လံာ်ယဃ့းစက့လး 40:5 - Sgaw Karen Common Bible

⁵ တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်ယဃ့းစက့လး 40:5 Iomraidhean Croise

စံးထီၣ်ပတြၢၤ 125:2

ဒ်ကစၢၢ်ကလိတဖၣ်အိၣ်ဝးတရံး ယရူၤၡလ့ၣ်အသိးန့ၣ်, ယွၤအိၣ်ဝးတရံးအပှၤဂီၢ်မုၢ် တုၤအံၤဆူညါအစိၤစိၤအဃၣ်ဃၣ်လီၤ.

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်ယဃ့းစက့လး 41:8

ယထံၣ်ဘၣ်လၢဝးတရံးယွၤအတၢ်လုၢ်ဟံၣ်န့ၣ်တၢ်အပတီၢ် တခါလၢအကစီၤထီၣ်ထီဝဲဃုပျၢ်လၢအလဲၤတဆီဘၣ်တဆီ, ဒီးအခီၣ်ထံးအလီၢ်အိၣ်ဝဲတုၤလိာ်အသးဒီးဒၢးဖိတဖၣ်လၢ အအိၣ်ဖဲတၢ်လုၢ်ဟံၣ်အဒူၣ်တဖၣ်အကပၤအသနၢၣ်ခီၣ်ထံးန့ၣ်လီၤ.

လံာ်ယဃ့းစက့လး 42:15

တုၤပှၤတဂၤန့ၣ်ထိၣ်ဝဲတၢ်လုၢ်ဟံၣ်အလီၢ်ကဝီၤလၢတၢ်အိပူၤတကပၤ ဝံၤန့ၣ်အဝဲဆှၢထီၣ်ယၤခီဖျိမုၢ်ထီၣ်အတြဲၤဖးဒိၣ်ဝံၤဒီးထိၣ်ဝဲတၢ်လီၢ် ကဝီၤလၢတၢ်ချၢတကပၤန့ၣ်လီၤ.

လံာ်ယဃ့းစက့လး 42:20

လၢတၢ်န့ၣ်အဃိတၢ်ဒူၣ်န့ၣ်အနီၣ်ထိၣ်မ့ၢ်ဝဲအပျၢ်ယဲၢ်ကယၤဝးဝး န့ၣ်လီၤ. တၢ်ဒူၣ်အံၤနီၤဖးကွံာ်တၢ်လီၢ်လၢအစီဆှံဒီးတစီဆှံဘၣ်န့ၣ်လီၤ.

လံာ်ယဃ့းစက့လး 43:13

အအံၤမ့ၢ်တၢ်လုၢ်လီၢ်အတၢ်ထိၣ်တၢ်တဲာ်တဖၣ်လီၤ. တၢ်သူနီၣ်ထိၣ် တမံၤဃီဒ်သိးဒၣ်တၢ်ထိၣ်ယွၤအတၢ်လုၢ်ဟံၣ်အသိးန့ၣ်လီၤ. ဝးတရံးတၢ်လုၢ်လီၢ်အခီၣ်ထံးန့ၣ်ထံယွၤလီၤအကျိၤအိၣ်ဝဲတကျိၤ လၢအယိာ်အိၣ်ဝဲတပျၢ်ဒီးအလဲၢ်အိၣ်ဝဲတပျၢ်အိၣ်ဒီးအကနူၤလၢ တၢ်ချၢတကပၤလၢအကစီၤထီၣ်ထီဝဲတထါန့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်လီၣ်ဖျါ 21:12

ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.