လံာ်ယဃ့းစက့လး 42:20 - Sgaw Karen Common Bible

²⁰ လၢတၢ်န့ၣ်အဃိတၢ်ဒူၣ်န့ၣ်အနီၣ်ထိၣ်မ့ၢ်ဝဲအပျၢ်ယဲၢ်ကယၤဝးဝး န့ၣ်လီၤ. တၢ်ဒူၣ်အံၤနီၤဖးကွံာ်တၢ်လီၢ်လၢအစီဆှံဒီးတစီဆှံဘၣ်န့ၣ်လီၤ.

လံာ်ယဃ့းစက့လး 42:20 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 2:9

ပှၤလၢယအဲၣ်အီၤတဂၤလီၤဂာ်ဒ်တၤဟိစဘံတဒု, လီၤဂာ်ဒ်တၤဃီၤဖါသးစၢ်တဒုအသိးန့ၣ်လီၤ. အဝဲဆၢထၢၣ်ဝဲလၢတၢ်ဒူၣ်အကပၤ, ကွၢ်နုာ်တၢ်ခီဖျိပဲတြီဖိတဖၣ်, ဒီးကွၢ်တကျ့တၢ်ခီဖျိပဲတြီကဘျံးဖိတဖၣ်န့ၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 40:5

တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်ယဃ့းစက့လး 42:19

အဝဲထိၣ်ဝဲမုၢ်နုာ်တကပၤလၢနီၣ်ထိၣ်ဘိန့ၣ်, ဒီးအိၣ်ဝဲအပျၢ်ယဲၢ်ကယၤန့ၣ်လီၤ.

လံာ်ယဃ့းစက့လး 43:12

တၢ်အံၤမ့ၢ် တၢ်လုၢ်ဟံၣ်အတၢ်သိၣ်တၢ်သီန့ၣ်လီၤ. ကယဲၢ်တၢ်လီၢ်ကဝီၤလၢ အအိၣ်ဝးတရံးအီၤလၢ ကစၢၢ်ဒီခိၣ်အံၤ, မ့ၢ်တၢ်စီဆှံဒီးဘၣ်တၢ်ပာ်စီဆှံအီၤန့ၣ်လီၤ.

လံာ်ယဃ့းစက့လး 44:23

ပှၤလုၢ်တၢ်အခိၣ်တဖၣ်ကဘၣ်သိၣ်လိယပှၤဂီၢ်မုၢ်လၢတၢ်လီၤဆီ လၢတၢ်စီဆှံဒီးတၢ်လၢအတစီဆှံဘၣ်အဘၢၣ်စၢၤဒီးတၢ်လၢ အကဆှီဒ်တၢ်ဘူၣ်တၢ်ဘါအလုၢ်အလၢ်အသိးဒီးတၢ်လၢ တကဆှီဘၣ်အဘၢၣ်စၢၤန့ၣ်လီၤ.

လံာ်ယဃ့းစက့လး 45:2

လၢတၢ်လီၢ်အံၤအပူၤန့ၣ်တၢ်လီၢ်လၢအထီဒီးအဒီၣ်ဃီၤဒ်သိးလိာ် အသးကဘၣ်အိၣ်ဝဲတတီၤလၢယွၤအတၢ်လုၢ်ဟံၣ်အဂီၢ် လၢအတၢ်ထိၣ်မ့ၢ်တကပၤအပျၢ်ယဲၢ်ကယၤစုာ်စုာ်, ဒီးဘၣ်တၢ်အိၣ်ကဝီၤဃာ်အီၤလၢတၢ်လီၢ်လီၤပျီလၢ အလဲၢ်ဝဲဒၣ်တကပၤအပျၢ်ယဲၢ်ဆံစုာ်စုာ်န့ၣ်လီၤ.

လံာ်ယဃ့းစက့လး 48:15

တၢ်လီၢ်လီၤဆီလၢအအိၣ်တ့ၢ်ဒံးတကဝီၤလၢထီမ့ၢ်ဝဲအပျၢ်ခံ ကလးယဲၢ်ကထိဒီးအဒီၣ်ဃီၤမ့ၢ်ဝဲအပျၢ်ယဲၢ်ကထိန့ၣ် တမ့ၢ်ဘၣ်တၢ်စီဆှံဘၣ်. မ့မ့ၢ်မ့ၢ်လၢပှၤဂီၢ်မုၢ်ကသူအီၤထီ ရီၤအဂီၢ်န့ၣ်လီၤ. အဝဲသ့ၣ်ကအိၣ်ဆိးဖဲန့ၣ်ဒီးကသူဝဲတၢ်လီၢ် န့ၣ်လီၤ. ဝ့ၢ်ကဘၣ်အိၣ်လၢတၢ်လီၢ်န့ၣ်အခၢၣ်သး,

လံာ်ယဃ့းစက့လး 48:20

ဒီးလၢတၢ်န့ၣ်အဃိလီၢ်ကဝီၤလၢအအိၣ်လၢတၢ်လီၢ်တတီၤန့ၣ် အခၢၣ်သးလၢအဘၣ်တၢ်ပာ်လီၤဆီအီၤကဘၣ်မ့ၢ်တၢ်လီၢ်တတီၤ လၢအကပၤလွံၢ်ကပၤလိာ်အတၢ်ထိၣ်မ့ၢ်တၢ်ဒ်သိးသိး, လၢတကပၤစုာ်စုာ်ကဘၣ်မ့ၢ်ဝဲအပျၢ်ခံကထိယဲၢ်ကယၤန့ၣ်လီၤ. ဝ့ၢ်အတၢ်လီၢ်ကဝီၤကအိၣ်ဖဲတၢ်လီၢ်အံၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:10

ဒီးသုကဘၣ်နီၤဖးတၢ်စီဆှံဒီးတၢ်တစီဆှံတဖၣ်, ဒီးတၢ်ကဆှီဒီးတၢ်တကဆှီတဖၣ်အဆၢဒ်တၢ်ဘူၣ် တၢ်ဘါအလုၢ်အလၢ်အိၣ်ဝဲအသိးစ့ၢ်ကီးန့ၣ်လီၤ.

လံာ်မံကၤ 7:11

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, အကတီၢ်ကတုၤဝဲလၢတၢ်ကဘှီထီၣ် ကဒါက့ၤသုဝ့ၢ်ခိၣ်ဒူတဖၣ်လီၤ. ဖဲန့ၣ်အကတီၢ်သုထံဆၢကီၢ်ဆၢတဖၣ်ကဘၣ်တၢ်မၤလဲၢ်ထီၣ်အီၤလီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်လူၤကၣ် 16:26

လၢန့ၣ်အမဲာ်ညါ, တၢ်ပူၤဖးယိာ်အိၣ်ဝဲဒၣ်လၢပဘၢၣ်စၢၤတပူၤ, သတးဒီးပှၤအိၣ်ဖဲအံၤတဖၣ်မ့ၢ်အဲၣ်ဒိးလဲၤခီဂာ်ဆူသုအိၣ် န့ၣ်လဲၤဝဲတသ့ဘၣ်. ဒီးပှၤအိၣ်လၢသုအိၣ်ဖဲန့ၣ်တဖၣ်ဟဲခီဃီၤဆူပအိၣ် တသ့စ့ၢ်ကီးဘၣ်န့ၣ်လီၤ.’

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.