လံာ်ယဃ့းစက့လး 45:5 - Sgaw Karen Common Bible

⁵ လီၢ်ကဝီၤအံၤအဂၤတဝာ်န့ၣ်တၢ်ကဘၣ်ပာ်လီၤဆီအီၤဒ်အမ့ၢ် တၢ်လီၢ်လၢပှၤလ့ၤဝံဖိတဖၣ်လၢအမၤတၢ်လၢယွၤအတၢ်လုၢ်ဟံၣ် ပူၤအဂီၢ်န့ၣ်လီၤ. ဖဲန့ၣ်ကအိၣ်ဒီးဝ့ၢ်တဖၣ်လၢအဝဲသ့ၣ်ကအိၣ်ဆိးလၢအပူၤ အဂီၢ်န့ၣ်လီၤ.

လံာ်ယဃ့းစက့လး 45:5 Iomraidhean Croise

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 48:10

တၢ်လီၢ်ကဝီၤစီဆှံအံၤမ့ၢ်တၢ်လီၢ်လၢပှၤလုၢ်တၢ်အခိၣ်တဖၣ် ကဘၣ်ဒိးန့ၢ်ဘၣ်အီၤဒ်အတၢ်နီၤဖးအသိးန့ၣ်လီၤ. စးထီၣ်လၢမုၢ်ထီၣ်တုၤဆူမုၢ်နုာ်န့ၣ်အဝဲသ့ၣ် အတၢ်နီၤဖးအလီၢ်အံၤကဘၣ်တၢ်ထိၣ်အီၤအပျၢ်ခံကလးယဲၢ်ကထိ, ဒီးစးထီၣ်လၢကလံၤစိးဆူကလံၤထံးန့ၣ်ကဘၣ်မ့ၢ်ဝဲအပျၢ် တကလးန့ၣ်လီၤ. ယွၤအတၢ်လုၢ်ဟံၣ်န့ၣ်ကဘၣ်အိၣ်ဝဲဒၣ်ဖဲ တၢ်လီၢ်ကဝီၤအံၤအခၢၣ်သးန့ၣ်လီၤ.

လံာ်ယဃ့းစက့လး 48:13

ပှၤလ့ၤဝံဖိတဖၣ်စ့ၢ်ကီးကဘၣ်ဒိးန့ၢ်တၢ်လီၢ်လီၤဆီတကဝီၤလၢ ပှၤလုၢ်တၢ်အခိၣ်သ့ၣ်တဖၣ်အတၢ်လီၢ်အံၤအကလံၤထံးတကပၤ န့ၣ်လီၤ. တၢ်လီၢ်အံၤစ့ၢ်ကီးအတၢ်ထိၣ်ကဘၣ်မ့ၢ်ဝဲလၢမုၢ်ထီၣ် ဆူမုၢ်နုာ်န့ၣ်အပျၢ်ခံကလးယဲၢ်ကထိဒီးလၢကလံၤစိးဆူကလံၤထံး န့ၣ်အပျၢ်တကလးန့ၣ်လီၤ.

လံာ်ယဃ့းစက့လး 48:20

ဒီးလၢတၢ်န့ၣ်အဃိလီၢ်ကဝီၤလၢအအိၣ်လၢတၢ်လီၢ်တတီၤန့ၣ် အခၢၣ်သးလၢအဘၣ်တၢ်ပာ်လီၤဆီအီၤကဘၣ်မ့ၢ်တၢ်လီၢ်တတီၤ လၢအကပၤလွံၢ်ကပၤလိာ်အတၢ်ထိၣ်မ့ၢ်တၢ်ဒ်သိးသိး, လၢတကပၤစုာ်စုာ်ကဘၣ်မ့ၢ်ဝဲအပျၢ်ခံကထိယဲၢ်ကယၤန့ၣ်လီၤ. ဝ့ၢ်အတၢ်လီၢ်ကဝီၤကအိၣ်ဖဲတၢ်လီၢ်အံၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:42

ကယဲၢ်အံၣ်စရ့လးအပှၤဂီၢ်မုၢ်ခဲလၢာ်ကဘၣ်အိၣ်လၢဒဲပူၤနွံနံၤ, ဒ်သိးသုစၢၤသုသွဲၣ်တဖၣ်ကသ့ၣ်ညါလၢယဒုးအိၣ်ဒုးဆိးအံၣ်စရ့ လးအပှၤဂီၢ်မုၢ်လၢဒဲပူၤတုၤယဒုးဟးထီၣ်ကွံာ်အီၤလၢကီၢ် အဲၤကူပတူးအပူၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.”

လံာ်တၢ်ဂံၢ် 35:2

“တဲပှၤအံၣ်စရ့လးဖိတဖၣ်လၢ, တၢ်စုလီၢ်ခီၣ်ခိၣ်လၢအဝဲသ့ၣ် ဒိးန့ၢ်ဘၣ်ဝဲတဖၣ်အကျါန့ၣ်ကဘၣ်ဟ့ၣ်ပှၤလ့ၤဝံဖိတဖၣ်လၢဝ့ၢ် တနီၤဒ်သိးကအိၣ်ကဆိးဝဲလၢအပူၤဒီးတၢ်အီၣ်ဆၣ်အလီၢ်လၢဝ့ၢ် တဖၣ်အခိၣ်အဃၢၤန့ၣ်လီၤ.