လံာ်ယဃ့းစက့လး 44:13 - Sgaw Karen Common Bible

¹³ အဝဲသ့ၣ်တဘၣ်မၤယတၢ်မၤဒ်ပှၤလုၢ်တၢ်အခိၣ်အသိးမ့ၢ်ဂ့ၤ, တဘၣ်လဲၤဘူးဒီးတၢ်တမံၤလၢ်လၢ်လၢအစီဆှံလၢယဂီၢ်မ့ၢ်ဂ့ၤ, တဘၣ်လဲၤနုာ်ဆူတၢ်လီၢ်စီဆှံကတၢၢ်မ့ၢ်ဂ့ၤန့ၣ်ဘၣ်. တၢ်အံၤမ့ၢ်တၢ်စံၣ်ညီၣ်လၢတၢ်လီၤသးဘၣ်အၢ အတၢ်မၤတဖၣ်လၢအဝဲသ့ၣ်မၤတ့ၢ်အီၤအဂီၢ်န့ၣ်လီၤ.

လံာ်ယဃ့းစက့လး 44:13 Iomraidhean Croise

လံာ်စီၤပၤခံဘ့ၣ်တဘ့ၣ် 23:9

ပှၤလုၢ်တၢ်အခိၣ်တဖၣ်အံၤတၢ်တပျဲအမၤတၢ်လၢယွၤအတၢ်လုၢ်ဟံၣ် အပူၤဘၣ်. ဘၣ်ဆၣ်အဝဲသ့ၣ်အီၣ်ကိၣ်တအိၣ်ဘၣ်ဒီးကိၣ်မံၣ်လၢအဘၣ်တၢ်ဟ့ၣ်လီၤ ဆူအဝဲသ့ၣ်အပှၤလုၢ်တၢ်အခိၣ်ကဒဲကဒဲ, သ့ဝဲန့ၣ်လီၤ.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယဃ့းစက့လး 16:61

နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:20

ကီၢ်အဲၤကူပတူးအပှၤဂီၢ်မုၢ်ကလီၤဃံၤဃုာ်ဒီးပှၤတဖၣ်လၢ အဘၣ်တၢ်မၤသံအီၤလၢတၢ်ဒုးအပူၤန့ၣ်လီၤ. နးတဘ့ၣ်အိၣ် ကတဲာ်ကတီၤအသးလၢကမၤသံအဝဲခဲလၢာ်န့ၣ်လီၤ.

လံာ်ယဃ့းစက့လး 36:7

ယၤ, ယွၤပၢဘၣ်တၢ်ခဲလၢာ်ကစၢ်, အၢၣ်လီၤတၢ်သမှံၤသပှၢ် လၢပှၤကလုာ်အိၣ်ခိၣ်အိၣ်ဃၢၤတဖၣ်ကဘၣ်တၢ်ဆီၣ်လီၤကွံာ်အီၤ န့ၣ်လီၤ.

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်တၢ်ဂံၢ် 18:3

အဝဲသ့ၣ်ကဘၣ်မၤလၢပှဲၤအမူအဒါတဖၣ်လၢနဂီၢ်ဒီးအမူ အဒါတဖၣ်လၢဒဲစီဆှံအပူၤ, ဘၣ်ဆၣ်ဒီးအဝဲသ့ၣ်တဘၣ်ထိးဘူးတၢ်အပီးအလီစီဆှံတဖၣ်လၢတၢ် အလီၢ်စီဆှံအပူၤမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲသ့ၣ်မ့ၢ်ထိးဘၣ်ဝဲဒီးအဝဲသ့ၣ်မ့ၢ်ဂ့ၤနၤမ့ၢ်ဂ့ၤကဘၣ် တၢ်မၤသံကွံာ်အီၤန့ၣ်လီၤ.