လံာ်ယဃ့းစက့လး 40:44 - Sgaw Karen Common Bible

⁴⁴ အန့ၣ်ဝံၤဒီးအဝဲဆှၢဃီၤယၤဆူတၢ်လုၢ်လီၢ်အဂၢၤလၢတၢ်အိပူၤ န့ၣ်လီၤ. ဒၢးအိၣ်ဝဲဒၣ်ခံဖျၢၣ်လၢအအိၣ်အိးထီၣ်ဃာ်အသး လၢတၢ်လုၢ်ဟံၣ်အဂၢၤတၢ်အိပူၤ, တဖျၢၣ်အိၣ်ဖဲကလံၤစီး အကျဲစၢၤကျိၤထံးဒီးအမဲာ်ကွၢ်တၢ်ဆူကလံၤထံး, ဒီးအဂၤ တဖျၢၣ်န့ၣ်အိၣ်လၢကလံၤထံးအကျဲစၢၤကျိၤထံးဒီးအမဲာ် ကွၢ်တၢ်ဆူကလံၤစိးတကပၤန့ၣ်လီၤ.

လံာ်ယဃ့းစက့လး 40:44 Iomraidhean Croise

လံာ်ယဃ့းစက့လး 40:10

(ပှၤခိးတၢ်အဒၢးသ့ၣ်တဖၣ်လၢအအိၣ်ဖဲတၢ်လဲၤထီၣ်က့ၤလီၤ အကျိၤအကပၤစုာ်စုာ်န့ၣ်အတၢ်ထိၣ်အက့ၢ်အဂီၤမ့ၢ်တၢ်ဒ်သိး လိာ်အသးဒီးတၢ်အဒူၣ်တဖၣ်လၢအအိၣ်ဖဲအဝဲသ့ၣ်အဘၢၣ်စၢၤ အဒီၣ်ဃီၤမ့ၢ်တၢ်ဒ်သိးသိးခဲလၢာ်န့ၣ်လီၤ.)

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 40:23

လၢကျဲစၢၤကျိၤထံးလၢကလံၤစိးတခီအံၤအဘးခီတၢ်လုၢ်ဟံၣ် အဂၢၤအဂၤတကပၤန့ၣ်, အိၣ်ဒီးကျဲစၢၤကျိၤထံးအဂၤတခါ လၢအလဲၤနုာ်ဆူတၢ်လုၢ်ဟံၣ်အဂၢၤလၢတၢ်အိပူၤ, ဒ်သိးဒၣ်လၢ မုၢ်ထီၣ်တကပၤန့ၣ်လီၤ. ပှၤတဂၤန့ၣ်ထိၣ်တၢ်ဒ့ၣ်စၢၤလၢကျဲစၢၤ ကျိၤထံးခံခါအဘၢၣ်စၢၤဒီးအိၣ်ဝဲအပျၢ်တကယၤန့ၣ်လီၤ.

လံာ်ယဃ့းစက့လး 40:27

ဖဲအံၤစ့ၢ်ကီးကျဲစၢၤကျိၤထံးလၢအလဲၤနုာ်ဆူတၢ်လုၢ်ဟံၣ်အဂၢၤ လၢအတၢ်အိပူၤအိၣ်တကျိၤန့ၣ်လီၤ. ပှၤတဂၤန့ၣ်ထိၣ်ကျဲစၢၤ ကျိၤထံးခံကျိၤတကျိၤအံၤအတၢ်ဒ့ၣ်စၢၤ, ဒီးမ့ၢ်ဝဲအပျၢ်ယဲၢ်ဆံ န့ၣ်လီၤ.

လံာ်ယဃ့းစက့လး 40:29

အပှၤခိးတၢ်အဒၢးတဖၣ်, အကျဲစၢၤထံးအဒၢး, ဒီးအတၢ် အဒူၣ်လၢတၢ်အိပူၤတကပၤခဲလၢာ်, အနီၣ်ထိၣ်မ့ၢ်တၢ်ဒ်သိးသိး ဒီးတၢ်အဂၤတဖၣ်လၢအအိၣ်လၢကျဲစၢၤကျိၤထံးအဂၤတဖၣ် အသိးန့ၣ်လီၤ.

လံာ်ယဃ့းစက့လး 40:38

လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ် အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်ယဃ့းစက့လး 40:43

စီၢ်နီၤခိၣ်တဖၣ်အံၤအခိၣ်ဒူဝးတရံးန့ၣ်အိၣ်ဒီးအကနူၤလၢအလဲၢ်ဝဲ တထါန့ၣ်လီၤ. ကယဲၢ်တၢ်ညၣ်ခဲလၢာ်ကဘၣ်တၢ်လုၢ်ထီၣ်အီၤ လၢတၢ်လုၢ်တၢ်ပာ်အပူၤန့ၣ်ဘၣ်တၢ်ပာ်ထီၣ်အီၤလၢစီၢ်နီၤခိၣ် တဖၣ်အံၤအဖီခိၣ်လီၤ.

လံာ်ယဃ့းစက့လး 40:7

ဖျိကွံာ်ကျဲစၢၤအဝဲန့ၣ်, တၢ်လဲၤထီၣ်က့ၤလီၤအကျိၤလၢအကပၤ ခံခီယၢ်ဘးအိၣ်ဒီးပှၤခိးတၢ်အဒၢးသၢဖျၢၣ်စုာ်စုာ်အိၣ်ဝဲတကျိၤ န့ၣ်လီၤ. ဒၢးတဖျၢၣ်စုာ်စုာ်အိၣ်ဒီးအတၢ်ထိၣ်လွံၢ်ကပၤတုၤသိး လိာ်အသး, လၢအမ့ၢ်တကပၤဃုပျၢ်စုာ်စုာ်, ဒီးတၢ်ဒူၣ်တဖၣ်လၢ အဘၢၣ်စၢၤန့ၣ်အဒီၣ်ဃီၤအိၣ်ဝဲယဲၢ်ပျၢ်စုာ်စုာ်န့ၣ်လီၤ. ဖျိထီၣ်ကွံာ် ပှၤခိးတၢ်အဒၢးတဖၣ်န့ၣ်, တၢ်လဲၤထီၣ်က့ၤလီၤအကျိၤလၢ အထီဝဲဒၣ်ဃုပျၢ်လၢအလဲၤလိၤလိၤဆူကျဲစၢၤထံးအဒၢးလၢ အကွၢ်ဃီၤတၢ်ဆူယွၤအတၢ်လုၢ်ဟံၣ်အိၣ်ဝဲတကျိၤန့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.