လံာ်ယဃ့းစက့လး 45:8 - Sgaw Karen Common Bible

⁸ တၢ်ကဝီၤအံၤကမ့ၢ်တၢ်နီၤဖးလၢစီၤပၤဖိခွါလၢအပၢတၢ်ကမၤန့ၢ် အီၤလၢကီၢ်အံၣ်စရ့လးအပူၤ, ဒ်သိးအဝဲသုတမၤနးမၤဖှီၣ် လၢၤပှၤဂီၢ်မုၢ်လၢၤတဂ့ၤ, မ့မ့ၢ်ကပျဲတၢ်လီၢ်လၢအဂၤလၢအအိၣ် လီၤတဲာ်လၢထံကီၢ်အပူၤခဲလၢာ်ဘၣ်ဃးဒီးပှၤအံၣ်စရ့လးဖိအဒူၣ် တဖၣ်အဂီၢ်န့ၣ်လီၤ.

လံာ်ယဃ့းစက့လး 45:8 Iomraidhean Croise

တၢ်ကတိၤဒိ. 28:16

ပှၤပၢတၢ်တဂၤလၢအတအိၣ်ဘၣ်ဒီးတၢ်ကူၣ်တၢ်ဆးအဂ့ၤန့ၣ်, ကမ့ၢ်ပှၤသူၣ်အၢသးသီတဂၤလၢအပၢတၢ်ဖဲအသးဒၣ်ဝဲလီၤ. ပှၤတဂၤလၢအသးဟ့တၢ်တတီတလိၤန့ၣ်, ကပၢတၢ်ဖးယံာ်န့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယဃ့းစက့လး 19:3

အဝဲလုၢ်ဒုးဒိၣ်ထီၣ်ခ့ယုၢ်ဖိတဒုဒီးသိၣ်လိန့ၢ်အီၤလၢကသ့ လူၤဖီၣ်န့ၢ်တၢ်မံၤလာ်န့ၣ်လီၤ. အဝဲကဲထီၣ်ပှၤတဂၤလၢအအီၣ်ပှၤ ကညီန့ၣ်လီၤ.

လံာ်ယဃ့းစက့လး 19:7

အဝဲမၤဟးဂီၤကွံာ်တိာ်ဧိၤတာ်ဧိၤတဖၣ်, အဝဲမၤဟးဂီၤဝ့ၢ် တဖၣ်န့ၣ်လီၤ. ပှၤဂီၢ်မုၢ်လၢကီၢ်ပူၤတဖၣ်ပျံၤတၢ်ဖုးတၢ်တဘျီ လၢ်လၢ်ဖဲအဝဲကညီၤထီၣ်တၢ်န့ၣ်လီၤ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 46:18

စီၤပၤဖိခွါလၢအပၢတၢ်တဘၣ်ဟံးန့ၢ်ကွံာ်အပှၤဂီၢ်မုၢ်အတၢ် စုလီၢ်ခီၣ်ခိၣ်တမံၤမံၤလၢအဝဲသ့ၣ်အအိၣ်ဘၣ်. တၢ်လီၢ်တၢ်ကျဲ တတီၤတီၤလၢအဘၣ်ဟ့ၣ်လီၤအဖိခွါတဖၣ်န့ၣ်ကဘၣ်မ့ၢ်တၢ်လီၢ် လၢတၢ်ဟ့ၣ်နီၤတ့ၢ်ဃာ်ပာ်အီၤအကျါ, ဒ်သိးအဝဲသုတမၤနး ယပှၤဂီၢ်မုၢ်နီတဂၤခီဖျိတၢ်ဟံးန့ၢ်ကွံာ်အဝဲသ့ၣ်အတၢ်လီၢ်တၢ်ကျဲ တဂ့ၤအဂီၢ်န့ၣ်လီၤ.’

လံာ်စဖါနယၤ 3:13

အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 19:49

ဖဲပှၤအံၣ်စရ့လးဖိတဖၣ်နီၤဖးလီၤအထံကီၢ်ဒ်အတၢ်န့ၢ်သါအသိးဝံၤဒီး, အဝဲသ့ၣ်ဟ့ၣ်လီၤစီၤနိၣ်အဖိခွါစီၤယိၤၡူအတၢ်န့ၢ်သါလၢအဝဲသ့ၣ်အကျါန့ၣ်လီၤ.