လံာ်ယဃ့းစက့လး 43:7 - Sgaw Karen Common Bible

⁷ ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.

လံာ်ယဃ့းစက့လး 43:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:13

ခဲကနံၣ်အံၤယသူၣ်ထီၣ်လံတၢ်လုၢ်ဟံၣ်လီၤဘီလီၤမုၢ်တဖျၢၣ်လၢနဂီၢ်, တၢ်လီၢ်တတီၤလၢနကအိၣ်ကဆိးလၢအပူၤလီၤထူလီၤယိာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 16:4

ဖဲပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်, လၢတၢ်လူၢ်တဖၣ်အဒီခိၣ်ဒီးလၢကယဲၢ်သ့ၣ်လၢအအိၣ်ဒီးအကဒုတဖၣ် အဖီလာ်န့ၣ်စီၤအၤဃးလုၢ်ထီၣ်တၢ်လုၢ်တၢ်ပာ်တဖၣ်ဒီးဆိၣ်ကဲၤတၢ် နၢမူန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:2

စီၤဒၤဝံးဆၢထၢၣ်လၢအဝဲသ့ၣ်အမဲာ်ညါ, ဒီးကတိၤလီၤတၢ်ဆူ အဝဲသ့ၣ်အအိၣ်, “ယပှၤထံဖိကီၢ်ဖိသ့ၣ်ဧၢ, ဒိကနၣ်ယၤတက့ၢ်. တၢ်မိၢ်သူၣ်ထီၣ်တ့ၢ်ဘၣ်ယသးလၢဟံၣ်အဂၢၢ်အကျၢၤတဖျၢၣ်လၢယွၤ အတလါစီဆှံ, ယွၤပကစၢ်ယွၤအခီၣ်ယီၢ်လီၤအလီၢ်အဂီၢ်န့ၣ်လီၤ. လၢတၢ်မၤလၤမၤကပီၤအီၤအဂီၢ်, ယကတဲာ်ကတီၤတ့ၢ်တၢ်တဖၣ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်,

စံးထီၣ်ပတြၢၤ 132:14

“တၢ်အံၤမ့ၢ်ယတၢ်အိၣ်တၢ်ဆိးအလီၢ်လီၤစိၤလီၤထီလီၤ. တၢ်အံၤမ့ၢ်တၢ်လီၢ်ဖဲ ယအဲၣ်ဒိးပၢတၢ်န့ၣ်လီၤ.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 47:8

ကစၢ်ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်ဒီး, အဝဲပၢဝဲပှၤကလုာ်တဖၣ်န့ၣ်လီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

စံးထီၣ်ပတြၢၤ 99:5

စံးထီၣ်ပတြၢၤယွၤပကစၢ်ယွၤ, ဘူၣ်ထီၣ်ဘါထီၣ်အီၤလၢ အလီၢ်ပစိာ်အမဲာ်ညါတက့ၢ်. အဝဲဒၣ်န့ၣ်စီဆှံဝဲလီၤ.

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်တၢ်ဟးထီၣ်ကွံာ် 29:45

ယကအိၣ်ဆိးလၢကီၢ်အံၣ်စရ့လးအပှၤဂီၢ်မုၢ်အသိးအကျါဒီးယကမ့ၢ် အဝဲသ့ၣ်အကစၢ်ယွၤလီၤ.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 14:21

သ့ၣ်နီၣ်ထီၣ်က့ၤနတၢ်အၢၣ်လီၤအီလီၤတဖၣ်ဒီးသးဘၣ်အၢပှၤတဂ့ၤ. ဟဲစိာ်တၢ်မဲာ်ဆှးဆူဝ့ၢ်ယရူၤၡလ့ၣ်, တၢ်လီၢ်လၢအမ့ၢ်နတၢ်လၤကပီၤအလီၢ်ပစိာ် အဖီခိၣ်တဂ့ၤ. မၤဟးဂီၤကွံာ်တၢ်အၢၣ်လီၤအီလီၤလၢနမၤတ့ၢ်ဒီး ပှၤန့ၣ်တဂ့ၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 17:12

ပယွၤအတၢ်လုၢ်ဟံၣ်အံၤလီၤဂာ်ဒီးတၢ်လၤကပီၤ အလီၢ်ပစိာ်တဖျၢၣ် လၢအအိၣ်ဆၢထၢၣ်လၢကစၢၢ်ဖးထီတဖျၢၣ်အဒီခိၣ်လၢတၢ် အခီၣ်ထံးလံၤလံၤန့ၣ်လီၤ.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယဃ့းစက့လး 1:26

လၢတၢ်အခိၣ်ဖျၢၣ်သလၢၣ်အဖီခိၣ်န့ၣ်, တၢ်အိၣ်ဝဲတမံၤလၢ အဖျါလီၤဂာ်ဒီးလီၢ်ပစိာ်တခါလၢအဘၣ်တၢ်မၤအီၤ လၢတၢ်မျၢ်နံၤလါအဲး, ဒီးတၢ်အက့ၢ်အဂီၤတမံၤလၢအလီၤဂာ်ဒီးပှၤကညီတဂၤဆ့ၣ်နီၤဝဲ လၢလီၢ်ပစိာ်န့ၣ်အဖီခိၣ်လီၤ.

လံာ်ယဃ့းစက့လး 10:1

ယကွၢ်တၢ်ခိၣ်ဒုးဖျၢၣ်သလၢၣ်လၢအအိၣ်လၢတၢ်ဘၣ်တ့ အမူတဖၣ်အဖီခိၣ်ဒီးလၢအဝဲသ့ၣ်အဖီခိၣ်န့ၣ်, တၢ်မၤအသးလီၤဂာ်ဒီးလီၢ်ပစိာ်တခါလၢအဘၣ် တၢ်မၤအီၤလၢတၢ်မျၢ်နံၤလါ, အိၣ်ဝဲလီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ယဃ့းစက့လး 43:9

ခဲကနံၣ်အံၤအဝဲသ့ၣ်ကဘၣ်ဆိကတီၢ်ကွံာ်အတၢ်ဘူၣ်ထီၣ်ဘါထီၣ် ကစၢ်အဂၤတဖၣ်ဒီးသုးကွံာ်အစီၤပၤတဖၣ်အစိၣ်န့ၣ်လီၤ. အဝဲသ့ၣ် မ့ၢ်မၤဝဲဒ်န့ၣ်ဒီး, ယကအိၣ်ဆိးလၢအဝဲသ့ၣ်အကျါလီၤစိၤလီၤထီန့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 6:5

ယကမၤလီၤပြံလီၤပြါကီၢ်အံၣ်စရ့လးအပှၤဂီၢ်မုၢ်အစိၣ်တဖၣ် လီၤ. ယကမၤလီၤပြံလီၤပြါအဝဲသ့ၣ်အဃံတဖၣ်ဝးတရံးတၢ်လုၢ်လီၢ်တဖၣ် န့ၣ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

လံာ်မံကၤ 4:7

အဝဲသ့ၣ်လဲၤတၢ်တကျဲၢ်တကျဲၢ်ဒီးအိၣ်ယံၤဒီးဟံၣ်ဃီလီၤ. ဘၣ်ဆၣ်ဒီးယကမၤက့ၤတၢ်အခီၣ်ထံးအသီလၢပှၤအိၣ်လီၤ တဲာ်တ့ၢ်တဖၣ်ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်လီၤ. ယကပၢတၢ်လၢအဖီခိၣ်လၢကစၢၢ်စံယိၣ်အလိၤစးထီၣ်ဖဲန့ၣ်ဒီးဆူ ညါလီၤထူလီၤယိာ်လီၤ”.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.