လံာ်ယဃ့းစက့လး 45:9 - Sgaw Karen Common Bible

⁹ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “သုဝဲကီၢ်အံၣ်စရ့လးအပှၤပၢတၢ်သ့ၣ်ဧၢ, သုမၤတ့ၢ်တၢ်ဒဲးဘး ယံာ်တ့ၢ်မးလံ. ဆိကတီၢ်သုတၢ်မၤဆူၣ်မၤစိးဒီး တၢ်မၤနးမၤဖှီၣ်န့ၣ်တက့ၢ်. မၤတၢ်လၢအဘၣ်ဒီးအမ့ၢ်အ တီန့ၣ်တက့ၢ်. သုတဘၣ်နီၣ်ဟးထီၣ်ကွံာ်လၢၤယပှၤဂီၢ်မုၢ် လၢအကီၢ်ပူၤနီတဘျီဘၣ်. ယၤ, ယွၤပၢဘၣ်တၢ်ခဲလၢာ် ကစၢ်တဲဘၣ်သုတၢ်အံၤန့ၣ်လီၤ.

လံာ်ယဃ့းစက့လး 45:9 Iomraidhean Croise

လံာ်စီၤယိၤဘး 20:19

အဂ့ၢ်ဒ်အံၤ, မၤအၢမၤသီဒီးလဲၤသဒၣ်ပှၤဖှီၣ်ဖိယာ်ဖိ, ဟံးန့ၢ်ဆူၣ်ဟံၣ်တဖၣ်လၢအတသူၣ်ထီၣ်ဘၣ်ဝဲဘၣ်လီၤ.

လံာ်စီၤယိၤဘး 22:9

နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယဃ့းစက့လး 44:6

တဲဘၣ်ကီၢ်အံၣ်စရ့လးအပှၤဂီၢ်မုၢ်လၢအပူထီၣ်တၢ်တဖၣ်လၢယၤ, ယွၤပၢဘၣ်တၢ်ခဲလၢာ်ကစၢ်တပျဲလၢၤဘၣ်, ဒီးတကွၢ်ကပာ် ကွံာ်ဘၣ်တၢ်လီၤသးဘၣ်အၢတဖၣ်လၢအဝဲသ့ၣ် မၤတ့ၢ်အီၤန့ၣ်လၢၤဘၣ်.

လံာ်ယဃ့းစက့လး 7:11

တၢ်မၤဆူၣ်မၤစိးဒုးဒိၣ်ထီၣ်အါထီၣ်တၢ်အၢတၢ်သီန့ၣ်လီၤ. အဝဲသ့ၣ်အတၢ်ထူးတၢ်တီၤ, အတၢ်ဃံဒိၣ်လၤဒိၣ်, အတၢ်လၤကပီၤလၢအမ့ၢ်အဝဲသ့ၣ်အတၢ်တဖၣ်န့ၣ်, တအိၣ်လီၤတဲာ်နီတမံၤလၢၤဘၣ်.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်ဧၤမိၣ် 5:24

မ့မ့ၢ်, ပျဲတၢ်တီတၢ်လိၤယွၤလီၤဒ်ထံကျိဖိအသိးဒီးတၢ်မ့ၢ် တၢ်တီဒ်ထံမိၢ်ပှၢ်လၢအလီၤသံးတသ့ဘၣ်အသိးတက့ၢ်.

လံာ်မံကၤ 2:9

သုနီၣ်ကွံာ်ယပှၤဂီၢ်မုၢ်အပိာ်မုၣ်တဖၣ်လၢအဟံၣ်မုာ်ဒီးသုတြီ တ့ၢ်အဖိအလံၤတဖၣ်တဘိယူာ်ဃီလၢကအိၣ်ဒီးယတၢ်ဆိၣ်ဂ့ၤ တဖၣ်လီၤ.

လံာ်မံကၤ 6:10

ပှၤအၢပှၤသီအဟံၣ်တဖၣ်အိၣ်ဒီးတၢ်လုၢ်ဒိၣ်ပှ့ၤ ဒိၣ်တဖၣ်လၢအမၤန့ၢ်ဝဲလၢတၢ်တတီတလိၤအပူၤလီၤ. အဝဲသ့ၣ်သူနီၣ်ဃီၣ်လီတဖၣ်, လၢယသးဟ့အီၤတမံၤန့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်စကၤရယၤ 8:16

အအံၤမ့ၢ်တၢ်တဖၣ်လၢသုကဘၣ်မၤန့ၣ်လီၤ. ကတိၤလိာ်သုသးတဂၤဒီးတဂၤလၢတၢ်မ့ၢ်တၢ်တီတက့ၢ်. လၢကွီၢ်ဘျီၣ်တဖၣ်အပူၤန့ၣ်, မၤတၢ်စံၣ်ညီၣ်တီနီၢ်နီၢ်တကလုာ်လၢအဟဲစိာ်တၢ်ဃူတၢ်ဖိးန့ၣ်တ က့ၢ်.

လံာ်လူၤကၣ် 3:14

ပှၤသုးဖိတနီၤသံကွၢ်စ့ၢ်ကီးအီၤ, “ပဝဲတခီလဲၣ် ပကဘၣ်မၤဒ်လဲၣ်.” အဝဲဒၣ်စံးဘၣ်အဝဲသ့ၣ်, “တဘၣ်ဟံးန့ၢ်ဆူၣ်ကျိၣ်စ့လၢပှၤအိၣ်မ့ၢ်ဂ့ၤ, မ့တမ့ၢ်, ပာ်တၢ်ကမၣ်ကဘျံးကဘျၣ်လၢပှၤတဂၤဂၤအလိၤမ့ၢ်ဂ့ၤ, နီတဂၤတဂ့ၤ. သူၣ်မံသးမံဒီးသုဘူးသုလဲတက့ၢ်.”

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.