လံာ်ယဃ့းစက့လး 45:4 - Sgaw Karen Common Bible

⁴ တၢ်လီၢ်န့ၣ်ကမ့ၢ်ထံကီၢ်အတၢ်လီၢ်စီဆှံတတီၤလၢအဘၣ် တၢ်ပာ်လီၤဆီအီၤလၢပှၤလုၢ်တၢ်အခိၣ်တဖၣ်လၢ အမၤယွၤအတၢ်မၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ. အဝဲသ့ၣ်အဟံၣ်တဖၣ်ဒီးတၢ်လီၢ်လၢယွၤအတၢ်လုၢ်ဟံၣ်အဂီၢ် ကအိၣ်ဖဲန့ၣ်လီၤ.

လံာ်ယဃ့းစက့လး 45:4 Iomraidhean Croise

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

လံာ်ယဃ့းစက့လး 44:28

ပှၤလုၢ်တၢ်အခိၣ်တဖၣ်အိၣ်ဒီးပှၤလုၢ်တၢ်အခိၣ်အလီၢ်ဒ်အဝဲသ့ၣ် အတၢ်န့ၢ်သါအသိးလၢယဟ့ၣ်လီၤတ့ၢ်ကီၢ်အံၣ်စရ့လးဒ်သိး ကဟ့ၣ်လီၤဝဲဆူပှၤတစိၤဘၣ်တစိၤအဂီၢ်န့ၣ်လီၤ. အဝဲသ့ၣ် တဘၣ်အိၣ်ဒီးတၢ်စုလီၢ်ခီၣ်ခိၣ်လၢကီၢ်အံၣ်စရ့လးအပူၤဘၣ်. ယမ့ၢ်တၢ်ခဲလၢာ်လၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယဃ့းစက့လး 45:1

ဖဲကီၢ်န့ၣ်ဘၣ်တၢ်နီၤဖးလီၤအီၤဆူပှၤတဒူၣ်ဘၣ်တဒူၣ်လၢအတၢ် န့ၢ်သါအဂီၢ်န့ၣ်, တၢ်နီၤဖးအကျါတတီၤန့ၣ်, တၢ်ကဘၣ်ပာ်စီဆှံအီၤလၢယွၤအဂီၢ်န့ၣ်လီၤ. တၢ်လီၢ်န့ၣ်ကဘၣ်ထီဝဲအမံးလာ်တဆံ, ဒီးလဲၢ်ဝဲဃိးမံးလာ်န့ၣ်လီၤ. တၢ်လီၢ်ဒီတခါန့ၣ်ကစီဆှံဝဲလီၤ.

လံာ်ယဃ့းစက့လး 45:3

လီၢ်ကဝီၤအံၤတဝာ်လၢအမ့ၢ်အထီအမံၤလာ်တဆံဒီးအဒီၣ်ဃီၤ လွံၢ်မံၤလာ်န့ၣ်ကဘၣ်တၢ်ထိၣ်အီၤန့ၣ်လီၤ. တၢ်လီၢ်စီဆှံကတၢၢ် လၢအမ့ၢ်ယွၤအတၢ်လုၢ်ဟံၣ်, ကအိၣ်ဖဲန့ၣ်လီၤ.

လံာ်ယဃ့းစက့လး 48:8

ကီၢ်အတၢ်နီၤဖးလၢခံတတီၤန့ၣ်ကဘၣ်တၢ်ပာ် လီၤဆီအီၤလၢတၢ်ကသူလီၤဆီအီၤအဂီၢ်န့ၣ်လီၤ. တၢ်လီၢ်န့ၣ်လဲၢ်ဝဲစးထီၣ်လၢကလံၤစိးဆူကလံၤထံးအပျၢ် ခံကလးယဲၢ်ကထိ, ဒီးအထီစးထီၣ်လၢမုၢ်ထီၣ်တုၤဆူမုၢ် နုာ်န့ၣ်ကဘၣ်ဒ်သိးသိးလိာ်အသးဒီးတၢ်လီၢ်အတီၤ တဖၣ်လၢအဘၣ်တၢ်ဟ့ၣ်နီၤအီၤဆူပှၤအဒူၣ်တဖၣ် အအိၣ်န့ၣ်လီၤ. ယွၤအတၢ်လုၢ်ဟံၣ်ကဘၣ်အိၣ်လၢတၢ်လီၢ် တတီၤအံၤအပူၤန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.