လံာ်ယဃ့းစက့လး 41:18 - Sgaw Karen Common Bible

¹⁸ သ့ၣ်စူၣ်ပလိၣ်တဖၣ်ဒီးတၢ်ဘၣ်တ့တဖၣ်လၢအအိၣ်ဒီးအဒံးဆ့တဖၣ် န့ၣ်လီၤ. ဝးတရံးဒၢးဒီတဖျၢၣ်ညါန့ၣ်သ့ၣ်စူၣ်ပလူၣ်တဖၣ်ဒီးတၢ်ဘၣ်တ့ တဖၣ်လၢအအိၣ်ဒီးအဒံးဆ့တဖၣ်အတၢ်ဂီၤစိးပျၤအသးန့ၣ်အိၣ် ရဲၣ်လီၤအသးတခါဝံၤတခါပိာ်လိာ်အခံန့ၣ်လီၤ. တၢ်ဘၣ်တ့တခါ စုာ်စုာ်န့ၣ်အိၣ်ဒီးအမဲာ်သၣ်ခံဘ့ၣ်န့ၣ်လီၤ.

လံာ်ယဃ့းစက့လး 41:18 Iomraidhean Croise

လံာ်စီၤပၤအခီၣ်ထံးတဘ့ၣ် 6:35

ဒီးဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ် အဂီၤလၢတၢ်စိးပျၤအီၤဒီးဘၣ်တၢ်ကးဘၢအီၤလၢထူဖိးလိာ်ဖိး ဒ့န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:29

လၢအသ့ၣ်တဖၣ်ဘၣ်အလိၤန့ၣ်, အိၣ်ဝဲဒီးခ့ယုၢ်တဖၣ်, ဂီၤဖံးဖါတဖၣ်ဒီးခ့ရူာ်တဖၣ်အတၢ်ဂီၤ, ဒီးအတကွီၣ်အဖီခိၣ်ဒီးအဖီလာ်န့ၣ်အိၣ်ဝဲဒီးဖီကွီၤအတၢ် ဂီၤတဖၣ်လၢတၢ်စိးပျၤ, သဝံးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:36

ပၢၢ်တဖၣ်, သ့ၣ်ဘၣ်တဖၣ်ဒီးဖဲတၢ်လီၢ်လီၤဟိတတီၤတီၤဝးတရံး န့ၣ်, ဘၣ်တၢ်ကယၢကယဲအီၤလၢခ့ရူာ်အတၢ်ဂီၤတဖၣ်, ခ့ယုၢ်အတၢ်ဂီၤတဖၣ်ဒီးသ့ၣ်စူၣ်ပလူၣ်အတၢ်ဂီၤတဖၣ်, ဒီးဖီကွီၤအဂီၤအတၢ်စိးပျၤအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:5

သ့ၣ်ဘၣ်တဖၣ်လၢတၢ်ကျးအီၤလၢဒၢးမိၢ်ပှၢ်အခိၣ်ဒုးအဖီလာ်ဒီး တၢ်ဒူၣ်တဖၣ်အလိၤန့ၣ်မ့ၢ်သ့ၣ်ဆှိတဖၣ်လၢတၢ်ပီၤအီၤလၢထူစီ ဒီးဘၣ်တၢ်ဒဲးကံၣ်ဒဲးဝ့ၤအီၤဒီးတၢ်အက့ၢ်အဂီၤတဖၣ်လၢအမ့ၢ် သ့ၣ်စူၣ်ပလူၣ်တဖၣ်အိၣ်စဲဘူးဒ်ထးပျံၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:7

အဝဲသူတ့ၢ်ထူလၢကကျးယွၤအတၢ်လုၢ်ဟံၣ်အဒူၣ်တဖၣ်, အကျိၤတဖၣ်, ကျဲအဟဲနုာ်တဖၣ်ဒီးတြဲၤတဖၣ်အဂီၢ်န့ၣ်လီၤ. လၢတၢ်ဒူၣ်တဖၣ်အလိၤန့ၣ်, ပှၤမၤတၢ်ဖိတဖၣ်စိးပျၤခ့ရူာ်အဂီၤ တဖၣ်န့ၣ်လီၤ.

လံာ်ယဃ့းစက့လး 1:10

တၢ်ဘၣ်တ့အမူတဂၤစုာ်စုာ်အိၣ်ဒီးအမဲာ်သၣ်လၢအလီၤဆီလိာ် အသးလွံၢ်ဘ့ၣ်လီၤ. ပှၤကညီအမဲာ်သၣ်လၢတၢ်မဲာ်ညါတကပၤ, ခ့ယုၢ်အမဲာ်သၣ်လၢစုထွဲတကပၤ, ကျီၢ်ဖါအမဲာ်သၣ်လၢစုစ့ၣ် တကပၤ, ဒီးလံာ်ကြီကြၣ်အမဲာ်သၣ်လၢအလီၢ်ခံတကပၤန့ၣ်လီၤ.

လံာ်ယဃ့းစက့လး 10:14

တၢ်ဘၣ်တ့တဖၣ်စုာ်စုာ်အမဲာ်သၣ်အိၣ်လွံၢ်ဘ့ၣ်လီၤ. အခီၣ်ထံးကတၢၢ်တခါမ့ၢ်ကျီၢ်ဖါအမဲာ်သၣ်, ခံခါတခါမ့ၢ်ခ့ယုၢ် အမဲာ်သၣ်, သၢခါတခါမ့ၢ်ပှၤကညီအမဲာ်သၣ်, ဒီးလွံၢ်ခါတခါမ့ၢ်လံာ်ကြီ ကြာ်အမဲာ်သၣ်န့ၣ်လီၤ.

လံာ်ယဃ့းစက့လး 10:21

အဝဲသ့ၣ်တဂၤစုာ်စုာ်အိၣ်ဒီးအမဲာ်သၣ်လွံၢ်ဘ့ၣ်, အဒံးဆ့လွံၢ်ခီ, ဒီးတၢ်လၢပကွၢ်ဖျါလီၤဂာ်ဒီးပှၤကညီအစုတခီလၢအဒံးဆ့တခီ စုာ်စုာ်အဖီလာ်န့ၣ်လီၤ.

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:22

ကျဲစၢၤထံးအဒၢး, ပဲတြီဖိတဖၣ်, ဒီးသ့ၣ်စူၣ်ပလိၣ်လၢအဘၣ် တၢ်ဒိးပျၤအီၤတဖၣ်န့ၣ်, မ့ၢ်တၢ်ဒ်သိးလိာ်အသးဒီးတၢ်တဖၣ် လၢအအိၣ်လၢမုၢ်ထီၣ်အတြဲၤဖးဒိၣ်တခီန့ၣ်လီၤ. ဖဲအံၤဃီသွါနွံသွါလဲၤထီၣ်ဝဲဆူတြဲၤဖးဒိၣ်, ဒီးကျဲစၢၤထံးအဒၢးန့ၣ်, အိၣ်ဝဲဖဲဃီသွါအခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤန့ၣ်လီၤ.

လံာ်ယဃ့းစက့လး 41:17

ယွၤအတၢ်လုၢ်ဟံၣ်အတၢ်ဒူၣ်တဖၣ်လၢအအိပူၤတကပၤလၢ အကစီၤထီၣ်ထီန့ၢ်ဒံးတြဲၤတဖၣ်န့ၣ်ဘၣ်တၢ်ကးဘၢအီၤ လၢာ်လၢာ်ဆ့ဆ့လၢတၢ်ဂီၤစိးပျၤအသးတဖၣ်,

လံာ်ယဃ့းစက့လး 41:20

စးထီၣ်လၢတၢ်အဒါတုၤဆူတြဲၤတဖၣ်အဖီခိၣ်န့ၣ်လီၤ.

လံာ်ယဃ့းစက့လး 41:25

သ့ၣ်စူၣ်ပလူၣ်တဖၣ်ဒီးတၢ်ဘၣ်တ့လၢအအိၣ်ဒီးအဒံးဆ့တဖၣ် ဘၣ်တၢ်စိးပျၤဃာ်အီၤလၢတၢ်လီၢ်စီဆှံအတြဲၤတဖၣ်အလိၤ, ဒ်သိးဒၣ်အအိၣ်ဝဲလၢတၢ်ဒူၣ်တဖၣ်အလိၤအသိးန့ၣ်လီၤ. ကျဲစၢၤကျိၤလၢအအိၣ်လၢကျဲစၢၤကျိၤထံးဒၢးအချၢန့ၣ်, အိၣ်ဒီးတၢ်အခိၣ်ဒုးတခါလၢအဘၣ်တၢ်မၤအီၤလၢသ့ၣ်န့ၣ်လီၤ.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.