လံာ်ယဃ့းစက့လး 46:10 - Sgaw Karen Common Bible

¹⁰ စီၤပၤဖိခွါကဘၣ်ဟဲနုာ်ဝဲဖဲပှၤဂီၢ်မုၢ်ဟဲနုာ်ဝဲ, ဒီးကဘၣ်ဟးထီၣ်ဝဲဖဲအဝဲသ့ၣ်ဟးထီၣ်န့ၣ်လီၤ.

လံာ်ယဃ့းစက့လး 46:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

လံာ်မးသဲ 18:20

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.