လံာ်ယဃ့းစက့လး 42:5 - Sgaw Karen Common Bible

⁵ ဒၢးတဖၣ်လၢတၢ်သူၣ်ထီၣ်အဖီခိၣ်တဆီန့ၣ်အံၣ်န့ၢ်ဒံးဒၢးတဖၣ်လၢ အအိၣ်လၢအခၢၣ်သးဒီးအဖီလာ်ကတၢၢ်အဆီတဖၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်ဘၣ်တၢ်သုးယံၤက့ၤအီၤဆူတၢ်လီၢ်ခံ အဃိန့ၣ်လီၤ.

လံာ်ယဃ့းစက့လး 42:5 Iomraidhean Croise

လံာ်ယဃ့းစက့လး 41:15

အဝဲထိၣ်တၢ်သူၣ်ထီၣ်အထီဆူမုၢ်နုာ်တကပၤဃုာ်ဒီးအတၢ်ဟးထီၣ် က့ၤလီၤအကျိၤလၢအအိၣ်ဖဲအကပၤခံကပၤလၢာ်, ဒီးအတၢ်ထိၣ် န့ၣ်အိၣ်စ့ၢ်ကီးဝဲအပျၢ်တကယၤန့ၣ်လီၤ.

လံာ်ယဃ့းစက့လး 41:7

လၢတၢ်န့ၣ်အဃိတုၤတၢ်ကွၢ်ဃီၤယွၤအတၢ်လုၢ်ဟံၣ်အတၢ်ဒူၣ် တဖၣ်လၢတၢ်ချၢတကပၤန့ၣ်, အိၣ်ဖျါလၢအဒီၣ်ဃီၤမ့ၢ်တၢ် တမံၤဃီ, စးထီၣ်လၢအခီၣ်ထံးတုၤလၢအခိၣ်ထိးန့ၣ်လီၤ. ဒ်သိးတၢ်လဲၤထီၣ်လၢတၢ်ဖီလာ်ကတၢၢ်တကထၢဆူတၢ်ခၢၣ်သး ဒီးတၢ်ဖီခိၣ်ကတၢၢ်တကထၢကသ့ဝဲအဂီၢ်, လၢဒၢးဖိတဖၣ် အတၢ်ဒူၣ်အချၢဒီးအတၢ်လုၢ်ဟံၣ်အတၢ်ဒူၣ်လၢတၢ်ချၢ အဘၢၣ်စၢၤန့ၣ်, ဃီလၢအလဲၤထီၣ်အိၣ်ဝဲခံပတီၢ်န့ၣ်လီၤ.

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

လံာ်ယဃ့းစက့လး 42:6

ဒၢးတဖၣ်လၢအအိၣ်လၢတၢ်လီၢ်သၢဆီလိာ်န့ၣ်, အိၣ်လၢတၢ် အပတီၢ်တဖၣ်အလိၤဒီးတဘၣ်တၢ်ပၢၤဃးအီၤလၢထူၣ်တဖၣ် ဒ်တၢ်သူၣ်ထီၣ်အဂၤတဖၣ်အအိၣ်လၢတၢ်လုၢ်ဟံၣ်အဂၢၤအပူၤ န့ၣ်ဘၣ်.