လံာ်ယဃ့းစက့လး 46:13 - Sgaw Karen Common Bible

¹³ ယွၤစံးဝဲဒၣ်, “ကိးမုၢ်ဂီၤဒဲးန့ၣ်သိဖိအလၢအပှဲၤလၢအသး ပှဲၤထီၣ်တနံၣ်ဖိတဒုကဘၣ်တၢ်ဆိၣ်ကဲၤအီၤဒီဒုဒ် တၢ်လုၢ်မၤဘူၣ်တမံၤအသိးဆူယွၤအအိၣ်န့ၣ်လီၤ. တၢ်လုၢ်မၤဘူၣ်အံၤကဘၣ်တၢ်မၤအီၤကိးနံၤဒဲးန့ၣ်လီၤ.

လံာ်ယဃ့းစက့လး 46:13 Iomraidhean Croise

စံးထီၣ်ပတြၢၤ 92:2

တၢ်တဲဖျါထီၣ်နတၢ်အဲၣ်ဂၢၢ်ကျၢၤကိးမုၢ်ဂီၤ, ဒီးနတၢ်သူၣ်တီသးလိၤကိးမုၢ်နၤ,

လံာ်တၢ်ဟးထီၣ်ကွံာ် 12:5

သုဃုထၢသိတဒုမ့တမ့ၢ်မဲာ်တဲးလဲးတဒုသ့ဝဲလီၤ. ဘၣ်ဆၣ်ဒီးကဘၣ်မ့ၢ်အဖါတဒုလၢအသးအိၣ်တနံၣ်ဒီးတအိၣ်ဘၣ်ဒီးတၢ် လီၤတူာ်လီၤကာ်နီတမံၤဘၣ်န့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်တၢ်ဘူၣ်ထီၣ်ဘါထီၣ် 12:6

ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဂံၢ် 28:10

တၢ်လုၢ်မ့ၣ်အူအံၤတၢ်ကဘၣ်လုၢ်ထီၣ်အီၤကိးမုၢ်အိၣ်ဘှံၤနံၤ ဒဲး, လၢတနံၤဘၣ်တနံၤအတၢ်လုၢ်လၢအအိၣ်ဒီးတၢ်လုၢ်စပံးထံ, အမဲာ်ညါန့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.