လံာ်ယဃ့းစက့လး 43:12 - Sgaw Karen Common Bible

¹² တၢ်အံၤမ့ၢ် တၢ်လုၢ်ဟံၣ်အတၢ်သိၣ်တၢ်သီန့ၣ်လီၤ. ကယဲၢ်တၢ်လီၢ်ကဝီၤလၢ အအိၣ်ဝးတရံးအီၤလၢ ကစၢၢ်ဒီခိၣ်အံၤ, မ့ၢ်တၢ်စီဆှံဒီးဘၣ်တၢ်ပာ်စီဆှံအီၤန့ၣ်လီၤ.

လံာ်ယဃ့းစက့လး 43:12 Iomraidhean Croise

စံးထီၣ်ပတြၢၤ 93:5

ယွၤဧၢ, နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ် ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ် အစိၤစိၤအဃၣ်ဃၣ်န့ၣ်လီၤ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ယဃ့းစက့လး 42:20

လၢတၢ်န့ၣ်အဃိတၢ်ဒူၣ်န့ၣ်အနီၣ်ထိၣ်မ့ၢ်ဝဲအပျၢ်ယဲၢ်ကယၤဝးဝး န့ၣ်လီၤ. တၢ်ဒူၣ်အံၤနီၤဖးကွံာ်တၢ်လီၢ်လၢအစီဆှံဒီးတစီဆှံဘၣ်န့ၣ်လီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.