လံာ်ယဃ့းစက့လး 44:23 - Sgaw Karen Common Bible

²³ ပှၤလုၢ်တၢ်အခိၣ်တဖၣ်ကဘၣ်သိၣ်လိယပှၤဂီၢ်မုၢ်လၢတၢ်လီၤဆီ လၢတၢ်စီဆှံဒီးတၢ်လၢအတစီဆှံဘၣ်အဘၢၣ်စၢၤဒီးတၢ်လၢ အကဆှီဒ်တၢ်ဘူၣ်တၢ်ဘါအလုၢ်အလၢ်အသိးဒီးတၢ်လၢ တကဆှီဘၣ်အဘၢၣ်စၢၤန့ၣ်လီၤ.

လံာ်ယဃ့းစက့လး 44:23 Iomraidhean Croise

လံာ်ယံးရမံယၤ 15:19

တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 42:20

လၢတၢ်န့ၣ်အဃိတၢ်ဒူၣ်န့ၣ်အနီၣ်ထိၣ်မ့ၢ်ဝဲအပျၢ်ယဲၢ်ကယၤဝးဝး န့ၣ်လီၤ. တၢ်ဒူၣ်အံၤနီၤဖးကွံာ်တၢ်လီၢ်လၢအစီဆှံဒီးတစီဆှံဘၣ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:47

သုကဘၣ်ပလီၢ်သုသးလၢသုကနီၤဖးပဲာ်ဖးတၢ်ကဆှီဒီးတၢ်တကဆှီဘၣ်, ဆၣ်ဖိကီၢ်ဖိလၢတၢ်အီၣ်အီၤသ့ဒီးတၢ်အီၣ်အီၤတသ့န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:50

ဒီးပှၤလုၢ်တၢ်အခိၣ်ကကွၢ်ဝဲဒီးကပာ်စီၤစုၤဝဲနွံသီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:57

ဒီးတၢ်သိၣ်တၢ်သီတဖၣ်အံၤမ့ၢ်တၢ်နီၤဖးပဲာ်ဖးတၢ်တကဆှီဒီးတၢ်ကဆှီန့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.