လံာ်ယဃ့းစက့လး 45:7 - Sgaw Karen Common Bible

⁷ တၢ်လီၢ်ကဘၣ်တၢ်ပာ်လီၤဆီစ့ၢ်ကီးအီၤလၢစီၤပၤဖိခွါလၢအပၢ တၢ်အဂီၢ်န့ၣ်လီၤ. စးထီၣ်လၢတၢ်စီဆှံအလီၢ်ကဝီၤအမုၢ်နုာ် အီၢ်ဆၢန့ၣ်တၢ်ကဘၣ်မၤလဲၢ်ထီၣ်အီၤဆူမုၢ်နုာ် တကပၤတုၤဆူပီၣ်လဲၣ်မဲးဒံးထၢၣ်ရ့နယၢၣ်အကပၤ ဒီးစးထီၣ်လၢမုၢ်ထီၣ်အီၢ်ဆၢန့ၣ်ကဘၣ်တၢ်မၤလဲၢ်ထီၣ်တုၤဆူထံကီၢ်အ မုၢ်ထီၣ်ကီၢ်ဆၢ, ဒ်သိးဒီးအထီန့ၣ်ကတုၤသိး သိးဒီးတၢ်လီၢ်အါတီၤအကျါတတီၤလၢအဘၣ်တၢ်နီၤဖးလီၤတ့ၢ်အီၤလၢ ပှၤအံၣ်စရ့လးအဒူၣ်တဖၣ်အဂီၢ်န့ၣ်လီၤ.

လံာ်ယဃ့းစက့လး 45:7 Iomraidhean Croise

လံာ်ယဃ့းစက့လး 34:24

ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ယဃ့းစက့လး 48:21

တၢ်လီၢ်လၢအအိၣ်ဝဲဒီးယွၤအတၢ်လုၢ်ဟံၣ်, ပှၤလုၢ်တၢ်အခိၣ်တဖၣ် အလီၢ်အကျဲ, ပှၤလ့ၤဝံဖိတဖၣ်အလီၢ်အကျဲ, ဒီးဝ့ၢ်အလီၢ် အကျဲတကဝီၤအံၤ, အမုၢ်ထီၣ်ဒီးအမုၢ်နုာ်, တၢ်လီၢ်လၢအအိၣ် လီၤတဲာ်အဂၤတဖၣ်န့ၣ်ဘၣ်ဃးဒီးစီၤပၤဖိခွါလၢအပၢတၢ်န့ၣ်လီၤ.

လံာ်စီၤယိၤၡူ 19:49

ဖဲပှၤအံၣ်စရ့လးဖိတဖၣ်နီၤဖးလီၤအထံကီၢ်ဒ်အတၢ်န့ၢ်သါအသိးဝံၤဒီး, အဝဲသ့ၣ်ဟ့ၣ်လီၤစီၤနိၣ်အဖိခွါစီၤယိၤၡူအတၢ်န့ၢ်သါလၢအဝဲသ့ၣ်အကျါန့ၣ်လီၤ.