လံာ်ယဃ့းစက့လး 41:25 - Sgaw Karen Common Bible

²⁵ သ့ၣ်စူၣ်ပလူၣ်တဖၣ်ဒီးတၢ်ဘၣ်တ့လၢအအိၣ်ဒီးအဒံးဆ့တဖၣ် ဘၣ်တၢ်စိးပျၤဃာ်အီၤလၢတၢ်လီၢ်စီဆှံအတြဲၤတဖၣ်အလိၤ, ဒ်သိးဒၣ်အအိၣ်ဝဲလၢတၢ်ဒူၣ်တဖၣ်အလိၤအသိးန့ၣ်လီၤ. ကျဲစၢၤကျိၤလၢအအိၣ်လၢကျဲစၢၤကျိၤထံးဒၢးအချၢန့ၣ်, အိၣ်ဒီးတၢ်အခိၣ်ဒုးတခါလၢအဘၣ်တၢ်မၤအီၤလၢသ့ၣ်န့ၣ်လီၤ.

လံာ်ယဃ့းစက့လး 41:25 Iomraidhean Croise

လံာ်စီၤပၤအခီၣ်ထံးတဘ့ၣ် 7:6

နီအဘျီၣ်ဖးဒိၣ်လၢအထီအိၣ်ဝဲအပျၢ်ယဲၢ်ဆံဒီးအဒီၣ်ဃီၤအိၣ်ဝဲအပျၢ်သၢဆံဘၣ်တၢ်ဘှီထီၣ်အီၤ, အိၣ်ဒူၣ်ဃးအသးဒီးထူၣ်တဖၣ်လၢအအိၣ်ဒီးအခိၣ်ဒုးန့ၣ်လီၤ. ဒီးလၢဘျီၣ်ဖးဒိၣ်အမဲာ်ညါန့ၣ်တၢ်ခိၣ်ဒုးထီၣ်အသးအိၣ်ဝဲ တဖျၢၣ်လီၤ.

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 41:16

ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယဃ့းစက့လး 41:18

သ့ၣ်စူၣ်ပလိၣ်တဖၣ်ဒီးတၢ်ဘၣ်တ့တဖၣ်လၢအအိၣ်ဒီးအဒံးဆ့တဖၣ် န့ၣ်လီၤ. ဝးတရံးဒၢးဒီတဖျၢၣ်ညါန့ၣ်သ့ၣ်စူၣ်ပလူၣ်တဖၣ်ဒီးတၢ်ဘၣ်တ့ တဖၣ်လၢအအိၣ်ဒီးအဒံးဆ့တဖၣ်အတၢ်ဂီၤစိးပျၤအသးန့ၣ်အိၣ် ရဲၣ်လီၤအသးတခါဝံၤတခါပိာ်လိာ်အခံန့ၣ်လီၤ. တၢ်ဘၣ်တ့တခါ စုာ်စုာ်န့ၣ်အိၣ်ဒီးအမဲာ်သၣ်ခံဘ့ၣ်န့ၣ်လီၤ.