လံာ်ယဃ့းစက့လး 43:10 - Sgaw Karen Common Bible

¹⁰ ဒီးယွၤစံးကဒီးဝဲဆူညါ, ပှၤကညီလၢအသံသ့ဧၢ, တဲဘၣ်ကီၢ်အံၣ်စရ့ လးအပှၤဂီၢ်မုၢ်ဘၣ်ဃးဒီးယွၤအတၢ်လုၢ်ဟံၣ်အဂ့ၢ်ဒီးပျဲအဝဲသ့ၣ်မၤလိ အတၢ်လုၢ်ဟံၣ်အက့ၢ်အဂီၤအဒိလၢတၢ်ပာ်လီၤပာ်စၢၤအီၤတက့ၢ်. ဒုးမဲာ်ဆှးကွံာ်အဝဲသ့ၣ်လၢတၢ်ဒဲးဘးတဖၣ်လၢအဝဲသ့ၣ်မၤဝဲ အဃိန့ၣ်တက့ၢ်.

လံာ်ယဃ့းစက့လး 43:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:11

စီၤဒၤဝံးဟ့ၣ်ဃီၤစီၤၡလိၤမိၤလၢကယဲၢ်တၢ်တိာ်ကျဲၤတဖၣ်လၢ တၢ်သူၣ်ထီၣ်ယွၤအတၢ်လုၢ်ဟံၣ်ဒီးအဂၢၤတဖၣ်အဂီၢ်, လၢတၢ်ပာ်ဖှိၣ်အဒၢးတဖၣ်ဒီးကယဲၢ်ဒၢးအဂၤခဲလၢာ်အဂီၢ်ဒီးလၢ တၢ်အလီၢ်စီဆှံကတၢၢ်, ဖဲတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤအလီၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်ယဃ့းစက့လး 16:61

နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ယဃ့းစက့လး 43:11

ဒီးတုၤအဝဲသ့ၣ်အမဲာ်ဆှးလၢတၢ်လၢအမၤတ့ၢ်ဝဲတဖၣ်အဃိဝံၤန့ၣ်, ဒုးတၢ်နၢ်ပၢၢ်အဝဲသ့ၣ်ယွၤအတၢ်လုၢ်ဟံၣ်အက့ၢ်အဂီၤအဒိလၢ တၢ်ပာ်လီၤပာ်စၢၤအီၤလၢအမ့ၢ်, အက့ၢ်အဂီၤအတကွီၣ်, နုာ်က့ၤ ဟးထီၣ်အကျဲစၢၤကျိၤထံးတဖၣ်, တၢ်ဘှီထီၣ်အီၤအက့ၢ်အဂီၤ, တၢ်လၢအဘၣ်တၢ်ရဲၣ်လီၤကျဲၤလီၤအီၤကိးမံၤဒဲးဒီးအတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢတၢ်ကဘၣ်မၤထွဲအီၤန့ၣ်တက့ၢ်. ကွဲးလီၤတၢ်သ့ၣ်တဖၣ်အံၤခဲလၢာ်လၢအဝဲသ့ၣ်အဂီၢ် ဒ်သိးအဝဲသ့ၣ်ထံၣ်ဝဲကသ့လၢတၢ်ကိးမံၤဒဲးအံၤ ဘၣ်တၢ်ရဲၣ်ကျဲၤအီၤဒ်လဲၣ်ဒီးမၤပိာ်ထွဲတၢ်သိၣ်တၢ်ဘျၢခဲလၢာ် ကသ့ဝဲအဂီၢ်န့ၣ်တက့ၢ်.

လံာ်ယဃ့းစက့လး 44:5

ဒီးယွၤစံးဘၣ်ယၤ, “ပှၤကညီလၢအသံသ့ဧၢ, ပာ်သူၣ်ပာ်သးလၢ ကယဲၢ်တၢ်ခဲလၢာ်လၢနထံၣ်ဘၣ်ဒီးနနၢ်ဟူဘၣ်န့ၣ်တက့ၢ်. ယကတဲ ဘၣ်နၤတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢကဘၣ် တၢ်မၤထွဲအီၤလၢယွၤအတၢ်လုၢ်ဟံၣ်အဂီၢ်, မတၤတဖၣ်ဘၣ်တၢ်ပျဲအီၤလၢကနုာ်က့ၤဟးထီၣ်လၢယွၤ အတၢ်လုၢ်ဟံၣ်အပူၤ, ဒီးမတၤကဖၣ်ကဘၣ်တၢ်ပျဲအီၤလဲၣ်န့ၣ်တိၢ် နီၣ်လီၤတံၢ်ဆဲးတက့ၢ်.

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

လံာ်စီၤယိၤၡူ 22:28

မ့ၢ်ပတၢ်ဆိကမိၣ်လၢ, တၢ်ဒ်သိးအံၤမ့ၢ်မၤအသးဒီး, ပစၢၤပသွဲၣ်တဖၣ်ကသ့စံးဝဲ, “ကွၢ်တက့ၢ်. ပမိၢ်ပၢ်ဖံဖုလၢပျၢၤတဖၣ်မၤထီၣ်တၢ်လုၢ်လီၢ်ဒ်ယွၤအတၢ်လုၢ်လီၢ်အသိးန့ၣ်လီၤ. တမ့ၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, တၢ်လုၢ်တၢ်ပာ် အဂီၢ်မ့ၢ်ဂ့ၤန့ၣ်ဘၣ်. မ့ၢ်တၢ်အုၣ်အသးလၢသုဝဲဒီးပဝဲအဘၢၣ် စၢၤန့ၣ်လီၤ.”