လံာ်ယဃ့းစက့လး 44:11 - Sgaw Karen Common Bible

¹¹ အဝဲသ့ၣ်ကမၤယတၢ်မၤလၢယွၤအတၢ်လုၢ်ဟံၣ်အပူၤခီဖျိလၢ တၢ်ပၢၤတြဲၤဖးဒိၣ်တဖၣ်ဒီးခီဖျိတၢ်မၤယွၤအတၢ်လုၢ်ဟံၣ် အတၢ်မၤန့ၣ်လီၤ. အဝဲသ့ၣ်ကဘၣ်မၤသံဆၣ်ဖိကီၢ်ဖိတဖၣ်လၢ ပှၤဂီၢ်မုၢ်လုၢ်ထီၣ်အီၤဒ်တၢ်ဆိၣ်ကဲၤအတၢ်လုၢ်တဖၣ် ဒီးတၢ်လုၢ်တၢ်ပာ်တဖၣ်အသိးဒီးအဝဲသ့ၣ်ကဘၣ်အိၣ်မူအိၣ်ဒါ လၢကမၤန့ၢ်ပှၤဂီၢ်မုၢ်အတၢ်အဂီၢ်န့ၣ်လီၤ.

လံာ်ယဃ့းစက့လး 44:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:34

မ့ၢ်လၢပှၤလုၢ်တၢ်အခိၣ်တဖၣ်တအိၣ်လၢလၢလီၣ်လီၣ်လၢကမၤသံကယဲၢ် ဆၣ်ဖိကီၢ်ဖိတဖၣ်အံၤအဃိ, ပှၤလ့ၤဝံဖိတဖၣ်မၤစၢၤအဝဲသ့ၣ်, တုၤလၢတၢ်မၤဝံၤဝဲတစု န့ၣ်လီၤ. တုၤလီၤလၢအကတီၢ်အဝဲန့ၣ်, ပှၤလုၢ်တၢ်အခိၣ်တဖၣ်လၢ အမၤကဆှီထီၣ်အသးဒ်အလုၢ်အလၢ်အိၣ်ဝဲအသိးန့ၣ်, အနီၣ်ဂံၢ်အါထီၣ်ဝဲလီၤ. (ပှၤလ့ၤဝံဖိတဖၣ်သူၣ်တီသးရၤလၢတၢ် မၤကဆှီထီၣ်သးအလုၢ်အလၢ်အါန့ၢ်ဒံးပှၤလုၢ်တၢ်အခိၣ်တဖၣ်မၤဝဲ တက့ၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 30:17

မ့ၢ်လၢပှၤဂီၢ်မုၢ်အါဂၤတကဆှီဘၣ်ဒ်တၢ်ဘါအလုၢ်အလၢ်အိၣ်ဝဲ အသိးအဃိအဝဲသ့ၣ်မၤသံဘူၣ်လဲၤကပာ်အသိဖိတဖၣ်တသ့ဝဲဘၣ်. လၢတၢ်န့ၣ်အဃိပှၤလ့ၤဝံဖိတဖၣ်ဘၣ်မၤအီၤလၢအဝဲသ့ၣ်အဂီၢ်, ဒီးလုၢ်ထီၣ်သိဖိတဖၣ်ဆူယွၤအအိၣ်န့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ယဃ့းစက့လး 44:14

ယပာ်လီၤတၢ်ခ့တၢ်ပှၤအတၢ်မၤလၢတၢ်ကဘၣ်မၤအီၤလၢယွၤ အတၢ်လုၢ်ဟံၣ်အပူၤန့ၣ်လၢအဝဲသ့ၣ်အစုပူၤလီၤ.”

လံာ်ယဃ့းစက့လး 46:24

ပှၤတဂၤန့ၣ်စံးဘၣ်ယၤ, “အအံၤမ့ၢ်ဖၣ်ကပူၤဖဲယွၤအတၢ်လုၢ်ဟံၣ် အခ့အပှၤတဖၣ်ကချီတၢ်လုၢ်တၢ်ပာ်တဖၣ်လၢပှၤဂီၢ်မုၢ်လုၢ်ထီၣ်ဝဲန့ၣ်လီၤ.”

လံာ်တၢ်ဂံၢ် 16:9

မ့ၢ်သုဆိကမိၣ်လၢကီၢ်အံၣ်စရ့လးအကစၢ်ယွၤအတၢ်ပာ်လီၤဆီ သုဒီးကမျၢၢ်အိၣ်မူသကိးတပူၤဃီအဂၤ, ဒ်သိးသုသုးဘူးသး ဆူယွၤအအိၣ်, မၤသုတၢ်မၤလၢယွၤအဒဲစီဆှံပူၤဒီးမၤယွၤအတၢ်ဆူပှၤကမျၢၢ် ဒီးမၤန့ၢ်အဝဲသ့ၣ်အတၢ်ကသ့ဝဲအဂီၢ်မ့ၢ်တၢ်အဆံးတမံၤန့ၣ်ဧါ.

လံာ်တၢ်ဂံၢ် 18:2

ဟဲကိးနုာ်နဘူးနတံၢ်တဖၣ်, ပှၤလ့ၤဝံဖိအဒူၣ်, လၢအကမၤတၢ်ဒီးနၤဒီးမၤစၢၤနၤဖဲနၤဒီးနဖိခွါတဖၣ်မၤတၢ် လၢဒဲစီဆှံအပူၤအခါတက့ၢ်.

လံာ်တၢ်ဂံၢ် 18:6

ယမ့ၢ်ပှၤတဂၤလၢအဃုထၢတ့ၢ်နဘူးနတံၢ်ပှၤလ့ၤဝံဖိတဖၣ်လၢပှၤ အံၣ်စရ့လးဖိတဖၣ်အကျါဒ်တၢ်ဟ့ၣ်တမံၤဆူနအိၣ်လီၤ. အဝဲသ့ၣ်ဘၣ်တၢ်ပာ်စီဆှံထီၣ်အီၤဆူယအိၣ်, ဒ်သိးအဝဲသ့ၣ်မၤအမူအဒါတဖၣ်လၢဒဲစီဆှံအပူၤကသ့ဝဲဒၣ်န့ၣ် လီၤ.

လံာ်တၢ်ဂံၢ် 4:1

ဒီးယွၤစံးဘၣ်စီၤမိၤၡ့, လၢကထၢဖှိၣ်ကွဲးနီၣ်ပှၤလ့ၤဝံဖိစီၤကဃးအဒူၣ်ထၢတုၤလၢ အဒူၣ်ထၢဆံးဖိတဖၣ်ဒီးဟံၣ်ဖိဃီဖိတဖၣ်,

လံာ်တၢ်ဂံၢ် 8:26

တၢ်န့ၣ်အလီၢ်ခံအဝဲသ့ၣ်ကဘၣ်မၤစၢၤက့ၤပှၤလ့ၤဝံဖိကဒဲကဒဲ လၢတၢ်စိာ်ထီၣ်အဝဲသ့ၣ်အမူအဒါလၢဒဲစီဆှံအပူၤ, ဘၣ်ဆၣ်, အဝဲသ့ၣ်တဘၣ်မၤတၢ်ဖံးတၢ်မၤလၢအနီၢ်ကစၢ်ဒၣ်ဝဲနီတမံၤဘၣ်. တၢ်အံၤမ့ၢ်ကျဲလၢနကသိၣ်လိနဲၣ်လီၤမူဒါတဖၣ်လၢပှၤလ့ၤဝံဖိ တဖၣ်အဂီၢ်န့ၣ်လီၤ.”