လံာ်ယဃ့းစက့လး 43:17 - Sgaw Karen Common Bible

¹⁷ တၢ်အခၢၣ်သးတပတီၢ်န့ၣ်စ့ၢ်ကီးမ့ၢ်တၢ်လွံၢ်နၢၣ်ဃူသိးလိာ်အသး, တကပၤန့ၣ်အိၣ်တဆံလွံၢ်ပျၢ်စုာ်စုာ်, အိၣ်ဒီးအခိၣ်ဒူတခါလၢအကနူၤလၢ အချၢ, လၢအစီၤထီၣ်ထီဝဲတထါန့ၣ်လီၤ. (ထံယွၤလီၤ အကျိၤလဲၢ်ဝဲတပျၢ်န့ၣ်လီၤ.) ဃီသွါတဖၣ်လၢအလဲၤထီၣ်ဆူ တၢ်လုၢ်လီၢ်န့ၣ်အိၣ်ဝဲဒၣ်လၢမုၢ်ထီၣ်တကပၤန့ၣ်လီၤ.

လံာ်ယဃ့းစက့လး 43:17 Iomraidhean Croise

လံာ်စီၤပၤအခီၣ်ထံးတဘ့ၣ် 18:32

အဝဲဘှီထီၣ်ကဒါက့ၤတၢ်လုၢ်လီၢ်လၢတၢ်ဘူၣ်ထီၣ်ဘါထီၣ်ယွၤအဂီၢ် လၢလၢၢ်တဆံခံဖျၢၣ်အံၤန့ၣ်လီၤ. အဝဲခူၣ်တၢ်ကျိၤတကျိၤဝးတရံးတၢ်လုၢ်လီၢ်, လဲၢ်ဝဲတုၤလၢအကတြီၢ်တၢ်ချံခံနာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:8

ဒၢးဖိလၢတၢ်ဖီလာ်ကတၢၢ်တဆီအကျဲစၢၤအိၣ်ဝဲလၢယွၤအတၢ်လုၢ် ဟံၣ်အကလံၤထံးတကပၤအိၣ်ဒီးဃီသွါတဖၣ်လၢအလဲၤထီၣ်ဆူဒၢးခံ ဆီတဆီဒီးသၢဆီတဆီန့ၣ်လီၤ.

လံာ်စီၤနဃ့မယၤ 9:4

စိၤမိၤအိၣ်ဝဲတဖျၢၣ်လၢပှၤလ့ၤဝံဖိတဖၣ်အဂီၢ်, ဒီးစီၤယ့ၤၡူ, စီၤဘၤနံ, စီၤကးမံၤအ့လး, စီၤၡဘၤနယၤ, စီၤဘူနံၤ, စီၤၡ့ရ့ဘယၤ, စီၤဘၤနံ, စီၤကနၤနံသ့ၣ်တဖၣ်ဆၢထၢၣ်လၢအဖီခိၣ်န့ၣ်လီၤ. အဝဲသ့ၣ်ဘါထုကဖၣ်လၢအကလုၢ်ဖးဒိၣ်ဆူယွၤ, အဝဲသ့ၣ်အကစၢ်ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 20:26

ဘှီထီၣ်တၢ်လုၢ်လီၢ်တခါလၢယဂီၢ်အိၣ်ဒီးဃီသွါတဖၣ်လၢအလဲၤထီၣ်ဆူအဖီခိၣ်န့ၣ်တဂ့ၤ. သုမ့ၢ်မၤအီၤဒီးသုကပာ်ဖျါထီၣ်သုတၢ်မဲာ်ဆှးဖဲသုလဲၤထီၣ်ဃီသွါအခါန့ၣ်လီၤ.

လံာ်တၢ်ဟးထီၣ်ကွံာ် 25:25

စီၢ်နီၤခိၣ်အဖီခိၣ်အံၤကဘၣ်အိၣ်ဒီးအခိၣ်ဒူတခါလၢအလဲၢ်ဝဲ သၢစုမုၢ်ဒိၣ်ဒီးအခိၣ်ဒူအံၤအထိးနါဝးတရံးန့ၣ်ကျီၤအီၤလၢထူတက့ၢ်.

လံာ်တၢ်ဟးထီၣ်ကွံာ် 30:3

ကးဘၢအဖီခိၣ်အကပၤလွံၢ်ခီဒီးအနၢၤတဖၣ်လၢထူစီဒီးမၤအခိၣ် ဒူဝးတရံးလၢထူတက့ၢ်.

လံာ်ယဃ့းစက့လး 40:6

အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.

လံာ်ယဃ့းစက့လး 43:14

တၢ်လုၢ်လီၢ်အဖီလာ်ကတၢၢ်တတီၤစးထီၣ်လၢအခီၣ်ထံးအခိၣ်ထိး န့ၣ်အကစီၤထီၣ်အိၣ်ဝဲဒၣ်ခံပျၢ်ဒီးအလဲၢ်အိၣ်ဝဲတပျၢ်ဒီးလၢခံတတီၤ န့ၣ်ဘၣ်တၢ်သုးအီၤဆူတၢ်လီၢ်ခံတပျၢ်ဝးဝးစးထီၣ်လၢအကနူၤဒီး အကစီၤထီၣ်ထီဝဲလွံၢ်ပျၢ်န့ၣ်လီၤ. မၤကဒီးလၢခံတတီၤန့ၣ် ဘၣ်တၢ်သုးအီၤဆူအလီၢ်ခံတပျၢ်ဝးဝးစးထီၣ်လၢအကနူၤန့ၣ်လီၤ.

လံာ်ယဃ့းစက့လး 43:20

နကဘၣ်ဟံးန့ၢ်အသွံၣ်တနီၤဒီးပာ်ထီၣ်အီၤလၢတၢ်လုၢ်လီၢ်အနၢၣ် တဖၣ်အလိၤလၢအအိၣ်လၢတၢ်လုၢ်လီၢ်အခိၣ်ဒီအသနၢၣ်တဖၣ် န့ၣ်ဒီးလၢတၢ်လုၢ်လီၢ်အခၢၣ်သးတပတီၢ်အနၢၣ်တဖၣ်အလိၤ, ဒီးလၢကယဲၢ်အကနူၤခဲလၢာ်အလိၤန့ၣ်လီၤ. လၢကျဲဒ်သိးအံၤန့ၣ်, နကမၤကဆှီထီၣ်တၢ်လုၢ်လီၢ်ဒီးပာ်စီဆှံထီၣ်အီၤန့ၣ်လီၤ.

လံာ်ယဃ့းစက့လး 45:19

ပှၤလုၢ်တၢ်အခိၣ်ကဟံးန့ၢ်တၢ်လုၢ်တၢ်ပျၢ်တၢ်ဒဲးဘးအံၤ အသွံၣ်တနီၤဒီးပာ်ထီၣ်အီၤလၢယွၤအတၢ်လုၢ်ဟံၣ်အတြဲၤအထူၣ် တဖၣ်အလိၤ, လၢတၢ်လုၢ်အသနၢၣ်လွံၢ်သနၢၣ်အလိၤ, ဒီးလၢ ကျဲစၢၤကျိၤထံးလၢအလဲၤနုာ်ဆူတၢ်လုၢ်ဟံၣ်အဂၢၤလၢ တၢ်အိပူၤ, အပဲတြီအထူၣ်တဖၣ်အလိၤန့ၣ်လီၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.