လံာ်ယဃ့းစက့လး 41:16 - Sgaw Karen Common Bible

¹⁶ ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယဃ့းစက့လး 41:16 Iomraidhean Croise

လံာ်စီၤပၤအခီၣ်ထံးတဘ့ၣ် 6:15

တၢ်ဒူၣ်တဖၣ်အအိပူၤဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ် တဖၣ်စးထီၣ်လၢအဒါတုၤလၢအခိၣ်ဒုးလာ်, ဒီးတၢ်ဒါန့ၣ်ဘၣ်တၢ်ဒါလီၤအီၤလၢသ့ၣ်ဆှိန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:4

ယွၤအတၢ်လုၢ်ဟံၣ်အဒူၣ်တဖၣ်န့ၣ်အိၣ်ဒီးပဲတြီဖိတဖၣ်လၢအလိၤ, လၢအအံၣ်လၢတၢ်ချၢဒိၣ်န့ၢ်ဒံးလၢတၢ်အိပူၤတက့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:5

သ့ၣ်ဘၣ်တဖၣ်လၢတၢ်ကျးအီၤလၢဒၢးမိၢ်ပှၢ်အခိၣ်ဒုးအဖီလာ်ဒီး တၢ်ဒူၣ်တဖၣ်အလိၤန့ၣ်မ့ၢ်သ့ၣ်ဆှိတဖၣ်လၢတၢ်ပီၤအီၤလၢထူစီ ဒီးဘၣ်တၢ်ဒဲးကံၣ်ဒဲးဝ့ၤအီၤဒီးတၢ်အက့ၢ်အဂီၤတဖၣ်လၢအမ့ၢ် သ့ၣ်စူၣ်ပလူၣ်တဖၣ်အိၣ်စဲဘူးဒ်ထးပျံၤအသိးန့ၣ်လီၤ.

လံာ်ယၡါယၤ 6:4

အကလုၢ်တဖၣ်အသီၣ်ဒုးဟူးဝးထီၣ်တၢ်လုၢ်ဟံၣ်အခီၣ်ထံး, ဒီးတၢ်လုၢ်ဟံၣ်အကစၢ်ဒၣ်ဝဲပှဲၤဝဲဒီးမ့ၣ်အူလုၣ်န့ၣ်လီၤ.

လံာ်ယဃ့းစက့လး 10:18

ဝံၤဒီးယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤဟးထီၣ်ဝဲ လၢယွၤအတၢ်လုၢ်ဟံၣ်အကျဲစၢၤဒီးသုးအသးဆူတၢ်လီၢ်တတီၤလၢ အအိၣ်လၢတၢ်ဘၣ်တ့တဖၣ်အဖီခိၣ်န့ၣ်လီၤ.

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:25

ကျဲစၢၤကျိၤထံးအဒၢးတဖၣ်အံၤအိၣ်ဒီးပဲတြီဖိတဖၣ်ဒ်သိးဒၣ် လၢအဂၤတကပၤတဖၣ်အသိးန့ၣ်လီၤ. ကျဲစၢၤကျိၤထံး အတၢ်ထိၣ်ခဲလၢာ်မ့ၢ်ဝဲအထီ, အပျၢ်ယဲၢ်ဆံဒီးအလဲၢ်, ခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:6

အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.

လံာ်ယဃ့းစက့လး 41:15

အဝဲထိၣ်တၢ်သူၣ်ထီၣ်အထီဆူမုၢ်နုာ်တကပၤဃုာ်ဒီးအတၢ်ဟးထီၣ် က့ၤလီၤအကျိၤလၢအအိၣ်ဖဲအကပၤခံကပၤလၢာ်, ဒီးအတၢ်ထိၣ် န့ၣ်အိၣ်စ့ၢ်ကီးဝဲအပျၢ်တကယၤန့ၣ်လီၤ.

လံာ်ယဃ့းစက့လး 41:17

ယွၤအတၢ်လုၢ်ဟံၣ်အတၢ်ဒူၣ်တဖၣ်လၢအအိပူၤတကပၤလၢ အကစီၤထီၣ်ထီန့ၢ်ဒံးတြဲၤတဖၣ်န့ၣ်ဘၣ်တၢ်ကးဘၢအီၤ လၢာ်လၢာ်ဆ့ဆ့လၢတၢ်ဂီၤစိးပျၤအသးတဖၣ်,

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

လံာ်ဃးကဲ 1:4

“ယပှၤဂီၢ်မုၢ်သ့ၣ်ဧၢ, ဘၣ်မနုၤသုအိၣ်ဆိးလၢဟံၣ်တဖၣ်လၢတၢ်ဘှီအီၤဂ့ၤဂ့ၤအပူၤ, ဖဲယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤအခါန့ၣ်လဲၣ်.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.