လံာ်ယဃ့းစက့လး 40:38 - Sgaw Karen Common Bible

³⁸ လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ် အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်ယဃ့းစက့လး 40:38 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:6

အဝဲသ့ၣ်မၤစ့ၢ်ကီးဝဲသရာ်အဖျၢၣ်တဆံ, ယဲၢ်ဖျၢၣ်ကဘၣ်တၢ်ပာ်အီၤလၢယွၤအတၢ်လုၢ်ဟံၣ်အကလံၤထံး, ဒီးယဲၢ်ဖျၢၣ်လၢအကလံၤစိးန့ၣ်လီၤ. သရာ်တဖၣ်န့ၣ်ကဘၣ်တၢ်သူအီၤလၢတၢ်ကသ့ကွံာ်ဆၣ်ဖိ ကီၢ်ဖိအကူာ်တဖၣ်လၢတၢ်ဆူးကဲၤထီၣ်တ့ၢ်လံအီၤဒ်တၢ်လုၢ်တၢ်ပာ် တဖၣ်န့ၣ်လီၤ. ထံလၢထံဒၢဖးဒိၣ်န့ၣ်ကဘၣ်တၢ်သူ အီၤလၢပှၤလုၢ်တၢ်အခိၣ်တဖၣ်ကသ့အသးအဂီၢ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

လံာ်ယဃ့းစက့လး 42:13

ပှၤတဂၤန့ၣ်စံးဘၣ်ယၤ, တၢ်သူၣ်ထီၣ်ခံဖျၢၣ်လၢာ်အံၤန့ၣ်စီဆှံ ဝဲလီၤ. လၢတၢ်သူၣ်ထီၣ်တဖၣ်အံၤအပူၤန့ၣ်, ပှၤလုၢ်တၢ်အဒိၣ်တဖၣ်လၢအလဲၤနုာ်ဆူယွၤအိၣ်ဝဲဆိးဝဲအလီၢ်န့ၣ်, အိၣ်ဝဲတၢ်လုၢ်အစီဆှံကတၢၢ်တဖၣ်န့ၣ်လီၤ. မ့ၢ်လၢဒၢးတဖၣ်စီဆှံဝဲအဃိ, ပှၤလုၢ်တၢ်အခိၣ်တဖၣ်ကပာ်ထီၣ် တၢ်လုၢ်အစီဆှံကတၢၢ်တဖၣ်ဖဲန့ၣ်လၢအမ့ၢ်ဝဲတၢ်လုၢ်ဘုဧိၤ ဟုဧိၤတဖၣ်ဒီးတၢ်လုၢ်တၢ်ပာ်တဖၣ်လၢတၢ်ပျၢ်တၢ်ဒဲးဘးအဂီၢ်မ့ၢ်ဂ့ၤတၢ် လုၢ်တၢ်ပာ်တဖၣ်လၢတၢ်ပျၢ်တၢ်ကမၣ်အဂီၢ်မ့ၢ်ဂ့ၤဖဲန့ၣ်လီၤ.

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 40:12

လၢပှၤခိးတၢ်အဒၢးတဖၣ်, တဖျၢၣ်စုာ်စုာ်အမဲာ်ညါန့ၣ်အိၣ်ဒီး တၢ်ဒူၣ်အဖုၣ်ဖိတခါလၢအထီအိၣ်ဝဲတပျၢ်ဒီးအဒီၣ်ဃီၤအိၣ်ဝဲ တပျၢ်န့ၣ်လီၤ. (ဒၢးဖိတဖၣ်အတၢ်ထိၣ်မ့ၢ်ဝဲဃုပျၢ်ဝးတရံး န့ၣ်လီၤ.)

လံာ်စီၤပၤအခီၣ်ထံးတဘ့ၣ် 6:8

ဒၢးဖိလၢတၢ်ဖီလာ်ကတၢၢ်တဆီအကျဲစၢၤအိၣ်ဝဲလၢယွၤအတၢ်လုၢ် ဟံၣ်အကလံၤထံးတကပၤအိၣ်ဒီးဃီသွါတဖၣ်လၢအလဲၤထီၣ်ဆူဒၢးခံ ဆီတဆီဒီးသၢဆီတဆီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:21

ဒီးသ့စီကွံာ်ဝဲအပှံာ်အကဖုဒီးအခီၣ်တဖၣ်ဒီးဆူးကဲၤထီၣ်သိ ဖါဒီဒုလၢတၢ်လုၢ်လီၢ်အဖီခိၣ်ဒ်ယွၤမၤလိာ်ဝဲအသိးန့ၣ်လီၤ. မ့ၣ်အူအံၤအတၢ်နၢမူန့ၣ်မၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:12

အဝဲဟ့ၣ်လီၤစ့ၢ်ကီးအီၤလၢကယဲၢ်တၢ်တိာ်ကျဲၤလၢအအိၣ်လၢအသး ပူၤ, လၢတၢ်လုၢ်ဟံၣ်ဂၢၤတဖၣ်, ဒီးဒၢးအိၣ်ဝးတရံးအီၤတဖၣ်အဂီၢ်ဒီးလၢယွၤအတၢ်လုၢ်ဟံၣ်အတၢ် ပီးတၢ်လီဒီးတၢ်ဟ့ၣ်လၢအဘၣ်တၢ်ပာ်စီဆှံတ့ၢ်အီၤဆူယွၤ, အတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်စီၤနဃ့မယၤ 13:9

ယဟ့ၣ်လီၤယကလုၢ်လၢဒၢးတဖၣ်ကဘၣ်တၢ်မၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးဒီးလၢတၢ်လုၢ်ဟံၣ်အတၢ်ပီးတၢ် လီတဖၣ်, တၢ်မၤဘူၣ်ဘုဧိၤဟုဧိၤ, ဒီးတၢ်နၢမူတဖၣ်ကဘၣ်တၢ်ပာ်ကဒါက့ၤအီၤန့ၣ်လီၤ.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်ယံးရမံယၤ 36:10

အန့ၣ်ဒီး, ဖဲပှၤဂီၢ်မုၢ်ခဲလၢာ် ဒိကနၣ်တၢ်အခါန့ၣ်, စီၤဘၤရူးဖးထီၣ်တၢ်လၢ လံာ်ထူအပူၤတၢ်ခဲလၢာ် လၢ ယစံးတ့ၢ်ယဲန့ၣ်လီၤ. အဝဲမၤတၢ်အံၤလၢ ယွၤ အတၢ်လုၢ်ဟံၣ်ပူၤ, ဖဲစီၤၡၤဖၣ်အဖိခွါ ကွီၢ်ဘျီၣ်အပှၤ ကွဲးလံာ် စီၤကမၤရယၤ အဒၢးပူၤန့ၣ်လီၤ. ဒၢးအဝဲအံၤ အိၣ်ဝဲလၢ ကွီၢ်ဘျီၣ်, ထးခီတတီၤ, လၢအဘူးဒီးကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယဃ့းစက့လး 40:44

အန့ၣ်ဝံၤဒီးအဝဲဆှၢဃီၤယၤဆူတၢ်လုၢ်လီၢ်အဂၢၤလၢတၢ်အိပူၤ န့ၣ်လီၤ. ဒၢးအိၣ်ဝဲဒၣ်ခံဖျၢၣ်လၢအအိၣ်အိးထီၣ်ဃာ်အသး လၢတၢ်လုၢ်ဟံၣ်အဂၢၤတၢ်အိပူၤ, တဖျၢၣ်အိၣ်ဖဲကလံၤစီး အကျဲစၢၤကျိၤထံးဒီးအမဲာ်ကွၢ်တၢ်ဆူကလံၤထံး, ဒီးအဂၤ တဖျၢၣ်န့ၣ်အိၣ်လၢကလံၤထံးအကျဲစၢၤကျိၤထံးဒီးအမဲာ် ကွၢ်တၢ်ဆူကလံၤစိးတကပၤန့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.