်ဖိဃီဖိအတၢ်စုလီၢ်ခီၣ်ခိၣ်အကျါတမံၤန့ၣ်လီၤ.

လံာ်ယဃ့းစက့လး 46:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 21:3

အဝဲသ့ၣ်အပၢ်ဟ့ၣ်အဝဲသ့ၣ်လၢထူစ့ဒီးတၢ်လုၢ်ဒိၣ်ပှ့ၤဒိၣ်အဂၤ တဖၣ်အါအါဂီၢ်ဂီၢ်, ဒီးပာ်လီၤအဝဲသ့ၣ်တဂၤစုာ်စုာ်လၢကပၢဘၣ်ဝ့ၢ်အိၣ်ဒီးတိာ်ဧိၤ တာ်ဧိၤတဖၣ်အကျါတဝ့ၢ်စုာ်စုာ်လၢကီၢ်ယူဒၤအပူၤန့ၣ်လီၤ. ဘၣ်ဆၣ်မ့ၢ်လၢစီၤယဟိရၣ်မ့ၢ်ဝဲဖိဝဲၢ်ကိအဃိစီၤယဟိၡၤဖး ဒုးကဲထီၣ်အီၤလၢပှၤထီၣ်က့ၤအလီၢ်န့ၣ်လီၤ.

စံးထီၣ်ပတြၢၤ 37:18

ယွၤကွၢ်ထွဲပှၤလၢအဒိကနၣ်အီၤ, ဒီးအတၢ်န့ၢ်သါန့ၣ်ကအိၣ်ဝဲလီၤစိၤလီၤထီလီၤ.

လံာ်ယဃ့းစက့လး 45:7

တၢ်လီၢ်ကဘၣ်တၢ်ပာ်လီၤဆီစ့ၢ်ကီးအီၤလၢစီၤပၤဖိခွါလၢအပၢ တၢ်အဂီၢ်န့ၣ်လီၤ. စးထီၣ်လၢတၢ်စီဆှံအလီၢ်ကဝီၤအမုၢ်နုာ် အီၢ်ဆၢန့ၣ်တၢ်ကဘၣ်မၤလဲၢ်ထီၣ်အီၤဆူမုၢ်နုာ် တကပၤတုၤဆူပီၣ်လဲၣ်မဲးဒံးထၢၣ်ရ့နယၢၣ်အကပၤ ဒီးစးထီၣ်လၢမုၢ်ထီၣ်အီၢ်ဆၢန့ၣ်ကဘၣ်တၢ်မၤလဲၢ်ထီၣ်တုၤဆူထံကီၢ်အ မုၢ်ထီၣ်ကီၢ်ဆၢ, ဒ်သိးဒီးအထီန့ၣ်ကတုၤသိး သိးဒီးတၢ်လီၢ်အါတီၤအကျါတတီၤလၢအဘၣ်တၢ်နီၤဖးလီၤတ့ၢ်အီၤလၢ ပှၤအံၣ်စရ့လးအဒူၣ်တဖၣ်အဂီၢ်န့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

ကလၤတံ 4:7

မၤသးဒ်န့ၣ်ဒီး နတမ့ၢ်လၢၤကုၢ်တဂၤဘၣ်. နမ့ၢ်ဖိခွါတဂၤလီၤ. ဒီးဒ်နမ့ၢ်အဝဲဒၣ်အဖိအသိးန့ၣ်, ကစၢ်ယွၤကဟ့ၣ်နၤတၢ်လၢ အအိၣ်ဒီးအီၤခဲလၢာ်လၢအဖိခွါတဖၣ်အဂီၢ်န့ၣ်လီၤ.