လံာ်ယဃ့းစက့လး 40:39 - Sgaw Karen Common Bible

³⁹ လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်ယဃ့းစက့လး 40:39 Iomraidhean Croise

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်ယဃ့းစက့လး 40:40

လၢဒၢးအချၢတကပၤန့ၣ်, အိၣ်ဒီးစီၢ်နီၤခိၣ်လၢအဒ်သိးလိာ် အသးလွံၢ်ဖျၢၣ်, ခံဖျၢၣ်စုာ်စုာ်န့ၣ်အိၣ်ဝဲဒၣ်လၢကလံၤစိးတြဲၤဖးဒိၣ် အကျဲစၢၤထံးတခီတကပၤန့ၣ်လီၤ.

လံာ်ယဃ့းစက့လး 40:41

စီၢ်နီၤခိၣ်ခဲလၢာ်အိၣ်ဝဲဃိးဖျၢၣ်လၢတၢ်ကမၤသံဆၣ်ဖိကီၢ်ဖိတဖၣ် လၢပှၤကလုၢ်ထီၣ်အီၤအဂီၢ်, လွံၢ်ဖျၢၣ်အိၣ်လၢဒၢးအပူၤဒီးလွံၢ်ဖျၢၣ်အိၣ် လၢဒၢးအချၢလၢတၢ်လုၢ်ဟံၣ်အဂၢၤပူၤန့ၣ်လီၤ.

လံာ်ယဃ့းစက့လး 40:42

စီၢ်နီၤခိၣ်လွံၢ်ဖျၢၣ်လၢကဘၣ်တၢ်သူအီၤလၢတၢ်ကတဲာ်ကတီၤထီၣ် တၢ်လုၢ်တၢ်ပာ်တဖၣ်လၢ, တၢ်ကဆိၣ်ကဲၤထီၣ်အီၤဒီဒုအဂီၢ်လၢအအိၣ် လၢဒၢးတဖျၢၣ်လၢအအိၣ်စဲဘူးဒီးတၢ်လုၢ်ဟံၣ်အဂၢၤအပူၤန့ၣ်, ဘၣ်တၢ်မၤအီၤလၢၢ်လၢအဘၣ်တၢ်ကူးတဲာ်အီၤန့ၣ်လီၤ. အဝဲသ့ၣ်အကစီၤထီၣ်ထီဝဲတပျၢ်ဒီးအလဲၢ်န့ၣ် မ့ၢ်ဝဲတပျၢ်ဒီးတထါ, ဒီးအဒီၣ်ဃီၤမ့ၢ်ဝဲတပျၢ်ဒီးတထါ န့ၣ်လီၤ. တၢ်ပီးတၢ်လီတဖၣ်လၢတၢ်သူအီၤလၢတၢ်ကမၤ သံတၢ်လုၢ်တၢ်ပာ်ဆၣ်ဖိကီၢ်ဖိတဖၣ်အဂီၢ်, ဘၣ်တၢ်ပာ်အီၤလၢစီၢ်နီၤခိၣ်တဖၣ်အံၤအဖီခိၣ်န့ၣ်လီၤ.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်ယဃ့းစက့လး 44:16

ထဲအဝဲသ့ၣ်ဧိၤန့ၣ်ကဟဲနုာ်လၢယတၢ်လုၢ်ဟံၣ်အပူၤ, မၤတၢ်လၢယတၢ်လုၢ်လီၢ်ဒီးမၤတၢ်ဘူၣ်ထီၣ်ဘါထီၣ် တဖၣ်လၢယတၢ်လုၢ်ဟံၣ်အပူၤန့ၣ်လီၤ.

လံာ်ယဃ့းစက့လး 46:2

စီၤပၤဖိခွါလၢအပၢတၢ်ကလဲၤတၢ်လၢတၢ်လုၢ်ဟံၣ်အဂၢၤလၢ တၢ်ပျီပူၤဒီးလဲၤနုာ်ဆူကျဲစၢၤထံးအဒၢးပူၤခီဖျိကျဲစၢၤကျိၤထံး ဒီးဆၢထၢၣ်ဖဲတြဲၤဖးဒိၣ်အထူၣ်တဖၣ်အကပၤဖဲပှၤလုၢ်တၢ်အခိၣ် တဖၣ်ဆိၣ်ကဲၤထီၣ်အဝဲအတၢ်လုၢ်တၢ်ပာ်တဖၣ်ဒီတဒုညါဒီးလုၢ်ထီၣ် အဝဲအတၢ်လုၢ်မၤဃူမၤဖိးတဖၣ်အခါန့ၣ်လီၤ. ဖဲတြဲၤဖးဒိၣ် န့ၣ်အဝဲကဘူၣ်ထီၣ်ဘါထီၣ်တၢ်ဝံၤဒီးဟးထီၣ်ကွံာ်ကဒါက့ၤဆူ တၢ်ချၢန့ၣ်လီၤ. တချုးလၢမုၢ်ဟါလီၤဒံးဘၣ်န့ၣ်တၢ်တဘၣ် ကးတံာ်ဃာ်တြဲၤဖးဒိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:19

တၢ်အံၤမ့ၢ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်လၢတၢ်ဒဲးဘး လၢအထီဒါဘၣ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

လံာ်မၤလကံ 1:12

ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

လံာ်မၤလကံ 1:7

ဒီးသုမၤတရီတပါယၤ, ခီဖျိသုလုၢ်ထီၣ်တၢ်အီၣ်လၢတကြၢးတဘၣ်လၢယတၢ်လုၢ်လီၢ်အဖီခိၣ် လီၤ. ဒီးသုသံကွၢ်, “ပတပာ်ကဲနၤဒ်လဲၣ်.” ဒီးယကတဲဘၣ်သု, သုတပာ်ကဲယၤခီဖျိသုဒုးနဲၣ်ဖျါတၢ်သးဘၣ်အၢလၢယတၢ်လုၢ်လီၢ် အဖီခိၣ်န့ၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.