လံာ်ယဃ့းစက့လး 44:10 - Sgaw Karen Common Bible

¹⁰ ယွၤစံးဘၣ်ယၤ, “ယစံၣ်ညီၣ်ပှၤလ့ၤဝံဖိတဖၣ်န့ၣ်လၢအဟးသဒၣ် ကွံာ်ယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဃုာ်ဒီး ကီၢ်အံၣ်စရ့လးအပှၤဂီၢ်မုၢ်အဂၤတဖၣ်န့ၣ်လီၤ.

လံာ်ယဃ့းစက့လး 44:10 Iomraidhean Croise

လံာ်တၢ်ကဲထီၣ်အခီၣ်ထံး 4:13

ဒီးစီၤကၤယံၣ်စံးဘၣ်ယွၤ, “တၢ်စံၣ်ညီၣ်အံၤနးကဲၣ်ဆိးလၢ ယကတူၢ်အီၤအဂီၢ်န့ၣ်လီၤ.

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

စံးထီၣ်ပတြၢၤ 38:4

ယတၢ်ဒဲးဘးလုၣ်ဘၢကွံာ်ယၤ ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ ယကယိးအီၤအဂီၢ်န့ၣ်လီၤ.

တၢ်ကတိၤဒိ. 11:31

ပှၤလၢအဂ့ၤတဖၣ်ဘၣ်တၢ်ဟ့ၣ်ဘျုးအီၤဖဲအံၤလၢဟီၣ်ခိၣ်ချၢလီၤ. မၤသးဒ်န့ၣ်ဒီးနာ်သပှၢ်တၢၢ်လၢပှၤတတီတလိၤဒီးပှၤတၢ်ဒဲးဘးဖိ တဖၣ်ကဘၣ်တၢ်စံၣ်ညီၣ်အီၤန့ၣ်တက့ၢ်.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယဃ့းစက့လး 14:11

ယကမၤတၢ်အံၤဒ်သိးယကဟံးဃာ်ပှၤအံၣ်စရ့လးဖိတဖၣ်လၢအသုတဟး သဒၣ်ကွံာ်ယၤတဂ့ၤဒီးဒ်သိးအသုတမၤဘၣ်အၢအသးလၢအတၢ်ဒဲးဘး တဖၣ်တဂ့ၤအဂီၢ်န့ၣ်လီၤ. အဝဲသ့ၣ်ကဘၣ်မ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 44:12

ဘၣ်ဆၣ်မ့ၢ်လၢအဝဲသ့ၣ်မၤတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ် လၢကီၢ်အံၣ်စရ့လးအဂီၢ်, ဒီးလၢကျဲဒ်အံၤန့ၣ်အဝဲသ့ၣ်ဆှၢ ဃီၤပှၤဂီၢ်မုၢ်ဆူတၢ်ဒဲးဘးအပူၤအဃိ, ယၤ, ယွၤပၢဘၣ်တၢ် ခဲလၢာ်ကစၢ်ဆိၣ်တၢ်သမှံၤသပှၢ်လၢအဝဲသ့ၣ်ကဘၣ် တၢ်စံၣ်ညီၣ်န့ၣ်လီၤ.

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်ယဃ့းစက့လး 48:11

တၢ်လီၢ်ကဝီၤစီဆှံအံၤန့ၣ်ကဘၣ်မ့ၢ်ဝဲဒၣ်ပှၤလုၢ်တၢ်အခိၣ်တဖၣ် လၢအလီၤစၢၤလီၤသွဲၣ်လၢစီၤစၤဒိးအဂီၢ်န့ၣ်လီၤ. အဝဲသ့ၣ် တဖၣ်မၤတ့ၢ်ယတၢ်မၤလၢတၢ်သူၣ်တီသးတီအပူၤဒီးတမၤဃုာ် သကိးတၢ်ကမၣ်ဒီးပှၤအံၣ်စရ့လးဖိအဂၤတဖၣ်ဒ်ပှၤအဂၤတဖၣ် လၢလ့ၤဝံအဒူၣ်အပူၤမၤတ့ၢ်ဝဲအသိးန့ၣ်ဘၣ်.

လံာ်ဟိၤၡ့ 4:9

သုကတူၢ်ဘၣ်တၢ်စံၣ်ညီၣ်တမံၤဃီဒ်ပှၤဂီၢ်မုၢ်အသိး, ယကစံၣ်ညီၣ်သုဒီးယကမၢသုဟ့ၣ်တၢ်အပှ့ၤလၢတၢ်အၢတၢ် သီလၢသုမၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:8

ပှၤတဂၤလၢ်လၢ်လၢအအီၣ်တၢ်ဖံးတၢ်ညၣ်လၢအအိၣ်လီၤတဲာ်န့ၣ်မ့ၢ် အမၤဘၣ်အၢတၢ်လုၢ်စီဆှံလၢအဘၣ်တၢ်လုၢ်ထီၣ်အီၤဆူယွၤအအိၣ်, ဒီးအဝဲဒၣ်တဘၣ်တၢ်ပာ်လၢၤအီၤဒ် ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်တၢ်ဂံၢ် 18:23

စးထီၣ်လၢမုၢ်မဆါတနံၤအံၤထဲပှၤလ့ၤဝံဖိတဖၣ်ဧိၤကအံးထွဲ ကွၢ်ထွဲဒဲစီဆှံဒီးဟံးန့ၢ်မူဒါလၢလၢပှဲၤပှဲၤလၢဒဲစီဆှံန့ၣ်အဂီၢ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢအဘၣ်ထွဲ စ့ၢ်ကီးဒီးနစၢၤနသွဲၣ်တဖၣ်န့ၣ်လီၤ. ပှၤလ့ၤဝံဖိတဖၣ်န့ၣ်တဘၣ်အိၣ်ဒီးတၢ်စုလီၢ်ခီၣ်ခိၣ်အဂၢၢ် အကျၢၤနီတမံၤလၢကီၢ်အံၣ်စရ့လးအပူၤဘၣ်.

လံာ်တၢ်ဂံၢ် 5:31

ဝၤတဂၤကဘၣ်တၢ်ပျၢ်ဖျဲးအီၤလၢအတၢ်ကမၣ်, မ့မ့ၢ်ပိာ်မုၣ်တဂၤန့ၣ်, မ့ၢ်မၤကမၣ်တၢ်ဒီး, ကတူၢ်ဘၣ်တၢ်ဒ်အကြၢးဝဲဘၣ်ဝဲဒီးအီၤအသိးန့ၣ်လီၤ.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.