လံာ်ယဃ့းစက့လး 43:3 - Sgaw Karen Common Bible

³ တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ယဃ့းစက့လး 43:3 Iomraidhean Croise

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယဃ့းစက့လး 3:23

လၢတၢ်န့ၣ်အဃိ, ယဟးထီၣ်ဒီး လဲၤဆူတၢ်တြီၤပူၤ, ဒီးဖဲန့ၣ် ယထံၣ်ဘၣ်ယွၤအလၤကပီၤ, ဒ်ယထံၣ်ဘၣ်တ့ၢ်အီၤဖဲထံကျိ ကတၢ်အနံၤအသိးန့ၣ်လီၤ. ယလီၤဃံၤအီထီလာ်လၢ ယမဲာ်သၣ်လၢဟီၣ်ခိၣ်လိၤ,

လံာ်ယဃ့းစက့လး 32:18

အဝဲစံးဝဲဒၣ်, “ပှၤကညီလၢအသံသ့ဧၢ, ဘၣ်မိၣ်ဘၣ်မးလၢ ကယဲၢ်ပှၤကီၢ်အဲၤကူပတူးဖိအါဂၤအဂီၢ်တက့ၢ်. ဆှၢလီၤ အဝဲသ့ၣ်ဃုာ်ဒီးပှၤကလုာ်ဂံၢ်ဆူၣ်ဘါဆူၣ်အဂၤတဖၣ်ဆူတၢ်သံ အကီၢ်ပူၤန့ၣ်တက့ၢ်.

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်ယဃ့းစက့လး 8:4

ဖဲန့ၣ်ယထံၣ်ဘၣ်တၢ်ကပီၤဆဲးကပြုၢ်ကပြီၤလၢအပာ်ဖျါထီၣ်ကီၢ် အံၣ်စရ့လးအကစၢ်ယွၤအတၢ်အိၣ်ဝဲ, ဒ်သိးဒၣ်ယထံၣ်ဘၣ်တ့ၢ်အီၤဖဲယအိၣ်လၢထံကျိကဘၢ်အနံၤ အခါန့ၣ်လီၤ.

လံာ်ယဃ့းစက့လး 9:1

အန့ၣ်ဝံၤဒီး, ယနၢ်ဟူကစၢ်ယွၤကိးထီၣ်ဝဲ, “ဟဲဖဲအံၤ, သုဝဲ ပှၤတဖၣ်လၢအကမၤဟးဂီၤဝ့ၢ်ယရူၤၡလ့ၣ်သ့ၣ်ဧၢ, ဟဲစိာ်ဃုာ်သုစုကဝဲၤတဖၣ်တက့ၢ်.”

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

လံာ်ယဃ့းစက့လး 9:3

ဝံၤဒီးကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ်ကပီၤဆဲးက ပြုၢ်ကပြီၤထီၣ်ဝဲလၢတၢ်ဘၣ်တ့လၢအအိၣ်ဒီးအဒံးဆ့တဖၣ် အအိၣ်လၢတၢ်လီၢ်ဖဲအအိၣ်ဝဲ, ဒီးသုးအသးဆူယွၤအတၢ်လုၢ် ဟံၣ်အကျဲစၢၤန့ၣ်လီၤ. ယွၤကိးထီၣ်ဆူပှၤကူသိးတၢ်ဖှီဝါကဆှၣ်တဂၤအအိၣ်ဒီးစံးဝဲ,

လံာ်ယဃ့းစက့လး 9:5

ဒီးယနၢ်ဟူကစၢ်ယွၤစံးဘၣ်ပှၤအဂၤတဖၣ်, “ပိာ်အဝဲအခံခီဖျိ ဝ့ၢ်ဒီဝ့ၢ်ညါဒီးမၤသံတၢ်တက့ၢ်. ပျၢ်ဖျဲးပှၤနီတဂၤတဂ့ၤ. သးကညီၤပှၤနီတဂၤတဂ့ၤ.