လံာ်ယဃ့းစက့လး 44:28 - Sgaw Karen Common Bible

²⁸ ပှၤလုၢ်တၢ်အခိၣ်တဖၣ်အိၣ်ဒီးပှၤလုၢ်တၢ်အခိၣ်အလီၢ်ဒ်အဝဲသ့ၣ် အတၢ်န့ၢ်သါအသိးလၢယဟ့ၣ်လီၤတ့ၢ်ကီၢ်အံၣ်စရ့လးဒ်သိး ကဟ့ၣ်လီၤဝဲဆူပှၤတစိၤဘၣ်တစိၤအဂီၢ်န့ၣ်လီၤ. အဝဲသ့ၣ် တဘၣ်အိၣ်ဒီးတၢ်စုလီၢ်ခီၣ်ခိၣ်လၢကီၢ်အံၣ်စရ့လးအပူၤဘၣ်. ယမ့ၢ်တၢ်ခဲလၢာ်လၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယဃ့းစက့လး 44:28 Iomraidhean Croise

လံာ်ယဃ့းစက့လး 45:4

တၢ်လီၢ်န့ၣ်ကမ့ၢ်ထံကီၢ်အတၢ်လီၢ်စီဆှံတတီၤလၢအဘၣ် တၢ်ပာ်လီၤဆီအီၤလၢပှၤလုၢ်တၢ်အခိၣ်တဖၣ်လၢ အမၤယွၤအတၢ်မၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ. အဝဲသ့ၣ်အဟံၣ်တဖၣ်ဒီးတၢ်လီၢ်လၢယွၤအတၢ်လုၢ်ဟံၣ်အဂီၢ် ကအိၣ်ဖဲန့ၣ်လီၤ.

လံာ်တၢ်ဂံၢ် 18:20

ယွၤစံးဘၣ်စီၤအၤဟရိၣ်, “တၢ်စုလီၢ်ခီၣ်ခိၣ်လၢတၢ်န့ၢ်သါ အီၤသ့ဝဲတဖၣ်န့ၣ်နတဒိးန့ၢ်ဘၣ်အီၤဘၣ်. တၢ်တဟ့ၣ်ဘၣ်နၤလၢကီၢ်အံၣ်စရ့လးအဟီၣ်ခိၣ်နီတကဝီၤဘၣ်. ယၤ, ယွၤမ့ၢ်ကယဲၢ်တၢ်လၢနလိၣ်ဘၣ်အီၤန့ၣ်လီၤ.”

လံာ်သိၣ်လီၤသီလီၤတၢ် 10:9

တၢ်န့ၣ်မ့ၢ်ဝဲဘၣ်မနုၤအဃိပှၤလ့ၤဝံဖိတဖၣ်တန့ၢ်ဘၣ်ဟီၣ်ခိၣ် နီတတီၤဒ်ပှၤအဒူၣ်အဂၤတဖၣ်ဒိးန့ၢ်ဝဲအသိးအဂ့ၢ်န့ၣ်လီၤ. တၢ်လၢအဝဲသ့ၣ်ဒိးန့ၢ်ဘၣ်ဝဲန့ၣ်, မ့ၢ်တၢ်ခွဲးတၢ်ယာ်လၢအကဲ ဘၣ်ယွၤအပှၤလုၢ်တၢ်အခိၣ်တဖၣ်, ဒ်ယွၤ, သုကစၢ်ယွၤအၢၣ်လီၤတ့ၢ် ဝဲအသိးန့ၣ်လီၤ.)

လံာ်စီၤယိၤၡူ 13:14

စီၤမိၤၡ့တနီၤဖးလီၤကီၢ်လၢပှၤလ့ၤဝံဖိအဂီၢ်ဘၣ်. ဒ်ယွၤစံးဘၣ်တ့ၢ်စီၤမိၤၡ့အသိး, အဝဲသ့ၣ်ကဒိးန့ၢ်ဘၣ်အတၢ် န့ၢ်သါလၢအမ့ၢ်တၢ်လုၢ်တဖၣ်လၢတၢ်လုၢ်ထီၣ်ပာ်ထီၣ်အီၤလၢယွၤ အံၣ်စရ့လးအကစၢ်အတၢ်လုၢ်လီၢ်အဖီခိၣ်န့ၣ်လီၤ.

လံာ်စီၤယိၤၡူ 13:33

ဘၣ်ဆၣ်ဒီးစီၤမိၤၡ့တဟ့ၣ်လီၤတၢ်လီၢ်ဆူ ပှၤလ့ၤဝံဖိအဒူၣ်ဘၣ်. အဝဲစံးဘၣ်အဝဲသ့ၣ် လၢအတၢ်န့ၢ်သါကမ့ၢ်ဒၣ်ယွၤအံၣ်စရ့လးအကစၢ်ယွၤအတၢ်မၤဘူၣ် တနီၤလီၤ.