လံာ်ယဃ့းစက့လး 43:13 - Sgaw Karen Common Bible

¹³ အအံၤမ့ၢ်တၢ်လုၢ်လီၢ်အတၢ်ထိၣ်တၢ်တဲာ်တဖၣ်လီၤ. တၢ်သူနီၣ်ထိၣ် တမံၤဃီဒ်သိးဒၣ်တၢ်ထိၣ်ယွၤအတၢ်လုၢ်ဟံၣ်အသိးန့ၣ်လီၤ. ဝးတရံးတၢ်လုၢ်လီၢ်အခီၣ်ထံးန့ၣ်ထံယွၤလီၤအကျိၤအိၣ်ဝဲတကျိၤ လၢအယိာ်အိၣ်ဝဲတပျၢ်ဒီးအလဲၢ်အိၣ်ဝဲတပျၢ်အိၣ်ဒီးအကနူၤလၢ တၢ်ချၢတကပၤလၢအကစီၤထီၣ်ထီဝဲတထါန့ၣ်လီၤ.

လံာ်ယဃ့းစက့လး 43:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်တၢ်ဟးထီၣ်ကွံာ် 25:25

စီၢ်နီၤခိၣ်အဖီခိၣ်အံၤကဘၣ်အိၣ်ဒီးအခိၣ်ဒူတခါလၢအလဲၢ်ဝဲ သၢစုမုၢ်ဒိၣ်ဒီးအခိၣ်ဒူအံၤအထိးနါဝးတရံးန့ၣ်ကျီၤအီၤလၢထူတက့ၢ်.

လံာ်ယဃ့းစက့လး 40:5

တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်ယဃ့းစက့လး 41:8

ယထံၣ်ဘၣ်လၢဝးတရံးယွၤအတၢ်လုၢ်ဟံၣ်န့ၣ်တၢ်အပတီၢ် တခါလၢအကစီၤထီၣ်ထီဝဲဃုပျၢ်လၢအလဲၤတဆီဘၣ်တဆီ, ဒီးအခီၣ်ထံးအလီၢ်အိၣ်ဝဲတုၤလိာ်အသးဒီးဒၢးဖိတဖၣ်လၢ အအိၣ်ဖဲတၢ်လုၢ်ဟံၣ်အဒူၣ်တဖၣ်အကပၤအသနၢၣ်ခီၣ်ထံးန့ၣ်လီၤ.