လံာ်ယဃ့းစက့လး 44:17 - Sgaw Karen Common Bible

¹⁷ တုၤအဝဲသ့ၣ်လဲၤနုာ်ဆူယွၤအတၢ်လုၢ်ဟံၣ် အဂၢၤလၢတၢ်အိပူၤအကျဲစၢၤကျိၤထံးန့ၣ် အဝဲသ့ၣ်ကဘၣ်ကူထီၣ်သိးထီၣ်တၢ်ကံးညၣ် ဖှီဝါကဆှၣ်န့ၣ်လီၤ. ဖဲအဝဲသ့ၣ်မၤအတၢ်မၤ လၢတၢ်လုၢ်ဟံၣ်အဂၢၤလၢတၢ်အိပူၤအခါမ့ၢ်ဂ့ၤ, လၢယွၤအတၢ်လုၢ်ဟံၣ်အပူၤအခါမ့ၢ်ဂ့ၤန့ၣ်, အဝဲသ့ၣ်တဘၣ်ကူသိးတၢ်လၢအဘၣ်တၢ်မၤအီၤလၢ သိဆူၣ်နီတမံၤဘၣ်.

လံာ်ယဃ့းစက့လး 44:17 Iomraidhean Croise

လံာ်တၢ်ဟးထီၣ်ကွံာ် 28:42

ဆးန့ၢ်အဝဲသ့ၣ်လၢဖျီၣ်ခံတၢ်ကံးညာ်ဖိတဖၣ်စးထီၣ်လၢအယီၢ်ဒ့ တုၤအကံၣ်ဒုၣ်ဒ်သိးအတၢ်မဲာ်ဆှးသုတအိၣ်ဖျါတဂ့ၤအဂီၢ်တက့ၢ်.

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်ယဃ့းစက့လး 44:27

ဝံၤဒီးကဘၣ်လဲၤနုာ်ဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤဒီးလုၢ်ထီၣ်တၢ်လုၢ်တၢ်ပာ်တမံၤလၢအဝဲအတၢ်မၤကဆှီ ထီၣ်သးအဂီၢ်ဒ်သိးအဝဲကမၤကဒီးတၢ်လၢယွၤအတၢ်လုၢ်ဟံၣ် အပူၤကသ့ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.