လံာ်ယဃ့းစက့လး 44:29 - Sgaw Karen Common Bible

²⁹ တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်ယဃ့းစက့လး 44:29 Iomraidhean Croise

လံာ်ယဃ့းစက့လး 46:20

ဒီးစံးဝဲဒၣ်, “အအံၤမ့ၢ်တၢ်လီၢ်လၢပှၤလုၢ်တၢ်အခိၣ်တဖၣ်ကဘၣ်ချီတၢ် ညၣ်လၢအဘၣ်တၢ်လုၢ်ထီၣ်အီၤဒ်တၢ်လုၢ်တၢ်ပာ်တဖၣ် အသိးလၢတၢ်လုၢ်တၢ်ကမၣ်အဂီၢ်မ့ၢ်ဂ့ၤ, တၢ်လုၢ်တၢ်ဒဲးဘး အဂီၢ်မ့ၢ်ဂ့ၤ, ဒီးလၢကကုၢ်တၢ်လုၢ်မၤဘူၣ်ကိၣ်ကမူၣ်အဂီၢ်, မ့ၢ်ဒ်သိးတၢ်လၢအစီဆှံတမံၤလၢ်လၢ်န့ၣ်သုတဘၣ်တၢ်စိာ်ထီၣ်အီၤ ဆူတၢ်လုၢ်ဟံၣ်အဂၢၤလၢတၢ်ချၢနီတမံၤဖဲအကမၤဆါပှၤဂီၢ်မုၢ် န့ၣ်တဂ့ၤ.”

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:21

မ့မ့ၢ်ဖဲနံၣ်သဘျ့ခဲကိာ်တဘျီတုၤ ဝဲန့ၣ်ဒီးစံာ်အံၤကကဲထီၣ်ယွၤအတၢ်စုလီၢ်ခီၣ်ခိၣ်လီၤ စိၤဒီးကဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:28

တၢ်တမံၤမံၤဒ်အမ့ၢ်ပှၤကညီမ့ၢ်ဂ့ၤ, စံာ်လၢအဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့မ့ၢ်ဂ့ၤန့ၣ်, တၢ်ဆါလီၤအီၤမ့ၢ်ဂ့ၤ, တၢ်ပှ့ၤက့ၤအီၤမ့ၢ်ဂ့ၤ, တသ့လ့ၤတက့ၤဘၣ်. မ့ၢ်တၢ်လၢအဘၣ်ဃးဒီးယွၤလီၤစိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:26

ပှၤလုၢ်တၢ်အခိၣ်လၢအလုၢ်ထီၣ်ဆၣ်ဖိကီၢ်ဖိန့ၣ်, ကဘၣ်အီၣ်ဝဲတၢ်လုၢ်န့ၣ်လၢတၢ်လီၢ်စီဆှံလၢအမ့ၢ်တၢ်ဘူၣ်ထီၣ်ဘါ ထီၣ်ယွၤအဒဲအဂၢၤပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:29

ဒီးပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိအပူၤ န့ၣ်, ကအီၣ်ဘၣ်ဝဲတၢ်လုၢ်အံၤလီၤ. တၢ်အံၤမ့ၢ်တၢ်စီဆှံဒိၣ်မးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဂံၢ် 18:14

တၢ်ကိးမံၤဒဲးလၢအအိၣ်လၢကီၢ်အံၣ်စရ့လးအပူၤလၢအဘၣ်တၢ်ပာ် စီဆှံထီၣ်အီၤဆူယအိၣ်လၢတၢ်သူၣ်အိၣ်သးအိၣ်အပူၤန့ၣ်ဘၣ်ဃး ဒီးနၤလီၤ.

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.

လံာ်စီၤယိၤၡူ 13:14

စီၤမိၤၡ့တနီၤဖးလီၤကီၢ်လၢပှၤလ့ၤဝံဖိအဂီၢ်ဘၣ်. ဒ်ယွၤစံးဘၣ်တ့ၢ်စီၤမိၤၡ့အသိး, အဝဲသ့ၣ်ကဒိးန့ၢ်ဘၣ်အတၢ် န့ၢ်သါလၢအမ့ၢ်တၢ်လုၢ်တဖၣ်လၢတၢ်လုၢ်ထီၣ်ပာ်ထီၣ်အီၤလၢယွၤ အံၣ်စရ့လးအကစၢ်အတၢ်လုၢ်လီၢ်အဖီခိၣ်န့ၣ်လီၤ.