လံာ်ယဃ့းစက့လး 44:7 - Sgaw Karen Common Bible

⁷ အဝဲသ့ၣ်မၤဘၣ်အၢဘၣ်သီကွံာ်ယတၢ်လုၢ်ဟံၣ်ခီဖျိပျဲပှၤတခီဘီမုၢ် ဖိတဖၣ်လၢအတဒိးဘၣ်တၢ်ကူးတရံး, ပှၤဂီၢ်မုၢ်တဖၣ်လၢအတစူၢ် ဘၣ်ယၤလဲၤနုာ်ဆူယွၤအတၢ်လုၢ်ဟံၣ်အပူၤဖဲတၢ်လုၢ်တၢ်ပာ်တဖၣ် အသိဒီးအသွံၣ်ဘၣ်တၢ်လုၢ်ထီၣ်ဆူယအိၣ်အခါန့ၣ်လီၤ. လၢတၢ် န့ၣ်အဃိယပှၤဂီၢ်မုၢ်ဘိးဃၣ်ကွံာ်ယတၢ်အၢၣ်လီၤအီလီၤခီဖျိ တၢ်လီၤသးဘၣ်အၢအတၢ်မၤတဖၣ်လၢအဝဲသ့ၣ်မၤတ့ၢ်ဝဲခဲလၢာ် န့ၣ်လီၤ.

လံာ်ယဃ့းစက့လး 44:7 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ဟးထီၣ်ကွံာ် 12:43

ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “တၢ်တဖၣ်အံၤမ့ၢ်ဘူၣ်လဲၤကပာ်အကတၢ်သိၣ်တၢ်ဘျၢတဖၣ်လီၤ. ပှၤတခီဘီမုၢ်ဖိတဘၣ်အီၣ်ဘူၣ်လဲၤကပာ်အတၢ်အီၣ်နီတဂၤဘၣ်.

လံာ်တၢ်ဟးထီၣ်ကွံာ် 12:48

ဘၣ်ဆၣ်ဒီးပှၤလၢတဒိးတၢ်ကူးတရံးအီၤတဖၣ်တဘၣ်အီၣ်အီၤနီတဂၤ ဘၣ်. ပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်အဲၣ်ဒိးတိၢ်န့ၢ် ဘူၣ်လဲၤကပာ်အံၤဒီးမၤလၤကပီၤယွၤန့ၣ်သုကဘၣ်ကူးတရံးဆိ ကယဲၢ်ပှၤပိာ်ခွါတဖၣ်လၢဒူၣ်ဖိထၢဖိတဒူၣ်န့ၣ်အပူၤလီၤ. စးထီၣ်ဖဲန့ၣ်အဝဲဒၣ်ကဘၣ်တၢ်ပာ်အီၤဒ်ပှၤအံၣ်စရ့လးဖိလၢ အအိၣ်ဖျဲၣ်လၢကီၢ်ပူၤတဂၤအသိးဒီးတူၢ်လိာ်အီၤလၢဘူၣ်အပူၤန့ၣ်လီၤ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 9:25

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲယကစံၣ်ညီၣ်ယပှၤဂီၢ်မုၢ် တဖၣ်လၢကီၢ်အဲၤကူပတူး, ကီၢ်ယူဒၤ, ကီၢ်အဒိၣ်, ကီၢ်ဧၤမိၣ်, ကီၢ်မိၤအးအပူၤ, ဒီးမဲးမုၢ်ခိၣ်အပှၤဂီၢ်မုၢ်လၢအတံာ်ဖုၣ်အခိၣ်သူ န့ၣ်လီၤ.

လံာ်ယံးရမံယၤ 9:26

ကယဲၢ်ပှၤသ့ၣ်တဖၣ်အံၤခဲလၢာ်ဘၣ်တၢ်ကူးတရံးတ့ၢ်အီၤ, ဘၣ်ဆၣ်ဒီးအဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢ တၢ်ကူးတရံးအံၤမ့ၢ်အတၢ်ပနီၣ်န့ၣ်ဘၣ်. ပှၤဂီၢ်မုၢ်တဖၣ်အံၤဒီး အံၣ်စရ့လးအပှၤဂီၢ်မုၢ်တဖၣ်တတိၢ်န့ၢ်ဖံးဃာ်ဘၣ် ယတၢ်အၢၣ်လီၤအံၤနီတဖုနီတဂၤဘၣ်.”

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:21

ပှၤလုၢ်တၢ်အခိၣ်စီၤအၤဟရိၣ်အစၢၤအသွဲၣ်လၢအအိၣ်ဒီးနီၢ်ခိ အက့ၢ်အဂီၤအတၢ်လီၤတူာ်လီၤကာ်တဖၣ်န့ၣ်တဘၣ်လုၢ်ထီၣ်တၢ်လုၢ်မ့ၣ်အူဘၣ်.

လံာ်တၢ်ဘူၣ်ထီၣ်ဘါထီၣ် 21:6

ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:25

ဆၣ်ဖိကီၢ်ဖိလၢတၢ်ပှ့ၤန့ၢ်အီၤလၢ ပှၤတခီဘီမုၢ်ဖိတဖၣ်အအိၣ်န့ၣ်လုၢ်ထီၣ်အီၤဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်သိးတဖၣ်န့ၣ်ဘၣ်တၢ်ပာ်အီၤဒ်ဆၣ်ဖိကီၢ်ဖိလၢ အအိၣ်ဒီးတၢ်လီၤတူာ်လီၤကာ်ဒီးတဘၣ်တၢ်တူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 26:15

သုမ့ၢ်တဒိကနၣ်ယတၢ်သိၣ်တၢ်သီဒီးယတၢ်မၤလိာ်, ဒီးလုၢ်သ့ၣ်ခါပတာ်ယတၢ်အၢၣ်လီၤအီလီၤလၢယမၤဒီးသုန့ၣ်,

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်မၤလကံ 1:7

ဒီးသုမၤတရီတပါယၤ, ခီဖျိသုလုၢ်ထီၣ်တၢ်အီၣ်လၢတကြၢးတဘၣ်လၢယတၢ်လုၢ်လီၢ်အဖီခိၣ် လီၤ. ဒီးသုသံကွၢ်, “ပတပာ်ကဲနၤဒ်လဲၣ်.” ဒီးယကတဲဘၣ်သု, သုတပာ်ကဲယၤခီဖျိသုဒုးနဲၣ်ဖျါတၢ်သးဘၣ်အၢလၢယတၢ်လုၢ်လီၢ် အဖီခိၣ်န့ၣ်လီၤ.

လံာ်မၤလကံ 2:4

တုၤနုၤတစုသု, ကသ့ၣ်ညါလၢယဟ့ၣ်တ့ၢ်သုတၢ်မၤလိာ်အံၤ, ဒ်သိးယတၢ်အၢၣ်လီၤအီလီၤဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိအစၢၤအသွဲၣ်တဖၣ်အသုတဘၣ် တၢ်မၤဟးဂီၤအီၤတဂ့ၤန့ၣ်လီၤ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

မၤတၢ် 21:28

အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်သိၣ်လီၤသီလီၤတၢ် 10:16

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

ဧ့ၤဘြံၤ 8:9

တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.