လံာ်ယဃ့းစက့လး 46:12 - Sgaw Karen Common Bible

¹² ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်ယဃ့းစက့လး 46:12 Iomraidhean Croise

လံာ်စီၤပၤအခီၣ်ထံးတဘ့ၣ် 3:4

တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ် ဖျါကတၢၢ်အိၣ်ပာ်ဝဲအဃိန့ၣ်လီၤ. အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:21

မုၢ်ဆ့ၣ်ထီၣ်တနံၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်ဒ်တၢ် လုၢ်တၢ်ပာ်တဖၣ်အသိး, ပာ်စီဆှံထီၣ်ဝဲဆူယွၤဝံၤဒီးဟ့ၣ်နီၤလီၤဝဲဆူပှၤဂီၢ်မုၢ် လၢကအီၣ်ဝဲအဂီၢ်န့ၣ်လီၤ. အါန့ၢ်အန့ၣ်, အဝဲသ့ၣ်လုၢ်ထီၣ်တ့ၢ်ဂီၤဖံးဖါအဒုတကထိ, သိဖါအဒုတကထိ, လၢအဆိၣ်ကဲၤထီၣ်ဝဲခဲလၢာ်ခဲဆ့လၢတၢ်လုၢ် လီၢ်အဖီခိၣ်န့ၣ်လီၤ. အဝဲသ့ၣ်ဟဲစိာ်စ့ၢ်ကီးတၢ်လုၢ်စပံးထံတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:6

စီၤပၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်အိၣ်ဖှိၣ်ရိ ဖှိၣ်ဖဲယွၤအတၢ်အၢၣ်လီၤအီလီၤအတလါအမဲာ်ညါဒီးလုၢ်ထီၣ်ပာ်ထီၣ်သိ ဒီးဂီၤဖံးအါအါဂီၢ်ဂီၢ်တုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်စီၤဧ့စြၤ 1:4

အပှၤဂီၢ်မုၢ်လၢတၢ်စိာ်မၢကဲကုၢ်အကျါမ့ၢ်လိၣ်ဘၣ်တၢ်မၤစၢၤလၢ ကက့ၤကဒါက့ၤန့ၣ်, အဝဲသ့ၣ်အပှၤအိၣ်ခိၣ်အိၣ်ဃၢၤတဖၣ်ကဘၣ်မၤစၢၤအဝဲသ့ၣ်န့ၣ်လီၤ. ပှၤအိၣ်ခိၣ်အိၣ်ဃၢၤကဘၣ်ဟ့ၣ်အဝဲသ့ၣ်လၢစ့ဒီးထူ, တၢ်လၢအလိၣ်ဝဲတဖၣ်ဒီးဆၣ်ဖိကီၢ်ဖိအဒၢလၢအဂီၤကၢ်အသးတဖၣ် ဃုာ်ဒီးတၢ်ဟ့ၣ်မၤဘူၣ်လၢကဟ့ၣ်ဝဲဆူကစၢ်ယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤဧ့စြၤ 6:17

လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်ယဃ့းစက့လး 44:1

ပှၤတဂၤန့ၣ်ဆှၢဃီၤယၤဆူတၢ်ချၢအတြဲၤဖးဒိၣ်လၢတၢ်လုၢ်ဟံၣ် အလီၢ်ကဝီၤအမုၢ်ထီၣ်တကပၤန့ၣ်လီၤ. တြဲၤဖးဒိၣ်န့ၣ်ကးတံာ်ဃး အသး,

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်ယဃ့းစက့လး 46:8

စီၤပၤဖိခွါကဘၣ်ဟးထီၣ်လၢကျဲစၢၤထံးအဒၢးဒီးဟးထီၣ် ဆူတၢ်ချၢခီဖျိကျဲစၢၤကျိၤထံးတခါဃီလၢအဝဲဟဲနုာ်တ့ၢ်ဝဲ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:38

ဒီးမူးတဖၣ်အံၤမ့ၢ်မူးတဖၣ်လၢပှၤအံၣ်စရ့လးဖိညီနုၢ်မၤအီၤလၢအမ့ၢ်မုၢ်အိၣ်ဘှံးနံၤတဖၣ်, တၢ်မၤဘူၣ်တဖၣ်, ဒီးတၢ်မၤဘူၣ်ဘၣ်ဃးဒီးတၢ်ဆိၣ်တၢ်တဖၣ်, ဒီးတၢ်မၤဘူၣ်ဒၣ်တၢ် တဖၣ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:16

ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဂံၢ် 29:39

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးတၢ်လုၢ်မ့ၣ်အူ တဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်စပံးထံတဖၣ်ဒီးတၢ်လုၢ်မၤ ဃူမၤဖိးတဖၣ်လၢသုကဘၣ်လုၢ်ထီၣ်အီၤဆူယွၤအအိၣ်ဖဲမူးဖးဒိၣ် တဖၣ်ဒ်တၢ်သ့ၣ်ဆၢဖးကတီၢ်အိၣ်ဝဲအသိးန့ၣ်လီၤ. တၢ်သ့ၣ်တဖၣ်အံၤမ့ၢ်တၢ်လုၢ်ပာ်ဖှိၣ်အါထီၣ်ဆူ, တၢ်လုၢ်မၤဘူၣ်တဖၣ်လၢသုဟံးထီၣ်အီၤဒ်တၢ်မၤလၢပှဲၤတၢ်ဆိၣ် တမံၤမ့ၢ်ဂ့ၤ, ဒ်သုတၢ်သးအိၣ်အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.