လံာ်ယဃ့းစက့လး 44:3 - Sgaw Karen Common Bible

³ ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်ယဃ့းစက့လး 44:3 Iomraidhean Croise

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:18

ဒီးလၢတၢ်မၤဘၣ်ကီၢ်အၤၡူၢ်အစီၤပၤဖးဒိၣ်အသးအဂီၢ်န့ၣ်, စီၤအၤဃးသုးကွံာ်စ့ၢ်ကီးစိၤမိၤလၢစီၤပၤအလီၢ်ပစိာ်အိၣ် ဝဲလၢအဖီခိၣ်န့ၣ်လၢယွၤအတၢ်လုၢ်ဟံၣ်အပူၤဒီးကးတံၢ်ဃးကျဲစၢၤ လၢတၢ်ပာ်လီၤဆီအီၤလၢစီၤပၤကဟဲနုာ်ဆူယွၤအတၢ်လုၢ်ဟံၣ် ပူၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

လံာ်ယၡါယၤ 23:18

ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယၡါယၤ 62:9

မ့မ့ၢ်သုဝဲလၢအဖှံလီၤတ့ၢ်ဒီးကူးက့ၤတ့ၢ် ဘုဧိၤဟုဧိၤတဖၣ် ကအီၣ်ဘၣ်ကိၣ်ဒီးစံးထီၣ်ပတြၢၤယွၤလီၤ. သုဝဲလၢအအံးထွဲကွၢ်ထွဲဒီးထၢဖှိၣ်က့ၤစပံးသၣ်တဖၣ် ကအီစပံးထံလၢယတၢ်လုၢ်ဟံၣ်အဂၢၤတဖၣ် အပူၤန့ၣ်လီၤ.

လံာ်ယဃ့းစက့လး 34:24

ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 40:9

ဒၢးအံၤဒုးကဲထီၣ်ကျဲစၢၤထံးလၢအဘူးကတၢၢ်ဒီးယွၤ အတၢ်လုၢ်ဟံၣ်အကတၢၢ်ဒီးလၢဒၢးအံၤအဂၤတကပၤအကတၢၢ် န့ၣ်အိၣ်ဒီးတၢ်ဒူၣ်တဖၣ်လၢအဒီၣ်ဃီၤအိၣ်ဝဲဒၣ်ခံပျၢ်န့ၣ်လီၤ.

လံာ်ယဃ့းစက့လး 46:12

ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်ယဃ့းစက့လး 46:2

စီၤပၤဖိခွါလၢအပၢတၢ်ကလဲၤတၢ်လၢတၢ်လုၢ်ဟံၣ်အဂၢၤလၢ တၢ်ပျီပူၤဒီးလဲၤနုာ်ဆူကျဲစၢၤထံးအဒၢးပူၤခီဖျိကျဲစၢၤကျိၤထံး ဒီးဆၢထၢၣ်ဖဲတြဲၤဖးဒိၣ်အထူၣ်တဖၣ်အကပၤဖဲပှၤလုၢ်တၢ်အခိၣ် တဖၣ်ဆိၣ်ကဲၤထီၣ်အဝဲအတၢ်လုၢ်တၢ်ပာ်တဖၣ်ဒီတဒုညါဒီးလုၢ်ထီၣ် အဝဲအတၢ်လုၢ်မၤဃူမၤဖိးတဖၣ်အခါန့ၣ်လီၤ. ဖဲတြဲၤဖးဒိၣ် န့ၣ်အဝဲကဘူၣ်ထီၣ်ဘါထီၣ်တၢ်ဝံၤဒီးဟးထီၣ်ကွံာ်ကဒါက့ၤဆူ တၢ်ချၢန့ၣ်လီၤ. တချုးလၢမုၢ်ဟါလီၤဒံးဘၣ်န့ၣ်တၢ်တဘၣ် ကးတံာ်ဃာ်တြဲၤဖးဒိၣ်ဘၣ်.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.