လံာ်ယဃ့းစက့လး 43:21 - Sgaw Karen Common Bible

²¹ နကဘၣ်ဟံးန့ၢ်ဂီၤဖံးဖါဖိလၢတၢ်လုၢ်ထီၣ်အီၤဒ်တၢ်လုၢ်တၢ်ပာ် တမံၤလၢတၢ်လုၢ်တၢ်ဒဲးဘးအဂီၢ်န့ၣ်ဒီးဆိၣ်ကဲၤထီၣ်အီၤလၢ တၢ်လီၢ်ဖဲတၢ်ပာ်လီၤဆီအီၤလၢတၢ်လုၢ်ဟံၣ်အလီၢ်ကဝီၤအချၢ န့ၣ်လီၤ.

လံာ်ယဃ့းစက့လး 43:21 Iomraidhean Croise

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်ယဃ့းစက့လး 45:2

လၢတၢ်လီၢ်အံၤအပူၤန့ၣ်တၢ်လီၢ်လၢအထီဒီးအဒီၣ်ဃီၤဒ်သိးလိာ် အသးကဘၣ်အိၣ်ဝဲတတီၤလၢယွၤအတၢ်လုၢ်ဟံၣ်အဂီၢ် လၢအတၢ်ထိၣ်မ့ၢ်တကပၤအပျၢ်ယဲၢ်ကယၤစုာ်စုာ်, ဒီးဘၣ်တၢ်အိၣ်ကဝီၤဃာ်အီၤလၢတၢ်လီၢ်လီၤပျီလၢ အလဲၢ်ဝဲဒၣ်တကပၤအပျၢ်ယဲၢ်ဆံစုာ်စုာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:12

ဒီးတၢ်အိၣ်လီၤတဲာ်တဖၣ်န့ၣ်ကဘၣ်စိာ်ကွံာ်ဝဲဆူသူၣ်ဒဲအလီၢ် အချၢဖဲတၢ်လီၢ်ကဆှီလၢအမ့ၢ်တၢ်ဂၢ်လီၤဖၣ်ဆါအလီၢ်ဒီးကဘၣ်ဆိၣ် ကဲၤထီၣ်ကွံာ်ဝဲလၢသ့ၣ်မုၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:17

မ့မ့ၢ်တၢ်လၢအအိၣ်တ့ၢ်ဒီးဂီၤဖံးဖါဖိလၢအမ့ၢ်အဖံး, အညၣ်, ဒီးအပှံာ်အကဖုတဖၣ်န့ၣ်ဆူးကဲၤထီၣ်ဝဲလၢပှၤသူၣ်ဒဲလီၢ် အချၢဒ်ယွၤမၤလိာ်အီၤအသိးန့ၣ်လီၤ.