လံာ်ယဃ့းစက့လး 41:4 - Sgaw Karen Common Bible

⁴ အဝဲထိၣ်ကွၢ်ဒၢးန့ၣ်, ဒီးလဲၢ်ဝဲအပျၢ်ခံဆံဝးတရံးန့ၣ်လီၤ. ဒၢးအံၤအိၣ်လၢတၢ်ခၢၣ်သးအဘးခီန့ၣ်လီၤ. အန့ၣ်ဝံၤဒီး အဝဲစံးဘၣ်ယၤ, “အဝဲအံၤမ့ၢ်တၢ်လီၢ်စီဆှံကတၢၢ်” န့ၣ်လီၤ.

လံာ်ယဃ့းစက့လး 41:4 Iomraidhean Croise

လံာ်စီၤပၤအခီၣ်ထံးတဘ့ၣ် 6:16

ဒၢးလၢတၢ်အသးကံၢ်ပူၤကတၢၢ်လၢအဘၣ်တၢ်ကိးအီၤလၢတၢ်စီဆှံ ကတၢၢ်န့ၣ်ဘၣ်တၢ်ဘှီအီၤဖဲယွၤအတၢ်လုၢ်ဟံၣ်အလီၢ်ခံန့ၣ်လီၤ. အထီအိၣ်ဝဲအပျၢ်ခံဆံဒီးဘၣ်တၢ်ဒူၣ်တဲာ်အီၤလၢသ့ၣ်ဆှိအ့ ရ့းအသ့ၣ်ဘၣ်တဖၣ်စးထီၣ်လၢတၢ်ဒါအလီၢ်ဒီးတုၤလၢအခိၣ်ဒုးလာ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:20

ဒၢးလၢတၢ်သးကံၢ်ပူၤအံၤအထီမ့ၢ်ဝဲအပျၢ်ခံဆံ, အဒီၣ်ဃီၤမ့ၢ်ဝဲအပျၢ်ခံဆံဒီးအကစီၤထီၣ်မ့ၢ်ဝဲအပျၢ်ခံဆံ, ခဲလၢာ်ဘၣ်တၢ်ကျးဘၢအီၤလၢထူစီန့ၣ်လီၤ. တၢ်လုၢ်လီၢ်န့ၣ်ဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:5

ဝးတရံးတၢ်လုၢ်ဟံၣ်အဒၢးဖးဒိၣ်တဖၣ်န့ၣ်, တၢ်သူၣ်ထီၣ်ဖိလၢ အအိၣ်သၢဆီတဖၣ်ဘၣ်တၢ်သူၣ်ထီၣ်အီၤအိၣ်စဲဘူးလိာ်အသး, ဒီးတဆီစုာ်စုာ်န့ၣ်ကစီၤထီၣ်ဝဲယဲၢ်ပျၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:8

ဒၢးလၢတၢ်သးကံၢ်ပူၤကတၢၢ်လၢအဘၣ်တၢ်ကိးအီၤလၢတၢ်လီၢ်စီဆှံ ကတၢၢ်န့ၣ်အထီမ့ၢ်အပျၢ်ခံဆံ, ဒီးအဒီၣ်ဃီၤမ့ၢ်အပျၢ်ခံဆံဒ်ယွၤအတၢ်လုၢ်ဟံၣ်ဒီတဖျၢၣ်အလဲၢ် အိၣ်ဝဲအသိးန့ၣ်လီၤ. ထူအကံကၢ်ဃုကယၤဘၣ်တၢ်သူအီၤလၢတၢ်ကကျးဘၢ တၢ်အလီၢ်စီဆှံကတၢၢ်အဒူၣ်တဖၣ်အဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 5:7

အန့ၣ်ဝံၤဒီး, ပှၤလုၢ်တၢ်အခိၣ်တဖၣ်စိာ်ထီၣ်ဝဲယွၤအတၢ်အၢၣ်လီၤ အီလီၤအတလါဆူယွၤအတၢ်လုၢ်ဟံၣ်အပူၤဒီးပာ်ဝဲလၢတၢ်လီၢ်စီ ဆှံကတၢၢ်အပူၤဖဲခ့ရူာ်တဖၣ်အခီၣ်ထံးန့ၣ်လီၤ.

လံာ်ယဃ့းစက့လး 41:23

တၢ်လီၢ်စီဆှံဒီးတၢ်အလီၢ်စီဆှံကတၢၢ်ခံခါလိာ်န့ၣ်အိၣ်ဒီး တြဲၤခံဘ့ၣ်လၢတၢ်အိးထီၣ်အီၤသ့ခံကပၤလိာ်န့ၣ်လီၤ.

လံာ်လီၣ်ဖျါ 21:16

ဝ့ၢ်န့ၣ်အိၣ်ဒီးအကပၤလွံၢ်ကပၤလၢအထဲသိးလိာ်အသး လီၤတံၢ်လီၤဆဲး, အထီဒီးအဒီၣ်ဃီၤတုၤသိးလိာ်အသး လီၤ. ကလူးထိၣ်ဝ့ၢ်န့ၣ်လၢအနီၣ်ထိၣ်လီၤ. အထီအိၣ်ဝဲအမံးလးတကထိယဲၢ်ကယၤဒီးအလဲၢ်ဒီး အကစီၤထီၣ်စ့ၢ်ကီးတုၤသိးသိးအထီန့ၣ်လီၤ.