လံာ်ယဃ့းစက့လး 43:15 - Sgaw Karen Common Bible

¹⁵ တၢ်အပတီၢ်လၢအဖီခိၣ်ကတၢၢ်ဖဲပှၤဆိၣ်ကဲၤတၢ်လုၢ်တၢ်ပာ်တဖၣ် လၢအဖီခိၣ်န့ၣ်အကစီၤထီၣ်ထီစ့ၢ်ကီးဝဲလွံၢ်ပျၢ်န့ၣ်လီၤ. တၢ်လုၢ်လီၢ်အနၢၣ်လွံၢ်နၢၣ်လၢအဟဲဖျိးထီၣ်အသးန့ၣ်ထီန့ၢ်ဒံး ကယဲၢ်တၢ်အခိၣ်ထိးအဂၤတဖၣ်တက့ၢ်န့ၣ်လီၤ.

လံာ်ယဃ့းစက့လး 43:15 Iomraidhean Croise

လံာ်စီၤပၤအခီၣ်ထံးတဘ့ၣ် 1:50

လၢတၢ်ပျံၤဘၣ်စီၤၡလိၤမိၤဖးဒိၣ်အပူၤန့ၣ်, စီၤအဒိၤနံၤယၤလဲၤဝဲဆူယွၤအဒဲစီဆှံလၢယွၤအိၣ်ဝဲဒီး ဟံးဃာ်ကျၢၤယွၤအတၢ်လုၢ်လီၢ်အနၢၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:28

စီၤယိၤအာ်နၢ်ဟူဘၣ်တၢ်လၢမၤတ့ၢ်အသးန့ၣ်လီၤ. (အဝဲဆီၣ်ထွဲမၤစၢၤတ့ၢ်စီၤအဒိနံၤယၤ, ဘၣ်ဆၣ်, တဆီၣ်ထွဲမၤစၢၤတ့ၢ်စီၤအးဘၡါလိၣ်ဘၣ်) လၢတၢ်န့ၣ်အဃိအဝဲဃ့ၢ်ပူၤဖျဲးအသးဆူယွၤအိၣ်ဝဲဆိးဝဲ အဒဲစီၤဆှံအပူၤဒီးဟံးဃာ်ကျၢၤတၢ်လုၢ်လီၢ်အသနၢၣ်တဖၣ်န့ၣ် လီၤ.

စံးထီၣ်ပတြၢၤ 118:27

ယွၤမ့ၢ်ကစၢ်ယွၤလီၤ. အဝဲမ့ၢ်တၢ်ဂ့ၤလၢပဂီၢ်လီၤ. စးထီၣ်တၢ်သးခုအဘူၣ်လၢသုစုပူၤ, ဒီးလဲၤတရံးတၢ်လုၢ်လီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 27:1

ဘှီထီၣ်တၢ်လုၢ်လီၢ်တခါလၢသ့ၣ်ဖှ့ၡံးတၤတက့ၢ်. ကဘၣ်မ့ၢ်အကပၤလွံၢ်ခီဃူလိာ်အသး, အလဲၢ်ယဲၢ်ပျၢ်, အထီအိၣ်ယဲၢ်ပျၢ်, ဒီးအကစီၤထီၣ်ကဘၣ်အိၣ်သၢပျၢ်လီၤ.

လံာ်တၢ်ဟးထီၣ်ကွံာ် 27:2

မၤထီၣ်တၢ်အနၢၤတဖၣ်လၢအသနၢၣ်လွံၢ်နၢၣ်အဖီခိၣ်တက့ၢ်. ဒီးကဘၣ်မ့ၢ်သ့ၣ်တကျီၣ်ဃီဒီးတၢ်လုၢ်လီၢ်, ဒီးတၢ်လုၢ်လီၢ်ဒီခါညါန့ၣ်ကဘၣ်တၢ်ကးဘၢအီၤလၢတိၢ်ဘီန့ၣ်လီၤ.

လံာ်ယၡါယၤ 29:7

အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

လံာ်ယဃ့းစက့လး 43:20

နကဘၣ်ဟံးန့ၢ်အသွံၣ်တနီၤဒီးပာ်ထီၣ်အီၤလၢတၢ်လုၢ်လီၢ်အနၢၣ် တဖၣ်အလိၤလၢအအိၣ်လၢတၢ်လုၢ်လီၢ်အခိၣ်ဒီအသနၢၣ်တဖၣ် န့ၣ်ဒီးလၢတၢ်လုၢ်လီၢ်အခၢၣ်သးတပတီၢ်အနၢၣ်တဖၣ်အလိၤ, ဒီးလၢကယဲၢ်အကနူၤခဲလၢာ်အလိၤန့ၣ်လီၤ. လၢကျဲဒ်သိးအံၤန့ၣ်, နကမၤကဆှီထီၣ်တၢ်လုၢ်လီၢ်ဒီးပာ်စီဆှံထီၣ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:9

ဒီးစီၤအၤဟရိၣ်အဖိခွါတဖၣ်ဟဲစိာ်န့ၢ်အီၤလၢတၢ်သွံၣ် ဒီးအဝဲဘျၢလီၤအစုမုၢ်ဆူတၢ်သွံၣ်, ဒီးပာ်ထီၣ်အီၤလၢတၢ်လုၢ်လီၢ် အနၢၤတဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်လူလီၤဝဲ လၢတၢ်လုၢ်လီၢ်အခီၣ်ထံးန့ၣ်လီၤ.