လံာ်ယဃ့းစက့လး 40:6 - Sgaw Karen Common Bible

⁶ အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.

လံာ်ယဃ့းစက့လး 40:6 Iomraidhean Croise

လံာ်စီၤပၤအခီၣ်ထံးတဘ့ၣ် 6:8

ဒၢးဖိလၢတၢ်ဖီလာ်ကတၢၢ်တဆီအကျဲစၢၤအိၣ်ဝဲလၢယွၤအတၢ်လုၢ် ဟံၣ်အကလံၤထံးတကပၤအိၣ်ဒီးဃီသွါတဖၣ်လၢအလဲၤထီၣ်ဆူဒၢးခံ ဆီတဆီဒီးသၢဆီတဆီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:18

တုၤဃီၤလၢအဆၢကတီၢ်အဝဲန့ၣ်, အဝဲသ့ၣ်အဒူၣ်ထၢတဖၣ်, အဟံၣ်ဖိဃီဖိဘၣ်တၢ်ပာ်လီၤအီၤဖဲတၢ်လုၢ်ဟံၣ်အတြဲၤမုၢ်ထီၣ်, ဖဲစီၤပၤတဖၣ်လဲၤနုာ်ဝဲ, အကျဲစၢၤန့ၣ်လီၤ. လၢညါန့ၣ်အဝဲသ့ၣ်ဆၢထၢၣ်ပၢၤတၢ်ဖဲတြဲၤတဖၣ်လၢပှၤလဲၤနုာ်ဆူ ပှၤလ့ၤဝံဖိတဖၣ်အသူၣ်ဒဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:24

တြဲၤလၢအမဲာ်ကွၢ်ဃီၤဆူမူပၤလွံၢ်ကျိၤ, ကလံၤစိး, ကလံၤထံး, မုၢ်ထီၣ်ဒီးမုၢ်နုာ်အိၣ်တဘ့ၣ်စုာ်စုာ်, ဒီးအပှၤပၢၤတၢ်အဒိၣ်အိၣ်တဂၤစုာ်စုာ်လီၤ.

လံာ်စီၤနဃ့မယၤ 3:29

ဒီးစီၤအံးမ့ၢ်အဖိခွါစီၤစၤဒိးဘှီထီၣ်ဝဲလၢခံတပတီၢ် သဃဲၤဒီးအဟံၣ်ဒၣ်ဝဲန့ၣ်လီၤ. ဒီးစီၤၡကါနယၤအဖိခွါစီၤၡမါယၤလၢအမ့ၢ်ပှၤပၢၤပဲတရီလၢ မုၢ်ထီၣ်ဘှီထီၣ်ဝဲလၢခံတပတီၢ်န့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

လံာ်ယံးရမံယၤ 19:2

ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယဃ့းစက့လး 10:18

ဝံၤဒီးယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤဟးထီၣ်ဝဲ လၢယွၤအတၢ်လုၢ်ဟံၣ်အကျဲစၢၤဒီးသုးအသးဆူတၢ်လီၢ်တတီၤလၢ အအိၣ်လၢတၢ်ဘၣ်တ့တဖၣ်အဖီခိၣ်န့ၣ်လီၤ.

လံာ်ယဃ့းစက့လး 11:1

ကစၢ်ယွၤအသးစိာ်ထီၣ်ယၤဒီးဆှၢယၤဆူ ယွၤအတၢ်လုၢ်ဟံၣ်အတြဲၤလီၤ. ဘူးဒီးတြဲၤဖဲန့ၣ်, ယထံၣ်ဘၣ်ပှၤဃုဆံယဲၢ်ဂၤ, အိၣ်ဃုာ်ဒီးစီၤဧၤစူၢ်အဖိခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတယၤ, လၢအမ့ၢ်ပှၤကလုာ်အခိၣ် အနၢ်ခံဂၤန့ၣ်လီၤ.

လံာ်ယဃ့းစက့လး 40:20

အန့ၣ်ဝံၤဒီးပှၤတဂၤန့ၣ်ထိၣ်ကျဲစၢၤကျိၤထံးလၢကလံၤစိး တကပၤလၢအလဲၤနုာ်လီၤဆူတၢ်လုၢ်ဟံၣ်အဃၢၤလၢတၢ်ချၢ တခီန့ၣ်လီၤ.

လံာ်ယဃ့းစက့လး 40:22

ကျဲစၢၤထံးအဒၢး, ပဲတြီဖိတဖၣ်, ဒီးသ့ၣ်စူၣ်ပလိၣ်လၢအဘၣ် တၢ်ဒိးပျၤအီၤတဖၣ်န့ၣ်, မ့ၢ်တၢ်ဒ်သိးလိာ်အသးဒီးတၢ်တဖၣ် လၢအအိၣ်လၢမုၢ်ထီၣ်အတြဲၤဖးဒိၣ်တခီန့ၣ်လီၤ. ဖဲအံၤဃီသွါနွံသွါလဲၤထီၣ်ဝဲဆူတြဲၤဖးဒိၣ်, ဒီးကျဲစၢၤထံးအဒၢးန့ၣ်, အိၣ်ဝဲဖဲဃီသွါအခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤန့ၣ်လီၤ.

လံာ်ယဃ့းစက့လး 40:24

မၤကဒီးတစု, ပှၤတဂၤန့ၣ်ဆှၢကဒီးယၤဆူကလံၤထံးတကပၤဒီး ဖဲန့ၣ်ပထံၣ်ဘၣ်ကျဲစၢၤကျိၤထံးအဂၤတခါန့ၣ်လီၤ. အဝဲထိၣ် ကျဲစၢၤကျိၤထံးန့ၣ်အတၢ်ဒူၣ်တဖၣ်လၢတၢ်အိပူၤတကပၤဒီး အကျဲစၢၤထံးအဒၢး, ဒီးအဝဲသ့ၣ်မ့ၢ်တၢ်ဒ်သိးလိာ်အသးဒီး တၢ်အိၣ်လၢအဂၤတကပၤန့ၣ်လီၤ.

လံာ်ယဃ့းစက့လး 40:26

ဃီသွါနွံသွါလဲၤထီၣ်ဆူအအိၣ်, ဒီးအကျဲစၢၤထံးအဒၢးအိၣ် စ့ၢ်ကီးဝဲဖဲတၢ်အခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤ န့ၣ်လီၤ. စူၣ်ပလိၣ်အထူၣ်တဖၣ်လၢအဘၣ်တၢ်စိးပျၤအီၤအိၣ်ဝဲ လၢတၢ်ဒူၣ်လၢတၢ်အိပူၤတကပၤအလိၤလၢအကွၢ်ဃီၤတၢ်ဆူ တၢ်လဲၤထီၣ်က့ၤလီၤအကျိၤန့ၣ်လီၤ.

လံာ်ယဃ့းစက့လး 40:5

တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်ယဃ့းစက့လး 40:7

ဖျိကွံာ်ကျဲစၢၤအဝဲန့ၣ်, တၢ်လဲၤထီၣ်က့ၤလီၤအကျိၤလၢအကပၤ ခံခီယၢ်ဘးအိၣ်ဒီးပှၤခိးတၢ်အဒၢးသၢဖျၢၣ်စုာ်စုာ်အိၣ်ဝဲတကျိၤ န့ၣ်လီၤ. ဒၢးတဖျၢၣ်စုာ်စုာ်အိၣ်ဒီးအတၢ်ထိၣ်လွံၢ်ကပၤတုၤသိး လိာ်အသး, လၢအမ့ၢ်တကပၤဃုပျၢ်စုာ်စုာ်, ဒီးတၢ်ဒူၣ်တဖၣ်လၢ အဘၢၣ်စၢၤန့ၣ်အဒီၣ်ဃီၤအိၣ်ဝဲယဲၢ်ပျၢ်စုာ်စုာ်န့ၣ်လီၤ. ဖျိထီၣ်ကွံာ် ပှၤခိးတၢ်အဒၢးတဖၣ်န့ၣ်, တၢ်လဲၤထီၣ်က့ၤလီၤအကျိၤလၢ အထီဝဲဒၣ်ဃုပျၢ်လၢအလဲၤလိၤလိၤဆူကျဲစၢၤထံးအဒၢးလၢ အကွၢ်ဃီၤတၢ်ဆူယွၤအတၢ်လုၢ်ဟံၣ်အိၣ်ဝဲတကျိၤန့ၣ်လီၤ.

လံာ်ယဃ့းစက့လး 41:16

ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယဃ့းစက့လး 42:15

တုၤပှၤတဂၤန့ၣ်ထိၣ်ဝဲတၢ်လုၢ်ဟံၣ်အလီၢ်ကဝီၤလၢတၢ်အိပူၤတကပၤ ဝံၤန့ၣ်အဝဲဆှၢထီၣ်ယၤခီဖျိမုၢ်ထီၣ်အတြဲၤဖးဒိၣ်ဝံၤဒီးထိၣ်ဝဲတၢ်လီၢ် ကဝီၤလၢတၢ်ချၢတကပၤန့ၣ်လီၤ.

လံာ်ယဃ့းစက့လး 43:1

ပှၤတဂၤန့ၣ်ဆှၢဃီၤယၤဆူတြဲၤဖးဒိၣ် လၢအကွၢ်တၢ်ဆူမုၢ်ထီၣ်တကပၤ,

လံာ်ယဃ့းစက့လး 43:17

တၢ်အခၢၣ်သးတပတီၢ်န့ၣ်စ့ၢ်ကီးမ့ၢ်တၢ်လွံၢ်နၢၣ်ဃူသိးလိာ်အသး, တကပၤန့ၣ်အိၣ်တဆံလွံၢ်ပျၢ်စုာ်စုာ်, အိၣ်ဒီးအခိၣ်ဒူတခါလၢအကနူၤလၢ အချၢ, လၢအစီၤထီၣ်ထီဝဲတထါန့ၣ်လီၤ. (ထံယွၤလီၤ အကျိၤလဲၢ်ဝဲတပျၢ်န့ၣ်လီၤ.) ဃီသွါတဖၣ်လၢအလဲၤထီၣ်ဆူ တၢ်လုၢ်လီၢ်န့ၣ်အိၣ်ဝဲဒၣ်လၢမုၢ်ထီၣ်တကပၤန့ၣ်လီၤ.

လံာ်ယဃ့းစက့လး 43:8

စီၤပၤတဖၣ်ဘှီထီၣ်အနူၢ်ဧိၤစီၤဧိၤအကျဲစၢၤအကျိၤထံးဒီးအတြဲၤအ ထူၣ်တဖၣ်သဃဲၤလိာ်အသးဒီးယတၢ်လုၢ်ဟံၣ်အကျဲစၢၤကျိၤထံးဒီးတြဲၤ ထူၣ်တဖၣ်တုၤဒၣ်လဲာ်လၢအဘၢၣ်စၢၤန့ၣ်အိၣ်ဒၣ်ထဲတၢ်ဒူၣ်တဒူၣ် ဧိၤန့ၣ်လီၤ. အဝဲသ့ၣ်မၤမဲာ်ဆှးယမံၤစီဆှံခီဖျိတၢ်လီၤ သးဘၣ်အၢတဖၣ်လၢအဝဲ, သ့ၣ်မၤတ့ၢ်ဝဲအဃိ သတးဒီးလၢယတၢ်သးကဲၤထီၣ်အပူၤန့ၣ်ယမၤဟးဂီၤကွံာ် အဝဲသ့ၣ်န့ၣ်လီၤ.

လံာ်ယဃ့းစက့လး 44:1

ပှၤတဂၤန့ၣ်ဆှၢဃီၤယၤဆူတၢ်ချၢအတြဲၤဖးဒိၣ်လၢတၢ်လုၢ်ဟံၣ် အလီၢ်ကဝီၤအမုၢ်ထီၣ်တကပၤန့ၣ်လီၤ. တြဲၤဖးဒိၣ်န့ၣ်ကးတံာ်ဃး အသး,

လံာ်ယဃ့းစက့လး 46:12

ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်ယဃ့းစက့လး 47:1

ပှၤတဂၤန့ၣ်ဆှၢကဒါက့ၤယၤဆူယွၤ အတၢ်လုၢ်ဟံၣ်အကျဲစၢၤဟဲနုာ်လီၤန့ၣ်လီၤ. ထံဟဲထီၣ်လၢကျဲစၢၤဟဲနုာ်လီၤအဖီလာ်ဒီး ယွၤလီၤဝဲဆူမုၢ်ထီၣ်လၢယွၤအတၢ်လုၢ်ဟံၣ်အမဲာ်ကွၢ်တၢ်တခီန့ၣ်လီၤ. ထံအံၤဟဲယွၤလီၤလၢတၢ်လုၢ်ဟံၣ်အကလံၤထံးအဖီလာ်တ ကပၤတခီဒီးလဲၤခီဂာ်တၢ်လုၢ်လီၢ်အကလံၤထံးတကပၤန့ၣ်လီၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.