လံာ်ယဃ့းစက့လး 44:24 - Sgaw Karen Common Bible

²⁴ တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်ယဃ့းစက့လး 44:24 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:4

စီၤပၤဃုထၢပာ်လီၤတ့ၢ်ပှၤ ခံကလးလွံၢ်ကထိ ဂၤလၢကပၢဆှၢယွၤအတၢ်လုၢ်ဟံၣ်အတၢ်မၤအဂီၢ်, ပှၤဃုကထိဂၤလၢကပၢၤဃာ်တၢ်ကွဲးနီၣ်တဖၣ်ဒီးကမ့ၢ်ပှၤစံၣ်ညီၣ်ကွီၢ်တဖၣ်အဂီၢ်,

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 46:9

ဖဲပှၤဂီၢ်မုၢ်ဟဲဒ်သိးကဘူၣ်ထီၣ်ဘါထီၣ်ယွၤလၢမူးတခါဂ့ၤတခါဂ့ၤ န့ၣ်, ပှၤတဖၣ်လၢအဟဲနုာ်လၢကလံၤစိးအတြဲၤဖးဒိၣ်န့ၣ်ကဘၣ် ဟးထီၣ်လၢကလံၤထံးအတြဲၤဖးဒိၣ်တခီ, ဖဲအဝဲသ့ၣ်ဘူၣ်ထီၣ်ဘါ ထီၣ်တၢ်ဝံၤ, ဒီးပှၤတဖၣ်လၢအဟဲနုာ်လၢကလံၤထံးအတြဲၤ ဖးဒိၣ်န့ၣ်ကဘၣ်ဟးထီၣ်လၢကလံၤစိးအတြဲၤဖးဒိၣ်န့ၣ်လီၤ. ပှၤတဘၣ်ဟးထီၣ်လၢကျဲတဘိဃီလၢအဟဲနုာ်တ့ၢ်ဝဲန့ၣ်နီတဂၤဘၣ်. မ့မ့ၢ်ကဘၣ်ဟးထီၣ်လၢတြဲၤဖးဒိၣ်လၢ အအိၣ်ကွၢ်ဆၢၣ်မဲာ်လိာ်အသးတခီန့ၣ်လီၤ.

လံာ်သိၣ်လီၤသီလီၤတၢ် 19:17

အဝဲသ့ၣ်ခံဂၤလိာ်ကဘၣ်လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီး ကဘၣ်တၢ်ဟ့ၣ်အီၤတၢ်စံၣ်ညီၣ်လၢပှၤလုၢ်တၢ်အခိၣ်တဖၣ်ဒီးစံၣ်ညီၣ် ကွီၢ်တဖၣ်လၢအအိၣ်မူအိၣ်ဒါဖဲန့ၣ်န့ၣ်လီၤ.

လံာ်သိၣ်လီၤသီလီၤတၢ် 21:5

ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.