လံာ်ယဃ့းစက့လး 41:1 - Sgaw Karen Common Bible

¹ တၢ်န့ၣ်ဝံၤအလီၢ်ခံ, ပှၤတဂၤန့ၣ်ဆှၢယၤဆူဒၢးလၢတၢ်ခၢၣ်သး ကတၢၢ်, လၢအမ့ၢ်တၢ်လီၢ်စီဆှံန့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူတၢ်လီၢ်အံၤန့ၣ်လီၤ. အကစီၤထီၣ်ထီဝဲဃုပျၢ်,

လံာ်ယဃ့းစက့လး 41:1 Iomraidhean Croise

လံာ်စီၤပၤအခီၣ်ထံးတဘ့ၣ် 6:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးအလီၢ်ခံ, အနံၣ်လွံၢ်ကယၤဃိးဆံ, ဖဲစီၤၡလိၤမိၤကဲစီၤပၤလၢကီၢ်အံၣ်စရ့လးလွံၢ်နံၣ်တနံၣ်လၢလါခံလါတလါ, လါစံာ်အပူၤန့ၣ်စီၤၡလိၤမိၤစးထီၣ်တၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:2

အတၢ်ထိၣ်လၢအအိပူၤမ့ၢ်ဝဲအထီအိၣ်ဝဲအပျၢ်ဃုဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ်အိၣ်ဝဲအပျၢ်သၢဆံ န့ၣ်လီၤ.

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 40:9

ဒၢးအံၤဒုးကဲထီၣ်ကျဲစၢၤထံးလၢအဘူးကတၢၢ်ဒီးယွၤ အတၢ်လုၢ်ဟံၣ်အကတၢၢ်ဒီးလၢဒၢးအံၤအဂၤတကပၤအကတၢၢ် န့ၣ်အိၣ်ဒီးတၢ်ဒူၣ်တဖၣ်လၢအဒီၣ်ဃီၤအိၣ်ဝဲဒၣ်ခံပျၢ်န့ၣ်လီၤ.

လံာ်ယဃ့းစက့လး 41:21

တၢ်လီၢ်စီဆှံအတြဲၤအထူၣ်တဖၣ်န့ၣ်အိၣ်ဒီးအနၢၣ်လွံၢ်နၢၣ်လၢ အတၢ်ထိၣ်အိၣ်ဃူလိာ်အသးန့ၣ်လီၤ.

လံာ်ယဃ့းစက့လး 41:23

တၢ်လီၢ်စီဆှံဒီးတၢ်အလီၢ်စီဆှံကတၢၢ်ခံခါလိာ်န့ၣ်အိၣ်ဒီး တြဲၤခံဘ့ၣ်လၢတၢ်အိးထီၣ်အီၤသ့ခံကပၤလိာ်န့ၣ်လီၤ.

လံာ်ယဃ့းစက့လး 41:3

အန့ၣ်ဝံၤဒီးအဝဲလဲၤနုာ်ဆူဒၢးလၢအအိၣ်လၢတၢ်သးကံၢ်ပူၤ ကတၢၢ်န့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူဒၢးန့ၣ်အပူၤလီၤ. အကစီၤထီၣ်ထီဝဲခံပျၢ်ဒီး အလဲၢ်အိၣ်ဝဲဃုပျၢ်, အိၣ်ဒီးတၢ်ဒူၣ်တဖၣ်လၢအကပၤတခီ စုာ်စုာ်လၢအဒီၣ်ဃီၤအိၣ်ဝဲနွံပျၢ်န့ၣ်လီၤ.

လံာ်ယဃ့းစက့လး 42:1

အန့ၣ်ဝံၤဒီးပှၤတဂၤန့ၣ်ဆှၢနုာ်ယၤဆူတၢ်လုၢ်ဟံၣ်အဂၢၤလၢ တၢ်ချၢတကပၤဒီးဆှၢယၤဆူတၢ်သူၣ်ထီၣ်တဖျၢၣ်လၢအအိၣ်လၢ ယွၤအတၢ်လုၢ်ဟံၣ်အကလံၤစိးတကပၤ, တယံၤကဲာ်ဆိးဒီး တၢ်သူၣ်ထီၣ်တဖျၢၣ်လၢအအိၣ်လၢယွၤအတၢ်လုၢ်ဟံၣ်, အမုၢ်နုာ် အကတၢၢ်တကပၤဘၣ်န့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

လံာ်လီၣ်ဖျါ 21:15

ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.