လံာ်ယဃ့းစက့လး 41:6 - Sgaw Karen Common Bible

⁶ ဒၢးတဖၣ်အံၤအိၣ်ဝဲဒၣ်သၢကထၢ, အိၣ်ဒီးဒၢးအဖျၢၣ်သၢဆံ လၢတကထၢစုာ်စုာ်န့ၣ်လီၤ. ယွၤအတၢ်လုၢ်အတၢ်ဒူၣ်လၢ တၢ်ချၢတကပၤန့ၣ်ဘူလီၤဝဲတကထၢဘၣ်တကထၢဒ်သိး ဒၢးတဖၣ်န့ၣ်အိၣ်ဂၢၢ်ဝဲလၢတၢ်အဒူၣ်အလိၤကသ့ဝဲ, ဒီးအလီၢ်တအိၣ်ဘၣ်လၢတၢ်ကမၤကျၢၤလီၤဆီအီၤဘၣ်န့ၣ်လီၤ.

လံာ်ယဃ့းစက့လး 41:6 Iomraidhean Croise

လံာ်စီၤပၤအခီၣ်ထံးတဘ့ၣ် 6:10

တၢ်သူၣ်ထီၣ်ဖိသၢဆီ, လၢတဆီစုာ်စုာ်ကစီၤထီၣ်ဝဲယဲၢ်ပျၢ်န့ၣ် ဘၣ်တၢ်ဘှီထီၣ်အီၤလၢယွၤအတၢ်လုၢ်ဟံၣ်အဒူၣ်အချၢတခီ ဒီးဘၣ်တၢ်ဒုးစဲဘူးအဝဲသ့ၣ်လၢသ့ၣ်ဆှိအ့ရ့းအကျိၤတဖၣ်န့ၣ်လီၤ.

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 41:5

ပှၤတဂၤန့ၣ်ထိၣ်ဝဲတၢ်လုၢ်ဟံၣ်အတၢ်သူၣ်ထီၣ်အတၢ်အိပူၤ အဒူၣ်အဒီၣ်ဃီၤဒီးအိၣ်ဝဲဃုပျၢ်န့ၣ်လီၤ. စဲဘူးဒီးတၢ်ဒူၣ်အံၤဝးတရံး ယွၤအတၢ်လုၢ်ဟံၣ်န့ၣ်အိၣ်ဒီးဒၢးဆံးဖိတဖၣ်လၢအလဲၢ်ဝဲ တဖျၢၣ်လွံၢ်ပျၢ်စုာ်စုာ်န့ၣ်လီၤ.

လံာ်ယဃ့းစက့လး 42:6

ဒၢးတဖၣ်လၢအအိၣ်လၢတၢ်လီၢ်သၢဆီလိာ်န့ၣ်, အိၣ်လၢတၢ် အပတီၢ်တဖၣ်အလိၤဒီးတဘၣ်တၢ်ပၢၤဃးအီၤလၢထူၣ်တဖၣ် ဒ်တၢ်သူၣ်ထီၣ်အဂၤတဖၣ်အအိၣ်လၢတၢ်လုၢ်ဟံၣ်အဂၢၤအပူၤ န့ၣ်ဘၣ်.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.